radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ދިވެހިހެދުން
ނ (1) ދިވެހި ފިރިހެނުން ބޭނުންކުރާ މުންޑާއި ގަމީސް ނުވަތަ މުންޑާއި ލިބާސް (2) ދިވެހި އަންހެނުން ބޭނުންކުރާ ބޯވަޅުއެޅި ލިބާހާއި ފޭލިނުވަތަ ބޯވަޅުއެޅި ލިބާހާއި ކަނޑިކި ނުވަތަ ނަންބަރ ހެދުން
ދިވެހިރުއް
ނ (1) އެއްތަނޑިއަށްހެދޭ ފެންފޯއް ރުކަށްވުރެ ފަލަ ކުރީގައި ފަނާއި އިހާ އަންނަ ގަހެއް މިގަހުގެ އިހަލުގައި ގަންނަ ވައް އެކިވަރަށް ހަރުވުމުން އެއަށް ދިވެހިން އެކިނަންނަން ކިޔައެވެ އޭގެ ތެރޭގައި )ހ( ގޮބޮޅި )ށ( މިރި )ނ( ކިހައް )ރ( ކުރުނބާ )ބ( ގަބުޅި )ޅ( ކާށި )ކ( ކުރޮޅި ހިމެނެއެވެ މިގަހުގެ ހުރިހާ ބައެއްވެސް ދިވެހިންގެ ދިރިއުޅުމަށް ބޭނުންކުރެއެވެ (2) ދިވެހިންގެ ޤައުމީ ގަސް
ދިވެހިބަސް
ނ (1) ދިވެހިރާއްޖޭގެ މީހުންގެ އަމިއްލަބަސް (2) ދިވެހީންގެ މާދަރީބަސް
ދިވެހިބޭސް
ނ ޙަކީމީ ބޭހަށް ދިވެހިން ކިޔާގޮތް
ދިވެހިކަސްތޫރި
ނ ކާމަރަނގަ ހުންނަހެން އަރިއަރިއަށް ހުންނަ ތޮޅިއެއްއަޅާ ގަހެއް. މިއީ ގާތްގަނޑަކަށް އިސްކޮޅާ ހަމަޔަށް ހެދޭ ތިންކަތްޕަށް ފަތްހުންނަ ގަހެކެވެ މިގަހުގެ އޮށުގައި ވަރަށް މީރުވަސްދުވައެވެ މިއީ ވަރަށް ގިނައިން ތޮޅިއަޅާ ގަހެކެވެ މިއީވަސް ދުއްވުމަށާއި ބޭހަށް ބޭނުންކުރާ އެއްޗެކެވެ
ދިވެހިއަތަ
ނ އަތައިގެ ބާވަތެއް މިއީ ފިތްފިތަށް ހުންނަ އެތެރޭގައި ގިނައޮށްތަކެއް އެކުލެވޭ ފޮނި ރަހަގަދަ މީރު މޭވާއެކެވެ
ދިވެހިދިދަ
ނ ދިވެހިރާއްޖޭގެ ޤައުމީ ދިދަ
ދިމާކުރުން
މ (1) ބައްދަލުކުރުން (2) މީހަކާ ޖައްސައިލައިގެން އެއްޗެހި ކިއުން (3) އެއްޗަކާ އެއްޗެއް ސީދާކުރުން (4) ރަނގަޅު ޖަވާބެއް ދިނުން ނުވަތަ ރަނގަޅު ޖަވާބެއް ހޯދުން (5) ހަމަލަދިނުން
ދިދަމަސްބިބީ
ނ ބިބީއާއިލާގެ މަހެއް މިމަހުގެ ބުރަކަށިމަތީ ކޮތަރީގައި ދިގުނަރުވައެއް ހުރެއެވެ މީގެކުލައަކީ ހުދުކުލައެވެ މަހުގެ ހުރަހަށް ކަތިކޮށް ވަރަށްފުޅާ ކަޅުކުލައިގެ ދެރޮނގު ހުރެއެވެ މަހުގެ ކަންފަތާއި ނިގޫފަތާއި އަދި މަތީ ކޮތަރިބައިގެ ކުލައަކީ ރީނދޫކުލައެވެ ބަނޑުދަށް ފަރާތުގެ ހަރުކަށިތައް ހުންނަނީ ކަޅުކުލައިގައެވެ
ދިލްބަހާރުމާ
ނ ޗާންދަނީ މަލާ ވައްތަރު ހުދުކުލައިގެ މަލެއް މިއީ ވަރަށް ވަސްމީރު މަލެކެވެ މިމާއަޅާ ގަހަކީ މެދުމިނަކަށް ހެދޭ ގަހެކެވެ ގަހުގެ ފަތްހުންނާނީ ކުދި ދުނބުރިފަތާ ވައްތަރުގޮތަކަށެވެ
ދިގު
ނއ (1) ދުރަށް ދެމިފައިވާ މިސާލު: ދިގުމަގެއް (2) ގިނަ މިސާލު: ދިގުމުއްދަތެއް (3) ވަގުތުގެ ގޮތުން އިތުރު މިސާލު: )ހ( ދިގުދަތުރެއް )ށ( ދިގުއުމުރެއް (4) އިސްކޮޅުން ދެމިފައިވާ މިސާލު: ދިގުމީހެއް (5) އެއްތަނޑަށް މައްޗަށް ހެދިފައިވާ މިސާލު: ދިގުރުކެއް (6) ކުރުގެ އިދިކޮޅު
ދިގުރޯނު
ނ އިހުގައި ވާރަށްގެންނަ ޅައިކޮށް ވަށައިފައި ހުންނަ ރޯނެއް މީގެ ފޯލިތައް އަޅައިފައި ހުންނާނީ ތަންކޮޅެއް ދިގުކޮށެވެ
ދިގުމަގުނެގުން
މ (1) ޢީދުދުވަހު ރަދުން ޢިއްޒަތުގައި ގަނޑުވަރަށް ވަޑައިގަންނަވާއިރު އެމަގުމަތީގައި ކޮށިކޮށީގެ މީހުން ފުއްޕާހެދުން އަޅައިގެން ތިބެ ބޮންތިއާއި އައްޑަނަ ހިފައިގެން ކުޅިޖަހަމުންެދާދިއުން (2) ގާއޮޑިލަވަ ކިޔާމީހުން އެއްތަނުން އަނެއްތަނަށް ދާއިރު މަގުމަތީގައި ލަވަކިޔަމުން ނަށަމުން ދާދިއުން
ދިގުދަނޑިކުޅި
ނ އައްޑޫކޮއްޓާއި ރަނަހަމައިދި ކޮށީމީހުން ކުޅިޖަހާއިރު ހަލާދަނޑިން ކުޅޭކުޅިވަރެއް
ދިގުގޮނޑި
ނ ގިނަމީހުންނަށް އިށީދެވޭގޮތަށް ހަދައިފައި ހުންނަ ގޮނޑި
ދިޔަ
ނ (1) އަންހެންދަރިފުޅު (2) މޭވާއާއި ގަސްގަހާގެހީގެ ބާވަތްތައް ފެލައިލީމާ ނުކުންނަ ދިޔާބައި (3) ލައިގެންކާއެއްޗެހީގައި ހުންނަ ދިޔާބައި (4) )މ ( ރިހަ (5) ހަށިގަނޑުގެ ތަންތަން ނުބައިވެގެން ނިކުންނަފެން (6) ބޮޑުވެކުޑަވާ ފެންގަނޑު (7) ކާށީގެ އެތެރޭގައި ހުންނަފެން (8) ދިއުން މިބަހުގެ ނިމިނިމުނުކަން (9) ޙައްޤަކާ ނުލައި މީހެއްގެ ފުރާނަޔަށް ނުވަތަ ގުނަވަނަކަށް ގެއްލުމެއް ދިނުމުގެ ސަބަބުން ޝަރުޢީގޮތުން ދޭންޖެހޭ އަގު
ދިޔަމުޑޮޅި
ނ ރުއްގަލުބޭހަށް ބޭނުންކުރާ ފަތްޕިލާވެލީގެ ބާވަތެއް މީގެފަތް ހުންނާނީ އޮފުކޮށް ތެޔޮކޮށެވެ ހިމަދިގުގޮތަކަށެވެ
ދީނަށްގޮވައިލެއްވުން
މ މާތްﷲގެ އަމުރުފުޅުތައް ރަސޫލަކު މީސްތަކުންނަށް އިއްވެވުން
ދީންފާޅުކުރުން
ނ އެމީހަކު އުޅޭދީނެއް އެހެން މީހުންނަށް އެނގޭގޮތަށް އުޅުން
ދީވާލިގެރި
ނ މައުލޫދު ހަރުގޭގައި މީހުން ލެނގިލަން ބަހައްޓައިފައި ހުންނަ ފިލައެއް