radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ކާފަރު
ނ (1) ޣައިރު ދީނުގެމީހާ ނއ (2) މަޖާޒު: ޝަހުވާނީގޮތުން ލަދުކުޑަ
ކާފަރުކަން
ނއނ (1) މުސްލިމަކަށް ނުވާކަން (2) މަޖާޒު: ޝަހުވާނީގޮތުން ލަދުކުޑަކަން
ކާފާމާމާވުން
މ ރިހާކުރު މާގިނަ ދުވަސްވެގެން ނުބައިވުން
ކާފިރު
ނ ޣައިރު ދީނުގެ މީހާ
ކާފުކުރުން
މ އެއްޗެއް ނުވަތަ މުދާތަކެއް ނަގައިލައި ހަލާކުކުރުން
ކާފޫރު
ނ ކާފޫރުގަހުގެކިރުން އުފައްދާ ވަރަށް ގަދަ އާވިވަހެއް ހުންނަ އެއްޗެއް މިއީ ބޭހަށް ބޭނުންކުރާ އެއްޗެކެވެ
ކާފޫރުއާވި
ނ ހުދުކާފޫރުން ނަގާއާވި މިއީ ބޭހަށް ބޭނުންކުރާ އެއްޗެކެވެ
ކާފޫރުތޮޅި
ނ ކާފޫރުތޮޅި ގަހުގެ ވަކި. މިއީ ތިން އަރިޔަށް ފުއްޕުން ހުރެފައި މަޑު ބޯތޮށްޓެއްގެތެރޭގައި ތިންބަރިޔަށް ކުދިކުދި ކަޅުއޮށްތަކެއް ހުންނަ ކުޑަކުޑަ ތޮޅިޔެކެވެ. މިތޮޅިއަކީ ވަހާއި ރަހައިގައި އާވިގޮތް ހުންނަ މީރުއެއްޗެކެވެ. މިއީ ބޭހަށާއި ކާބާވަތްތަކުގެ ރަހަމީރުކުރަން ބޭނުންކުރާ އެއްޗެކެވެ
ކާލަނގަ
ނ (1) ކުންދާނާއި ކޯއްޓޭފަދަ އެއްޗެހި ތިރިކޮށް ބާއްވާން ބަންނަ ވައްތަރެއްގެ ޖުންގެއް (2) ބޮޑެތި އޮޑިފަހަރު ފަދަ އެއްޗެހި އެހެލައި ބާލާއިރު އަރިކޮށްފައި ބާއްވާން ރޯނު ދާފަރާ ލައިފައި ބަންނަ ފިލައެއް
ކާލި
ނ (1) އެކިއެކި ބޭނުމުގައި ހުރަސްކޮށް ބަނދެފައި އޮންނަ ދެގަނޑެތި. މިސާލު: )ހ( އުއި ވަށާ ކާލި. )ށ( ވާ އަޅާން އުޅި އަނބުރާ ކާލި. (2) ރާރުކާއި ބިލެތް ކަނޑާހަރުފަދަ އެއްޗެހީގައި ބަންނަ ގަޅި (3) )ހ( ފޮތްގޮނޑި (4) ކޭލި
ކާލިއެޅުން
މ (1) މީހަކު އަމަލުވެގެން ނުވަތަ ވަރުބަލިވެގެން ދެއަތަށް ދެއަތަށް ހޫރުން (2) ކާއްޔަށް އުއި ވެށުން
ކާލިގަނޑުމިޔަރު
ނ މިޔަރުގެ ބާވަތެއް މި މިޔަރު ބޯ ހުންނަނީ ކާލިގަނޑެއްހެން ދެފަރާތަށް ބައެއް ނުކުމެފައެވެ މީގެ ލޯހުންނަނީ ދެފަރާތަށް ނިކުމެފައި ހުންނަ ބައިގެ ކޮޅުގައެވެ މިބާވަތުގެ ބޮޑެތި މިޔަރަކީ ނުރައްކާތެރި އެއްޗެކެވެ
ކާލު
ނ (1) ހަތަރުބައި ކުޅައެއްބައި (2) )ހ ( ދެކުނު ކާލި
ކާޑު
ނ (1) ކެއުމަށް ބޭނުންކުރާ މައިގަނޑު ބާވަތްތައް ކަމުގައިވާ ހަނޑޫ ހަކުރު ފުށް. (2) އެކިއެކި ބޭނުމުގައި ރީތިމިނަކަށް ހަދައިގެން ގެންގުޅޭ ބޯކަރުދާސްކޮޅު. މިސާލު: )ހ( އެޑްރެސްކާޑު. )ށ( ޕޯސްޓުކާޑު. )ނ( ދަޢުވަތުކާޑު. )ރ( ހެޔޮއެދުންތަކުގެ ކާޑު. (3) އިލެކްޓްރޯނިކް ބައެއްތަކެތީގެ ޚިދުމަތް ލިބިގަތުމަށްޓަކައި ބޭނުންކުރުމަށް ޕުލާސްޓިކުން ނުވަތަ މަޢުދަނީ އެއްޗަކުން ތުނިކޮށް ފަތިކޮށް ހަދައިފައި ހުންނަ އެއްޗެއް. މިސާލު: )ހ( ފޯނުކާޑު. )ށ( ކުރެޑިޓްކާޑް. )ނ( ތަޅުދަނޑިކާޑު. )ރ( އަވަސްފައިސާ ކާޑު. (4) މުދައު ކޮންޓްރޯލްކޮށްގެން އުޅޭ ތަންތާނގައި އެގެއަކަށްތަކެތި ގެންނަންވީ ޢަދަދު ލިޔެފައިވާ ކަރުދާސްކޮޅު. (5) މުދައު ކޮންޓްރޯލް ކޮށްގެން އުޅޭ ތަންތާނގައި މީހަކަށް ނުވަތަ ބަޔަކަށް ކޮންޓްރޯލް ޤަވާޢިދުން ދޫކޮށްފައިވާ ކާބޯތަކެތީގެ ކޮއްތު. (6) ކޮމްޕިއުޓަރުފަދަ އެއްޗެހީގައި އެކިއެކި ވާޖިބުތައް އަދާކުރުމަށްނަގައި ބަދަލު ކުރެވޭގޮތަށް ޖަހައިފައި ހުންނަ ބޯޑު (7) )ބދ ( ފިރިހެން ހަށި
ކާޑުންކެނޑުން
މ ރަށެއްގެ ނުވަތަ ގެއެއްގެ ކާޑުގެ ރަޖިސްޓްރީން މީހަކު ވަކި ކުރުން
ކާޑުބަލި
ނ ބައްޔެއްގެނަން. މިބައްޔަކީ ކާންނުލިބުމުގެ ސަބަބުން މާބޮޑަށް ހިކި ދެރަވެ އަތްފަޔާއި މޫނާއި ބަނޑު ފޮއްސިވާ ވުމެވެ
ކާޑުމަސްބައި
ނ ކާޑުގެޒަމާނުގައި )ދެވަނަބޮޑު ހަނގުރާމައިގެ ދުވަސްވަރު( ރަށްރަށުގެމީހުން ކާޑުގެއަށް އަޅައި އުޅުނު މަސްބައި މިއީ އިހުގައި ކޮންމެ ދޯންޏަކުންވެސް ފަޅުވެރިޔަކާ އެއްވަރަށް ނަގައިއުޅުނު މަސްބައެކެވެ. މި މަސްބައިނަގައި އުޅުނީ ރައްޔިތުގެއިން ކުރަންޖެހޭ ޚަރަދުތައް ކުރުމަށެވެ. މިސާލަކަށް: ރަށުގެރައްޔިތުން ދަރަންޏަށްގެންނަ ކާޑުގެބާވަތްތަކުގެ އަގުހަމަޖެއްސުމާއި މަދަރުސާ މަކްތަބު ފަދަ ތަންތަނަށް ޚަރަދުކުރުމާއި ބަންޑާރަދަތުރުގެ ކޮއްތުދިނުންފަދަ ކަންތައް ކުރުމަށެވެ
ކާޑުގެ
ނ އިހުގައި ރާއްޖެތެރޭގެ ރަށްރަށުގައި ކާޑުގެކަންތައް ހިންގައި އުޅުނުތަން
ކާޖާ
ނ ގޮދަންފުށުގައި ހަދާ ހެދިކާ އެއްޗެއް. މިހުންނަނީ ގޮދަންފުށްގަނޑު މޮޑެ ރޮށްޓެއްހެން ދަމައި ތުތިމަސްގޮތަށް ކަފައި ތެލުލައިފައެވެ. މިފޮނިކޮންނާއި ލޮނުކޮށް ހަދައެވެ
ކިހާ
އ (1) މިންވަރު ނުވަތަ ވަގުތު އޮޅުން ފިލުވަން ސުވާލުކުރުމަށް ބޭނުންކުރާ އަކުރެއް މިސާލު: )ހ( ކިހާވަރެއްތޯ؟ )ށ( ކިހާތާކު ދާނުތޯ؟ (2) ދެރަވެގެން ނުވަތަ ހައިރާންވެގެން ނުވަތަ ނުރުހިގެން ބުނާ ބަހުގެ ތެރޭގައި ބޭނުންކުރާ އަކުރެއް މިސާލު: )ހ( ކިހާ ދެރަ )ށ( ކިހާ ރީތި )ނ( ކިހާ ބޮޑުކަމެއް )ރ( ކިހާ ގޯސް