radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ނަބީޒު
ނ މޭބިސްކަދުރު ނުވަތަ ކަދުރުން ތައްޔާރުކޮށްފައިވާ ބަނގުރާ
ނަކަލު
ނ (1) އަޞްލާއި އެއްގޮތް އެއްޗެއް (2) ލިއުމެއް ނުވަތަ ފޮތެއްގެ ކޮޕީއެއް
ނަކަލުކުރުން
މ (1) އަސްލާ އެއްގޮތަށް އެއްޗެއް ހެދުން ނުވަތަ ލިއުން (2) ލިޔެފައިވާ ލިޔުމެއް އެހެން އެއްޗަކަށް ނެގުން (3) ހެދިގެން އުޅުން މިސާލު: އޭނާ އުޅެނީ އަހަރެން ނަކަލުކޮށްގެންނެވެ
ނައިބުކަން
ނ (1) ރަށްރަށުގައި ޝަރީޢަތް ކުރުމުގެ އަމުރުވެރިކަން (2) ވެރިޔާގެ ބަދަލުގައި ނުވަތަ އޭނާގެދަށުން ކަންހިންގާން ހުންނަ މީހާގެ މަގާމު
ނައިބޮލި
ނ ބޮލީގެ ތެރޭގައި ހިމެނޭ ބާވަތެއް މިއީ މާކަނާ ތަޅުދަނޑިއެއްގެ ފާޑަށް އެއްކޮޅު އެތެރެއަށްލައި އޮޅިފައި ފަޅިބުރެއްގެ ސިފަޔަށް އޮންނަ ބޮއްޔެކެވެ ބޮލީގެ ބޭރު ހުދުކޮށް ހުންނައިރު އޭގެދެބައިކުޅަ އެއްބައިހާތަނުން ފެށިގެން ފަހަތަށް ހުންނަބައިގައި ހުރަސް ގަޅިތަކެއްހެން ހުދާއި ދޮންމުށި ކުލައިން ނުވަތަ ގަދަމުށި ކުލައިން ހަނދުފަޅި ބުރަށް ކަހަލަ ގޮތަކަށް ފަލަ ފަށްތަކެއްހެން ރޮނގު ހުރެއެވެ އޭގެ ތޮށިގަނޑުން ސަމުސާ ހަދައި އުޅެއެވެ
ނައިބޮލިކެނޑުން
މ ނައިބޮލިން ސަމުސަލެއް ނުވަތަ އުނބުގަނޑެއް ހެދުން
ނައު
ނ ޗާނދާލައިފައި ހުންނަ ހަތަރެސްކަން ރިޔާ ނުވަތަ ގޯސީ ނަގައިގެން ދުއްވާ އުޅަނދު
ނައްދު
ނ ބޮކަރުދުންދަނޑި ބޮަކަރާއި މާވަހަރާއި ގޮމަކަސްތޫރި ފަދަ ތަކެތި އެއްކޮށްގެން ހަދާ މީރުވަސްދުވާ ދުމެއް ނުވަތަ ދުންދަނޑިއެއް
ނައްޓައިލުން
މ (1) "ނެއްޓުން" މިބަހުގެ ލުއިގޮތް (2) މަތީގައި ހުރިއެއްޗެއް ނުވަތަ މީހެއް ވެއްޓޭގޮތަށް އެހުރިތަނަކުން ވަކިވުން (3) ތަނެއްގައި ތަތްވެފައިހުރި އެއްޗެއް ވަކިކޮށްލުން (4) އުޅަނދެއް ދަތުރަށް ފެށުން (5) މިސްރާބުން ކަސިޔާރުވުން
ނައްޓުވައިލުން
މ ތަނެއްގައި އެޅިފައި ނުވަތަ ހަރުވެފައި ހުރިއެއްޗެއް ވަކިކޮށްލުން
ނަމަވުން
ނ ކަމެއް ހިނގީތީ ހިނގިކަމެއް ނުވަތަ ކަމެއް ހިނގައިފިނަމަ ހިނގާނޭ ކަމެއް ދޭހަކޮށްދޭ ޒަމާން
ނަފީ
ނެތްކަން ނުވަތަ ނޫންކަން ނުވަތަ ނުވާކަން އަންގައިދިނުމަށް ބޭނުންކުރާ އަކުރެއް މިސާލު: )ހ( އެފޮތަކުނެތް )ށ( މުޙައްމަދެއް ނޫން )ނ( އެބައިގެ ތެރޭގައި އޭނާއެއް ނުވެއެވެ
ނަފީކުރުން
މ (1) ނުވާކަން ނުވަތަ ނެތްކަން ނުވަތަ ނޫންކަން އަންގައިދިނުމަށް ބޭނުންކުރެވޭ އަކުރެއްގެ ބޭނުން ކުރުން (2) ބާޠިލުކުރުން
ނަދުރު
ނ (1) ޖެހޭއާފާތަކުން ސަލާމަތް ވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފާތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއް ކުޅައުމަށް ކަނޑައަޅާ ކަނޑައެޅުން (2) އިހުގައި ނަދުރުބުނެގެން ބޮލުމެދުން ދިގުކޮށްފާހުންނަ އިސްތަށިކޮޅު
ނަދުރުބުނުން
މ ޖެހޭ އާފާތަކުން ސަލާމަތްވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފަތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއްކުޅައުމަށް ކަނޑައެޅުން
ނަގޫނަގާފައިދިއުން
މ (1) ދެގެރިދެގެރިއަށް ތަޅައިގެން ބަލިވާގެރި ނަގޫ އުފުލައިގެން ބިރުން ދިއުން (2) މަޖާޒު: ބަލިވެގެން ނުވަތަ ދެރަވެގެން ދިއުން
ނަގޫއެނބުރުން
މ މީހަކާ ދިމާއަށް "ނަގޫބަޅެ" ކޭ ނުވަތަ "ނަގޫކެނޑި" އެކޭ ބުނުން
ނަސުރު
ނ އުނަދަގުލެއް ދުރުކޮށްލުމަށް ނުވަތަ ދުޝްމިނަކު ބަލިކޮށް ލުމަށް ﷲ ދެއްވާ މަދަދު
ނަޖިސް
ނ (1) ކުޑަކަމު ނުވަތަ ބޮޑުކަމުދާ ތަކެތި (2) ގައިގާ ނުވަތަ ފޭރާމުގާ އެހުއްޓައި ނަމާދު ހެއުނުވާ ކޮންމެ އެއްޗެއް މިބަސް ނަންއިތުރެއްގެ ގޮތުންވެސް ބޭނުންކުރެއެވެ މިސާލު: ނަޖިސްތަކެތި
ނާ
ނ (1) ނައު. (2) ނަވު. (3) އކ. ސުވާލާ ދެކޮޅަށް ދޭޒުވާބު. ނުވަތަ ޒުވާބުގެ ކުރީގައި ބުނާ އަކުރެއް. މިސާލު: "ކަލޭނުކާނޫތަ؟" އެހީމާ "ނާ" ބުނެފިނަމަ އެބުނީ ކާނަމެވެ. މިއަކުރު ޒުވާބުގެ ކުރިއަށް ގެންނަ ގޮތަކީ "ކަލޭނުކާނޫތަ؟" އެހީމާ "ނާ" ކާނަންމިއެވެ. (4) ޗާނދާލައިފައި ހުންނަ ހަތަރެސްކަން ރިޔާ ނުވަތަ ގޯސީނަގައިގެން ދުއްވާތަކެތި. (5) ބައެއް ބަސް އެބަހުގެ އިދިކޮޅު މާނައިގައި ބޭނުންކުރާއިރު ބަހުގެ ކުރިއަށް ގެންނަ އަކުރެއް. މިސާލު: ނާއުންމީދު ނާތަހުޒީބު