radheef.info
ރަދީފު


ރައްބި
ނ ހައްދަވައިބޮޑުކުރެއްވި މާތްރަސްކަލާނގެ
ރައްކައުތެރި
ނއ (1) ސަލާމަތް (2) ޙިމާޔަތްތެރި (3) ނުރައްކަލެއްނެތް
ރައްކައުތެރިކަން
ނއނ (1) ސަލާމަތްކަން (2) ޙިމާޔަތްތެރިކަން (3) ނުރައްކަލެއްނެތްކަން
ރައްކައުތެރިވުން
މ (1) ސަލާމަތްވުން (2) ޙިމާޔަތްތެރިވުން (3) ނުރައްކަލެއްނެތުން
ރައްކަލި
ނ )ސ ( ކުޑަކުދިން ލަދުގެނެގެން ދުވެގޮސް ފިލައިއުޅޭ އުޅުން
ރައްކަލިވުން
މ )ސ ( ކުޑަކުދިން ލަދުން ގަނެގެން ދުވެގޮސް ފިލައިއުޅުން
ރައްކާބައިން
ނ (1) ފަލީގެ ދުލުން މެއްކަށް އައްސައިފައި ހުންނަ މާރު (2) ހުންގާނުގައި އޮޅައިފައި ދެފަރާތުންގެނެސް އައްސައިފައި ހުންނަ މާރު (3) މީހަކު ގެއްލުމަކުން ސަލާމަތްކުރުމަށްޓަކައި ރައްކައުތެރިކުރުވުމުގެ ގޮތުންއަޅާ ކަމަރު (4) ގޮނޑީ ކަމަރު
ރައްކާވެތިބިއްޔާ ދަތުރެވެ
(ހަރުބަހެއް) (1) ދަތުރުކުރެވޭނީ ސަލާމަތްވާނެމަގު ހޯދައިގެންނެވެ. (2) ވިސްނާބަލައިގެން އުޅޭށޭ.
ރައްކި
ނ )ސ ( ރަކި
ރައްކޯބައިން
ނ )ސ ( (1) ރިޔާ ކުނބުކުރީގައި ގެއްސުމަށް ހަންޖާވާންކުރާއިރު ދެހަންޖާއެއްކޮށް އަތްފޯރާ ހިސާބުގައި ބަންނަވާފަށް (2) ގުޅިރުއްކަނޑާއިރު ރުކާއެއްކޮށް އުނަގަނޑުގައި ބައްދާވާފަށް (3) މަޖާޒު: ބައެއްޒާތުގެ ކަންކަމުގައި ރައްކާތެރިކަމުގެ ގޮތުން އަޅާ ފިޔަވަޅު މިސާލު: މިރުސްގަސް ފަދަ ގަސްގަސް އިންދައިފައި އެތަންވަށާ ދަމާފަށް
ރައްކޯތެރި
ނއ )ސ ( ރައްކާތެރި
ރައްވެރާވަނި
ނއ )ޏ ( ކުކުޅުހާލުގެ ފަތްގަނޑުގެ ކުރެހުމެއް
ރައްދިދިމުޑު
ނ )ސ ( ރަތްދަތި މުޑު
ރައްތޮށިލުން
މ )ސ ( ރަތްތޮށިލުން
ރައްޓެހި
ނއ (1) ދެކެފަރިތަ (2) ރަށުގެއަހުލުވެރި
ރައްޓެހިކަން
ނއނ (1) ދެކެފަރިތަކަން (2) ރަށުގެއަހުލުވެރިކަން
ރައްޓެހިވުން
މ (1) ދެކެފަރިތަވުން (2) ރަށުގެ އަހުލުވެރިއަކަށްވުން
ރައްޔިތުން
ނ ޤައުމެއްގެ ނުވަތަ ރަށެއްގެ މީހުން
ރައްޔިތުންގެ މަޖިލީސް
ނ ޤާނޫނު ހަދައި ފާސްކުޅައުމަށް އުފައްދާފައިވާ މަޖިލީސް
ރައްޔިތުންގެދިދަ
ދިވެހި ދިދަޔާ އެއްގޮތަށް ކުލަތައް ހުރެފާ ހަނދުފަޅީގެ ބަދަލުގާ ހުދުކުލައިން އެއަތޮޅެއްގެ އަކުރު ޖަހައިފައި ހުރި ދިދައެއް މި ދިދަ ބޭނުން ކުރައްވައި އުޅުއްވީ އަތޮޅުވެރިން އަތޮޅު ތެރޭގައި ދަތުރު ކުރައްވާއިރުއެވެ