radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ކިހިނަކުން
އކ ގޮތް އޮޅުން ފިލުވަން ސުވާލުކުރުމަށް ބޭނުންކުރާ އަކުރެއް މިސާލު: )ހ( ކިހިނަކުންގަތީ )ށ( ކިހިނަކުންދާނީ )ނ( އަންނާނީ ކިހިނަކުން
ކިހުނު
ނ (1) ކުރިމަތީ ފަރާތުގައި ރިހި ދިލަނަގައި އަދި ބައެއް ފަހަރަށް ލޭ ނުވަތަ ދޮސް އަންނަ ބައްޔެއް (2) ބދ ބަނޑު
ކިހުނުބަލި
ނ ކިހުނު
ކިނބޫ
ނ އެއްގަމާއި ފެނުގައި ދިރިއުޅޭ މިނިކާ އެއްޗެއް މިއީ ހަރުތޮއްޓެއް އޮންނަ ބިންމަތީގައި ބަނޑުޖަހައިގެން އުޅޭ ޖަނަވާރެކެވެ މީގެ އަނގަ ވަރަށް ބޮޑުވާނެއެވެ އަދި ނަގޫ ދިގުވެފައި ވަރުގަދަވާނެއެވެ
ކިނދުކާށި
ނ ކުއްޖާއަށް ހަތްދުވަސްވެގެން ބޮލުންބާލާ އިސްތައްޓާއި ކަނޑާ ނިޔަފައްޗާއި ވެއްޓޭ ފޫޅު ދެނާށީގެ ތެރެއަށްލައި އެކާށި ހެހުނު ބޮނބިގަނޑު އޭގެ ބޭރުންލައި ބަނދެފައި އޮންނަކާށި
ކިނދުފާރު
ނ ޅަކުއްޖާގެ ކަންފަތުބުޑާއި އުކުޅުވަޅު ފަދަ ތަންތާނގައި ހެދޭ ފާރު މިފާރު ހެދެނީ ރަނގަޅަށް ކިނދުނުފިލުވުމުގެ ސަބަބުން ކަމަށްބުނެއެވެ
ކިރާހަނޑޫ
ނ ހަނޑުލުގެ ބާވަތެއް މިއީ ފުއްކުދިކޮށް ހުންނަ މީރު ވަހެއްދުވާ ހުދުކުލައިގެ ހަނޑުލެކެވެ މިއީ ބަންގާޅުން ރާއްޖެއަށް ގެނެސްއުޅުނު ހަނޑުލެކެވެ
ކިރިކެޓު
ނ ދަނޑުގައިކުޅޭ ކުޅިވަރެއް މިކުޅިވަރުގައި ބައިވެރިވާނީ ދެޓީމެވެ ޓީމެއްގައި 11 ކުޅުންތެރީންނެވެ އެއްބަޔަކު ބޯޅަ ހޮވަން ތިބޭއިރު އަނެއްބައިގެ ދެކުޅުންތެރީން ކުޅެން އަރާތިބެއެވެ ބިމަށް ޖަހާފައި ހުންނަ ތިންދަނޑީބުރީގެ ކުރިމަތީގައި ކުޅޭމީހާ އޮވެގެން ހޮވާޓީމުގެ މީހަކު އެއްލާބޯޅައިގައި ފިލާގަނޑަކުންޖަހައި ލަނޑު ހަދައެވެ ނުވަތަ ދުވެގެން ލަނޑު ހަދައެވެ ދަނޑިބުރިތައް ޖަހައިފައި ހުންނަނީ މެދުރިއަޅައިފައި އޮންނަ ތަނެއްގައި ދެކޮޅުގައެވެ
ކިރިއްސުން
މ (1) ތޫނުކަމަކުން އޮށީން ފަންވަތްތައް ވިދިވިދިގެން ވަކިކުރަމުން ގަޔާދުރަށް ގެންދިއުން (2) ކެޔޮފަތް ދަޅީން ވަކިކުރަމުން ގަޔާދުރަށް ގެންދިއުން (3) ތޫނު އެއްޗަކުން އެޅިގެން ހަށިގަނޑުގެ ބޭރުފުށުން ތަނެއް ދިގުކޮށް ނޮޅިގެންދިއުން
ކިރިލި
ނ ދޮށީގެ ކުރިޔާއި މިޔަވާއްޔާ ދޭތެރޭ އޮންނަ ނަނުފަށް
ކިރިސް
ނ (1) ދެފަރާތުގައި މިޔައެޅި ތުނޑުތޫނު ވަޅިއެއް މީގެ ތިލައިގައި ހުންނާނީ ހައެއްކަ އިންޗިއެވެ (2) )ސ ( ކިހިލި
ކިރިޔާ
ކއ (1) ކުޑަކޮށް (2) ކަމެއްވާން ތައްޔާރުވެފައި ނުވީމާ ނުވަތަ ކަމެއް ނުވާނެކަމަށް ހީވެފައި ވީމާ ބުނެއުޅޭގޮތެއް މިސާލު: )ހ( ކިރިޔާފޯރި )ށ( ކިރިޔާ ނުޖެހުނީ
ކިރު
ނ (1) ބަނޑުއަޅާ ވިހާ ހައިވާނުގެ ދަރިންނަށްޓަކައި އުރަމައްޗަށް އެރޭހުދު ކުލައިގެ އޮލަދިޔަ (2) އުރަމަތި (3) ބައެއްގަސްގަހާއި މޭވާގެ ތެރޭން ނުކުންނަދިޔަ (4) ގޮދަނުންނެގޭ ތަތް މާއްދާއެއް (5) ކާއްޓާއި ބަދަންފަދަ ބައެއްތަކެތި ފެލީމާ ނުކުންނަ ހުދުކުލައިގެ ދިޔަ (6) ފުށާއި ހަކުރާއި ކާށިކިރާއި އަޅައިގެން ކައްކާ ފޮނިކާ އެއްޗެއް (7) ބައެއް މޭވާއާއި ތަރުކާރީގެ ތެރޭގައި ހުންނަ ތަތްލަވާ އޮލަމާއްދާއެއް
ކިރުހިއްޕި
ނ އަންހެނުންގެ އުރަމަތި ރީތިކޮށް ހިފެހެއްޓުމަށްޓަކައި ހަދައިފައި އޮންނަ އެއްޗެއް މި ކިތަންމެ ގޮތަކަށް ހަދައެވެ
ކިރުނު
ނ އަތްކަންކުރާ މީހުނާއި ދަގަނޑުތަޅާ މީހުން ތަޅާ އެތިގަނޑު ތަޅަން ބާއްވާ ދަގަނޑުގަނޑު މީގެ ތެރެއިން އަތްކަން ކުރާ މީހުން ބޭނުންކުރާ ކިރުނު ހަދައިފައި ހުންނަނީ ހަތަރު އަރިޔަށް ހަތަރު ފަސް އިންޗީގެ އުސްމިނުގައި އޮންނަ ލަކުޑި ގަނޑެއްގެ މެދަށް ދަގަނޑުބުރިޔެއް ޖަހައިގެންނެވެ
ކިރުނުގޮނޑި
ނ އެއްތަނުން އަނެއްތަނަށް ގެންދެވޭނޭހެން ކިރުނުޖަހާން ހަދާފައި އޮންނަ ލަކުޑިގަނޑު
ކިރުރިހަބަތް
ނ އިހު ޒަމާނުގައި މުލަ ރޯދަ ދުވަހު ޣާޒީ ބަންޑާރައިންގެ އަހަރުމަތިފުޅަށް ކައްކައިއުޅުނު ކޭމެއް މިކޭމުގައި ހުންނަނީ ބަރަބޮލު ރިހައާ ބަތާއި ކިރެވެ
ކިރުބޯކިބާ
ނ ހަނޑުލު ފުށުގައި ނުވަތަ ގޮދަންފުށުގައި ކިރުއަޅައިގެން އަޅާ ފޮނިބޯކިބަލެއް
ކިރުބޯތުން
ނ ކިރުބޯފުޅީގައި ޖަހަން ބޭނުންކުރާ ތުން
ކިރުޅިފާނަ
ނ ފާނައިގެ ބާވަތެއް. މި ފާނަ އާދައިގެ ފާނައަށްވުރެ ކުޑަވާނެއެވެ. މަހުގެ ކުލައަކީ ގަދައަޅި ނުވަތަ ގަދަމުށިކުލައެވެ