radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކުދެހިބޮލި
ނ ހުދުކުލައިގައި ހުންނަ ކުޑަ ބޮއްޔެއް މިބޮލި ވާނީ ގާތްގަނޑަކަށް ބޮޑެތި ކޮތަންބިރީގެ ފުކެއްވަރެވެ
ކުތި
ނ ވަޅުބުރި ފަދައެއްޗެއްފުރޮޅަމުން ގެންދާއިރު އެތެރޭގައި ވިއްދާ ދަނޑު
ކުލަކޮކާމަސް
ނ ކޮކާމަހުގެ ބާވަތެއް. މިއީ ފަރުފަޅުތަކުގެ ބޭރުމަތީގައްޔާއި ގުންޑޮޅިތަކާ ފަރުގައި އުފެދިފައިހުންނަ ހޮހަޅުތަކުގައި ދިރިއުޅޭމަހެކެވެ. މުޅިމަހުގެ ހުރަހަށްވާގޮތަށް ދޮންނާރިނގުކުލައާއި ހުދުކުލައާއި ނޫކުލައިގެ ރޮނގުތަކެއް ހުރެއެވެ މަހުގެ ނިގޫ ފަތާއި ކުޑަ ކޮތަރިބައިގެ ކުލައަކީ ރީނދޫ ކުލައެވެ
ކުލަފާނަ
ނ ފާނައިގެ ބާވަތެއް. މިމަހުގެ ކުލައަކީ މުށިކުލައެވެ. މުޅިމަހުގައި ކަޅުކުލައިގެ ތިކިތަކެއް ހުރެއެވެ. ދެއަރިމަތީގައި ކަޅުކުލައިގެ ލައްތަކެއްހުރެއެވެ. މިއީ ވަރަށް ތަފާތު ކުލަކުލައަށް ކުލަ ބަދަލުކުރާ މަހެކެވެ
ކުލަޖެއްސުން
މ އެއްޗެއްގައި ކުލައެއް ހިއްޕުން
ކުލާތި
ނ (1) ކުނބު ކުރީގައި ގަދަކުރަން އަޅާ ބަންދު އަދި އެކަމަށް ބަންނަ ބަނުން (2) )ގ ( ގޮނޑުދޮށަށް ލައްވާ ތާރުވައްތަރުގެ ތެޔޮގުޅަގުޅަ
ކުލުނު
ނ (1) ލޯބި (2) ދެޖިންސުގެ ދެމެދުގައި ފާޅުކުރާ ޝަހުވާނީ އެދުން
ކުސްމުސް
ނ ހިތާނުވެގެން ދެކޮޅުވެރިގޮތުގައި ކިޔާކުދި
ކުސްމުސް ކިޔުން
މ ހިތާނުވެގެން ދެކޮޅުވެރިގޮތުގައި ކުދި ކިޔުން
ކުޑަ އޮޅަންނަ އޮޅި
ނ އިހުގައި އަސްކަރުންގެ ބައިތަކުގެ ތެރެއިން ބައެއްގެ ނަން މިބައި ޙަވާލުވެފައި އޮންނަނީ ދޮށިމޭނާ ބޭކަލަކާއެވެ
ކުޑަހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަކުރި ދެދުވަހާއި އެދެދުވަހުގެ ރެއަށް ކިޔާއުޅުނު ނަމެއް. ރަމަޟާންމަހުގެ 26 ވަނަ ދުވަހަކީ ހޭންވޭރު ކުޑަހިތި ދުވަހެވެ. އެދުވަހުގެރެއަކީ ހެންވޭރު ކުޑަހިތިވިލޭރެއެވެ. ހެންވޭރު ކުޑަހިތިވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ މެދުޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. ދެން އަންނަނީ މާފަންނު ކުޑަހިތިދުވަހެވެ. އެއީ ރަމަޟާންމަހުގެ 28 ވަނަ ދުވަހާއި އެދުވަހުގެރޭ 29 ވިލޭރެއެވެ. މިރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ފަޤީހުސުލައިމާނުގެ ޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. (2) ކ އަތޮޅުގެ ފަޅުރަށެއް
ކުޑަހިޔާ
ނ ދަތުރުއޮޑިޔާއި ބައްތެލިފަހަރުގެ ކުނބުން ކޮޅުފަހުގައި ދެފުރާޅަށް ކޮށްފައި ހުންނަހިޔާ
ކުޑަނަވުރާތިބުލަވަބައި
ނ ދަނޑިބެރު ލަވައެއް މީގައި ފުމޭނީ ކުޑަނަވު ރާތިބު ލަވައެއްގެ ރާގެވެ
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ
ކުޑަރުމާ
ނ މޫނުފުހުން ފަދަ ބޭނުމުގައި ހިފައިގެންއުޅޭ ކުދިރުމާ
ކުޑަބަނޑޭރި
ނ ކަންގަތި ކޮލީގެ ތެރޭގައި ހިމެނޭ ކޮއްޔެއްގެ ނަން
ކުޑަބަދިގެކޮޅު
ނ އިހުގައި ގަނޑުވަރުތެރޭ ބޭފުޅުން ތިއްބަވާ ތަންތާނގައި އަންހެން ބޭފުޅުން އަމިއްލަފުޅަށް އެއްޗެހި ކައްކަވައި ހައްދަވާން އެތެރެ ފަރާތުގައި ހަދައިފައި ހުންނަ ބަދިގެ
ކުޑަކަޅުވާމަސް
ނ ފައިގެ ފުންނާބާއި ދޯތްގާއި ދޭތެރޭގައި އޮންނަ މަސްގަނޑު
ކުޑަކިބާ
ނ އިހުގައި ރަސްގެފާނުގެ އަނބިކަނބަލުންނާ ބޭފުޅުން ތިއްބަވާން ބޮޑުގަނޑުވަރުތެރޭގައި ހުރި ގެކޮޅެއް
ކުޑަކުނބު
ނ އެއްކުނބަށްވުރެގިނަ ކުނބުޖަހައިފައި ހުންނަ ފުރާދުއްވާ އުޅަނދު ފަހަރުގައި އެންމެ ކޮޅުފަސްކޮޅުގައި ހުންނަ ކުނބު