radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
އަދާރަސަމް
ނ ބަންގާޅުން ގެންނަ އަންހެނުންލާ ޚާއްޞަ ފޭރާމެއް މިވިޔެފައި ހުންނަނީ އުޔާފަށުޔާ ދެބައިންނެވެ
އަތަ
ނ (1) މަޝްހޫރު ފޮނި މޭވާއެއް މީގެ ދެބާވަތެއްހުރެއެވެ އެއީ ދިވެހި އަތައާއި ވިލާތު އަތަޔާއެވެ ދިވެހި އަތަ ހުންނަނީ ފެހިކުލައިގައި ފިތްތަކެއް ހެން ވަށްކޮށެވެ ވިލާތު އަތަ ހުންނަނީ މުށިކުލައިގައި ބޭރު އޮމާންކޮށެވެ (2) ހުޅަނގުގެ ތޭރަވަނަ ނަކަތުގެ ނަން
އަތަރުދާން
ނ އެތައް ފުޅިއެއް ބެހެއްޓޭނޭހެން. ލޯއިންހަދައި ފައިޖަހައިފައި ހުންނަ ބާވަތެއްގެ ތަބަކެއް
އަތަރުގޭމީހުން
ނ އަތަރުގެއަށް ދައުލަތުން ލައްވާފައިތިބި މަސައްކަތުމީހުން. މަތިގެފޮޅާ ދުވާލަކު އެއްފަހަރު ފެންފޮތިލާ އަހަރަކު އެއްފަހަރުދޮވެ ގަނޑުވަރުތެރެޔާބެހޭ ހިސާބުގައިހުންނަ ލަންޓަންތައް ބަލަހައްޓައި ހަދާނީވެސް މިމީހުންނެވެ
އަތާއަތާލުން
މ އެކެއްގެ އަތްތިލާގެ އިނގިލިތައް އަނެކެއްގެ އަތްތިލާގެ އިނގިލިތަކު ތެރެއަށްލާ މަހާ ބައްދައިގެން ދެމީހުންމެ ބާރުލައި އެކެއްގެ އަތް އަނެކަކު އަނބުރައިލުމަށް ބާރުލުން
އަތުރާހަނޑަސް
ނ (1) އަތްކަންކުރާމީހުން ރަންރިހީގެ ނަރުގެ ކުރެހުން އަޅާއިރު އެނަރު އަތުރާންގެންގުޅޭ ކުޑަ ހަނޑަސް (2) ގަޑިހަދާން ގެންގުޅޭ ޚާއްޞަ ހަނޑަސް
އަތުރާކުރެހުން
ނ އަތްކަންކުރާމީހުން ނަރުއަތުރައިގެން ކުރަހާ ކުރެހުން
އަތުރު
ނއ ދޭތެރެދުރުވެ އެކަތިއަނެކައްޗާ ނުޖެހިހުންނަ ހުރުން
އަތުރޮށި
ނ ފުޠޫރު ދޮލަނގު ހަދާއިރު ހަދާ ރޮއްޓެއް މި ހުންނާނީ ފޮނިރޮށި ހަދާގޮތަށް ހަދައި ތައްގަނޑަކަށް އޮބާފައެވެ
އަތުބާރުއެޅުން
މ ދެމީހުން ދެފަރާތުގައި ތިބެގެން ދެމީހުންގެ އަތުގެ އުޅަނބޮށި ހަމަތާކުޖައްސައިގެން އެކަކު އަނެކަކުގެ އަތްތިލާގައި ހިފައިގެން އަތްތިލަގެންގޮސް އެތާ ޖައްސާފައި ހިފަހައްޓާން އުޅުން
އަތުއުރަ
ނ (1) މީހުން ހިނަވާއިރު އަތަށްލައްވާ ކޮތަޅު (2) އެކިއެކި ކަންތައް ކުރާއިރު އަތަށްލައްވާއުރަ
އަތުއޮނު
ނ އަތުން ހިފަހައްޓާފައި ރޯކުރާ ބަޑިބޭހުގެ ކުޅިވަރެއް މިއީ މާޖަހާ އަލިހޮޅިއެކެވެ މިހުންނާނީ އޮނު ކޮޅެއްގައި އައްސައިފައެވެ
އަތުވުން
މ (1) އަތުގައިޖެހުން (2) ލިބުން (3) މަޖާޒު: އަތްދަށުވުން
އަތޮޅުވެރިޔާ
ނ އޮތޮޅުގެ ކަންތައް ހިންގުމަށް ދައުލަތުން ފޮނުއްވާފައި ހުންނަ ވެރިޔާ
އަތްބައްތި
ނ ހޮޅިނުޖަހާ ހިފައިގެން އުޅެވޭނެހެން ހަދާފައިހުންނަ ކުދިބައްތި
އަތްބެލުން
މ އަތްތިލައިގެ ބަނޑުފުށުގެ ނާރުތަކާއި އިނގިލިތަކާއި ނިޔަފަތިތައް ހުންނަގޮތް ބަލައިގެން އެމީހާގެ ދިރިއުޅުމާބެހޭ ކަންތައްތައް ފިލުވުން
އަތްކަނި
ނ ދިވެހިގޭގޭގައި ހުންނަ ދަމާދޮރު ލައްޕައި ހުޅުވާން ހިފާ ކަނި
އަތްކަން
ނ (1) ރަންރިހީން ތަކެތިހަދާހެދުން (2) ޖަރީކުރުމުގައި އަޅާކުރެހުން
އަތްފައިބިނދުން
މ މަޖާޒު: ތިމާގެބާރު ހިގަމުންއައިކަމަކަށް ޖެހުނު ކޮންމެވެސް ކަމެއްގެ ސަބަބުން ބާރުނުހިގާގޮތްވުން
އަތްދަށުބަނޑޭރި
ނ ބަނޑޭރީގެ އަތްދަށުން ކަންތައްކުރާން ހުންނަ މީހާ