radheef.info
ރަދީފު


ރަކަ
ނ )ހ ( ބޯދީގެ ތެރޭގައި ހުންނަ އެމެއް މިއެން ބޯއްޖަށްވުރެ ތަންކޮޅެއް ބޮޑުވާނެއެވެ މިހުންނަނީ އަނގަ ބޮޑުކޮށް ރަތްކުލައެއްގައެވެ އަދި ކަޅުރަތްކުލައެއްގެ ރޮނގެއް ހުރެއެވެ
ސަނަދު
ނ (1) ވަކިކަމެއްގެ މުޤައްރަރާ އެއްގޮތަށް ކުރެވޭ އިމްތިޙާނަކުން ފާސްވުމުން އެކަމުގެ ހަނދާނަކަށް ދޭލިއުން މިސާލު: ކާތިބުކަމުގެ ސަނަދު (2) އާއްމުކޮށް ޤަބޫލުކުރެވޭ ފެންވަރަކަށް ވަކިކަމެއް ކުރެވޭކަން ބަޔާން ކުރުމުގެ ގޮތުންދޭ ލިޔުން
ސަގަންގޫރު
ނ ސަހަރާގެ ތެރޭގައި އުޅޭ ސުއިތްޕެއް. މިއީ ރަކިސް ބޮނޑަށްވުރެ ކުދިކޮށް އެވައްތަރަކަށް ހުންނަ އެއްޗެކެވެ މިއީ ބާހުގަދަ ކުރުމަށް ބޭނުންކުރާ އެއްޗެކެވެ
ސިދުރަތުލްމުންތަހާއަށް ހިތްއެރުން
ގބ މަޖާޒު: ތިމާޔާ އެކަށީގެން ނުވާ ފެންވަރަކަށް ހިތް ފޯރުވައިގެން އުޅޭމީހުންނާ މެދު ބުނެއުޅޭ ބަހެއް
ސިދުރިޔާކޮތަރު
ނ ކޮތަރުގެ ބާވަތެއް. ކޮތަރުގެ ކަރުދޮށުން ފެށިގެން ފިނދުފަތާ އެކު ހަށިގަނޑުގެ ހުރިހައިތަނެއް ހުދުކޮށް ހުރެފައި ތަލަ މަތީން ބުރަކަށި މައްޗާއި ފިޔަގަނޑު ކަޅު ނުވަތަ މުށި ނުވަތަ އަޅިކުލައިގައި ހުންނަ ކޮތަރު
ސީރާވުން
މ ލޮނުގެ ތެރެއަށް މަސްއަޅައި ވަކިމުއްދަތަކަށް ބެހެއްޓުމުން އެމަސް ވަކިވަރަކަށް ރޯފިލައި ކުނިނުވާ ގޮތްވުން
ސުވޭހުހީނާ
ނ ހީނާފަތުގެ ބާވަތެއް މިއީ އާދައިގެ ހީނާގަހުގެ ފަތަށްވުރެ ފަތް ބޮޑެތިކޮށް ވާކޮށް ހެދޭ ގަހެކެވެ މިގަހުގެ ފަތް ފުނޑައިފައި އެޅިޔަސް ފަތްކުދި ހީނާފަތް އެޅީމާ ރަތްވާވަރަކަށް ރަތެއް ނުވާނެއެވެ
ޑިވިޒަން
ނ (1) ތަނެއް ބަހައިލެވިފައިވާ ބައިތަކުގެ ތެރެއިން ބައެއް (2) ސިފައިންގެ ތިންބުރިގޭޑް ނުވަތަ ހަތަރު ބުރިގޭޑުގެ މައްޗަށް އެކުލެވޭ ބައެއް މިބައިގެ ކޮމާންޑަރަކަށް ޢާންމު ގޮތެއްގައި ހުންނާނީ މޭޖަރު ޖަނަރަލެކެވެ
ޒަބަރުޖުދު
ނ ހިލައިގެ އަގުހުރި ބާވަތެއް މިއީ ޒުމުއްރަދުގެ ބާވަތެކެވެ މީގެ ކުލައަކީ ރީނދޫ ވައްތަރަކަށްދާ ފެހިކުލައެކެވެ
ޒަބާނިއްޔަމަލާއިކަތުން
ނ ނަރަކައިގައި އަޒާބު ދެއްވުމުގެ ކަންކަމާ ހަވާލު ކުރެވިގެންވާ މަލާއިކަތުން
ޒަކާތް
ނ ވަކިޝަރުޠު ތަކަކާއެކު ވަކި މުދަލަކުން ނަގައި ވަކި ބަޔަކަށް ވަކިމިންވަރަކަށް ރައްދުކޮށްދޭ މުދަލަކަށް ކިޔާނަމެއް
ޕެޓްރޯލް
ނ ބިމުން ނަގައި ވަކިވަރަކަށް ސާފުކޮށްފައި ހުންނަތެލެއް މިއީ ވަޔަށް އަރައިގެންދާގޮތް ހުންނަ ވަރަށް ހަލުވި އެއްޗެކެވެ މިއީ ވަރަށް ފަސޭހަ އިން ހުޅުހިފާ އެއްޗެކެވެ އެތެރޭގައި އަލިފާން ކަނޑާގޮތަށް ހަދައިފައި ހުންނަ އިންޖީނު ހިންގުމަށް މިތެޔޮ ބޭނުންކުރެއެވެ
ޖަނަވަރީވެޔޮ
ނ ހިތަކާ ވައްތަރަށް އެއަށްވުރެ ދިގުބުރަކަށް ފަތްހުންނަ ކުދިކުދި މާތަކެއް ފޮޅޭވެލެއް މިވެލުގެ މާފޮޅެނީ ފަތުގެ ބުޑުން ނުކުންނަ ތަނޑެއްގައެވެ މިތަނޑުގެ ކޮޅަށް ހިމަވެގެންގޮސް ހުންނަނީ ނަރުވާތަކެއް ހެންނެވެ
ޗަންދާ
ނ ތަނެއްގެ މެންބަރަކަށް ވީތީ ދައްކަން ޖެހޭފީ
ޗާޓަރު
ނ (1) މުދާ ނުވަތަ ފަސިންޖަރުން އުފުލުމަށްޓަކައި މަތިންދާ ބޯޓެއް ނުވަތަ ކަނޑުދަތުރުކުރާ އުޅަނދެއް އެދަތުރަކަށް ޓަކައި ކުއްޔަށް ހިފާ ހިފުން ނުވަތަ ކުއްޔަށް ދޫކުރާ ދޫކުރުން (2) އ ދ ފަދަ ބޮޑެތި ޖަމާޢަތް ތަކުގެ އަސާސީ ޤަވާޢިދު
ޗާޕު
ނ )ހ ( ފޮތްފޮތާއި ލިއުމާއި ކުރެހުން ކަރުދާހަށް ކޮޕީކުރާއިރު ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ކޮޕީ ކުރާކުރުން މިގޮތުން ކަރުދާހާއި ފޮތިފަދަ އެއްޗެތީގައި ކުރެހުންތަކާއި ޑިޒައިންތައް ޗާޕުކޮށް ހަދައެވެ މިހާރަކަށް އައިސް މިމަސައްކަތަށް ގިނައިން ބޭނުންކޮށް އުޅެނީ މިކަމަށް ހަދައިފައި ހުންނަ މެޝިނެވެ
ޗާޕުކުރުން
މ ފޮތްފޮތާއި ލިޔުމާއި ކުރެހުން ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ނުވަތަ ވަކި ބާވަތެއްގެ އެއްޗެއްގައި ލިޔެ އޭގައި ދެލި އުނގުޅައި އޮބައިގެން ކަރުދާހަށް ކޮޕީކުރުން މިހާރަކަށް އައިސް މިކަމަށް ބޭނުންކުރަނީ މިކަމަށް ތައްޔާރުކޮށްފައި ހުންނަ މެޝިނެވެ
ޚަބަރުދިނުން
މ (1) ޚަބަރަކަށް ހިމެނޭ ވާހަކައެއް މީހަކު ގާތުބުނުން (2) މީހެއްގެ ގާތުގައި ވާހަކައެއް ބުނުން (3) ކަމެއް ހިނގި ގޮތުގެ ވާހަކަ މީހަކަށް އެންގުން