radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ވިއްސާރަބަލާކަށިގަނޑު
ނ (1) ބެރޯމީޓަރ މިއީ ޖައްވީ ބަދަލުތައް އެނގޭގޮތަށް ހަދައިފައި ހުންނަ ބާވަތެއްގެ އާލަތެކެވެ (2) މަޖާޒް: ރާއްޖެބަލި ވެގެން ގައިގާ ރިހޭ މީހުންނާމެދު ދީއުޅޭ މިސާލެއް މިމިސާލުދީފައިވަނީ އެމީހުންގައިގައި ބޮޑަށް ރިއްސާން ފެށުމުން ވިއްސާރައެއް ކައިރިވާކަން އެނގޭތީއެވެ
ވިއްސާރައިގައިޖެހުން
މ ވަޔާއެކު އަންނަބޯވާރޭގައި ޖެހުން
ވިއްސާރަމޫސުން
ނ (1) ވާރޭވެހުން ދެމިހުންނަ މޫސުން (2) ހުޅަގު މޫސުން )ޢާއްމުގޮތެއްގައި މިއީ ރާއްޖެއަށް ވިއްސާރަ މޫސުންކަމަށް ބެލެއެވެ
ވިއްސާރަޖެހުން
މ (1) ވިއްސާރައިގެ ކޮޅިގަނޑެއް ޖެހުން (2) މަޖާޒް: ބަޔަކަށް ގެއްލުން ލިބޭފަދަ ގަޑުބަޑެއް ޖެހުން
ވިދާލުން
މ (1) އަލިކަން ފާޅުވެގެން ދިއުން (2) ވިއްސާރަ ވިލާގަނޑަކުން ކުއްލިއަކަށް އައްޔެއްވުން (3) މަޖާޒު: ކަމެއްގައި ކުރިއަރައިގެން ދިއުން
ވިދިވިދިގެން
ކއ (1) މެދުނުކެނޑި (2) ޖެހިޖެހިގެން
ވިދުހަން
ނ ގަނޑުލާން ތޮރުފުމުގައި އެއްވަކަރު ގަނޑުގެ ވިދާ ދިމާވާ ގޮތަށް އަނެއް ވަކަރުގަނޑުގައި ވިދު އެޅުމަށް ޖަހާ ފާހަގަ
ވިދުން
މ (1) ގުގުރާއިރުވާ އަލި ގުގުރުމުގެ އަޑަށްވުރެ ކުރިން ކުއްލިއަކަށް ވުން. (2) އިނގިލި އަތް ފައިފަދަ ތަންތާނގެ ކުރި ނުވަތަ ކޮޅު ތަނެއްގައި ވަކި ގޮތަކަށް ޖެހުން (3) ދަނޑިއެއް ނުވަތަ ދަނޑިބުރިއެއް ފަދަ އެއްޗެއްގެ ކޮޅު ވަކިގޮތަކަށް ތަނެއްގައި ޖެހުން ނުވަތަ ޖެހި ބާރުވުން (4) ބުޅީގައި އެމެއް ހަރުކުރުން (5) ބުޅީގައި މަހެއް އަޅައިގަތުން (6) އެތެރެހައްޓަށް ފުންކޮށް ކުއްލިއަކަށް އަރާ ތަދު (7) ބެބުޅުން ހުރި އަލިކަން
ވިދުފިލާގަނޑު
ނ )ސ ( )ނަރުދަމާ ފިލާގަނޑު( މޮހޮރުގެ ބޯ ހެދުމަށްޓަކައި ބޭނުންކުރާ ލޯވަޅު ތޮރުފި ދަގަނޑު ފިލާގަނޑު މިއަށް ބޯޖަހާ ފިލާގަނޑުވެސް ކިޔައެވެ
ވިދެފައި ބެހެއްޓުން
މ މަސްބާނާއިރު ބުޅީގައި އެން އަޅައިފައި އައިނު މަހަށް ޖެހުން
ވިދެޔާހުސްބުޅިޔާ
ނ މަޖާޒު: ލިބޭ މުސާރައިގެ އިތުރަށް އެތައް މަސައްކަތެއް ކޮށްގެން ގޭގެ ޚަރަދު ހަމަޖެއްސުން
ވިތުރި
ނ ރޭގަނޑުގެ އަޅުކަން ނިންމާލާ ނަމާދު ޢިޝާނަމާދުގެ ފަހުސުންނަތުގެ ފަހުގައި ކުރަން ހަމަޖެހިފައިވާ އޮނަހިރި ސުންނަތް ނަމާދު
ވިތުރިކުރުން
މ އިޝާނަމާދުގެ ފަހު ސުންނަތުގެ ފަހުގައި ކުރަން ހަމަޖެހިފައިވާ އޮނަހިރި ސުންނަތް ނަމާދު ކުރުން
ވިލާބޯވުން
މ އުދަރެހުގައި ހުންނަ ފުސްވިލާތައް އެއްތާކަށް ޖަމާވުން
ވިލާކެނޑުން
މ (1) ވިއްސާރަ ވިލާގަނޑު ދެފަރާތަށް ކެހިގެން ދިއުން. (2) މަޖާޒް: ވާރޭވެހޭއިރު ކުޑައެއް ވިއްސާރަކޯޓެއް ފަދަ އެއްޗެއް ނުލައި މީހަކު ނުތެމި އައުން
ވިލާތް
ނ ބޭރުގެ ބޮޑެތި ބައެއްކަރަ މިސާލު: އިގިރޭސިވިލާތް ޖަރުމަންވިލާތް
ވިލާލުން
މ (1) ވިލާ ޖެހުން (2) ސާފުއުޑުގައި ދޭދޭވިލާ ކޮޅުކޮޅު އުފެދުން
ވިޔަކުރާކޭން
ނ އިހުގައި ސަރުކާރުން ވާރު ނެންގެވިއިރު އެކަމުގެ ހިސާބުކުރުމަށް ރާއްޖެތެރެއަށް ފޮނުައްވާ ބޭކަލުންނަށް ރައްޔިތުންގެ ފަރާތުން ކައްކާ ކޭން
ވިޔަގޮވި
ނ (1) ދެކޮޅު ގުޅާފައި ވައްކޮށް އޮންނަ ވާގަނޑު. (2) ގުޅި ރުނބާ ފަދަ ތަކެތީގެ ބޭރުގައި މާރު ޖެހުމަށްޓަކައި ނުވަތަ ވެހުން ގަނޑު ހިފެހެއްޓުމަށްޓަކައި ތިރީގަޔާއި މަތީގައި ވަށައިގެން އޮންނަފަށް (3) ގުޅި ރުނބާ ފަދަ ތަކެތީގެ ބޭރުގައި ވެހާފައި އޮންނަ ވެހުން ގަނޑު
ވިޔަގޮވި ބަލިރުނބާ
ނ (1) މަޖާޒު: ބަރުހެލި މީހުން ތަންތަނަށް އަރާއިރު ބުނެއުޅޭ ބުނުމެއް