radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ކަޅުމިޔާނގު
ނ (1) މީގޮނުގެ ކަޅުކުލައިގައި ހުންނަ ދަޅު (2) މިޔާނގު
ކަޅުފަސް
ނ (1) ކަޅުކޮށް ނުވަތަ ކިލާކޮށް ހުންނަވެލި (2) ރަށުގެ ދެވެލިބިންފަށުން އެއްގަން
ކަޅުފޮނިޔަމަސް
ނ ފޮނިޔަމަހުގެބާވަތެއް މިއީފަރާއި ފަޅުތަކުގެ ބޭރުގައްޔާއި އެތެރެވަރީގެ ކަނޑުތަކުގައި ދިރިއުޅޭމަހެކެވެ މިމަސް އާދައިގެ ފޮނިޔަމަހަށްވުރެ ކަޅުވާނެއެވެ ފޮނިޔަމަހުގެ ބޮލުގައި ހުންނަ ރޮނގުތަކެއް މިމަހަކު ނުހުރެއެވެ
ކަޅުފޮއި
ނ )އ ( (1) އިރާކޮޅު ހަނދުވަރު ނުދޭ ދުވަސްވަރު (2) ހަނދުމަހުގެ ފަނަރައިގެ ފަސް (3) ސޯޅަފޮއި
ކަޅުދިރި
ނ ދިރިޔާ ދަވިއްގަނދަށްވުރެ ކުދި ކަޅުކުލައިގެ ފުއްތަކެއް މިއީ އާވިޒާތުގެ ރަހައެއްދޭ އެއްޗެކެވެ މި ބޭހަށްވެސް ބޭނުންކޮށް އުޅެއެވެ ދިވެހިބޭހުގައި މި ހިމަނައިފައިވަނީ މިނާބޭހުގެ ބާވަތެއްގެ ގޮތުގައެވެ
ކަކުނި
ނ (1) އާންމުކޮށް ގޮނޑުދޮށުގައި ހަރުކޮނެގެން އުޅޭ ދިރޭ އެއްޗެއް މީގައި ހަރުތޮށިގަނޑެއް އޮވެފައި އަށްފައާއި ދެދަތްގަނޑު ހުރެއެވެ މީވަކި ބޮލެއް ނުހުންނަ ހަށިގަނޑުން ބޭރަށް ދެލޯ ނުކުމެފައި ހުންނަ އެއްޗެކެވެ މީގެ ތަފާތު ބާވަތްތައް ހުރެއެވެ (2) އެއްޗެހީގައި ހިފަން ގެންގުޅޭ ދަގަނޑު އާލަތެއް މީގައި ދެފައިކަށި އޮވެފައި މޮހޮރުފަދަ އެއްޗެތީގައި ހިފޭކަހަލަ ގުދުކޮށްފައި އޮންނަ ދެދަތްގަނޑު ހުރެއެވެ
ކަކޫ
ނ މާކަޅުވާމަހާއި ކުޑަކަޅުވާމަހާއި ގުޅުނުތާނގެ ހުޅުމަތި
)މުސްކުޅިބަހެއް( ކިތަންމެގާތް މީހެއްގެ ގާތުގައި ސިއްރެއް ބުންޏަސް އެސިއްރު ބޭޒާރުވެދާނެކަން އެންގުމަށް ބުނާބަހެއް ކަކޫގާތުގާ ބުނާވާހަކަވެސް ސިއްރެއްނުވާނެއެވެ
ކައިރިހެދުން
މ ފޭރާމާއި ފޮތީގެ އެއްޗެހީގެ ކައިރިފަށުން ރޮދިނެގުނަ ނުދިނުމަށްޓަކައި ފަހާފޮށިން ނުވަތަ އަތުން ރޮދިޖެހުން
ކައިރު
ނ ބޭހަށާއި ދުފުމަށް ބޭނުންކުރާ ކަޅުރަތްކުލައިގެ އެއްޗެއް މިހުންނާނީ ހަބަރުހެން ގަނޑުގަނޑަށެވެ މިހަދަނީ ޅަފެންފޯކުންނެވެ
ކައިރުވުން
މ (1) ޙައިރާންވެގެން ނުވަތަ ލަދުގަނެގެން ކުރާނެކަމެއް ނޭނގުން (2) މުސްކުޅިވެގެން ހަމައިން ނައްޓައިލުން
ކައިވަތުއިލޮށިނެގުން
މ ހުނަރުވެރިކަމުގެ ކުޅިވަރެއް. މިކުޅިވަރުގައި ކައިވަތެއްގެ ދިގުމިނުގެ ތިންއިލޮށިކޮޅު ކޮންމެ ދެއިލޮށިކޮޅު ދޭތެރޭ ކައިވަތެއްގެ ދުރުމިން ހުންނާނޭހެން ހަމަތާކު ބާއްވާފައި ފުރަތަމަ އިލޮށިކޮޅުގެ ދެކޮޅުގައި ދެފައިގެ ބޮޑުވާއިގިލިކުރި ޖައްސައިގެން އުޑަފައިން އިށީނދެ ދެއަތް ދެފައިގެ ދޯނގިދޮށުން ކުރިމައްޗަށްނެރެ މެދުގައިއޮތް އިލޮށިކޮޅުގެ ދެކޮޅުގައި ދެއަތުގެ ބޮޑުވައި އިނގިލި އެޅުމަށްފަހު ކުރިމަތީގައި އޮތްއިލޮށިކޮޅު އަނގައިން ނެގުން
ކައިފިއެއްޗަކާ ބޭރިވެސްނުމޮށޭނެ
)މުސްކުޅިބަހެއް( ކޭއެއްޗަކާދޭތެރޭ ވާހަކަދައްކާނެ ކަމެއްނެތޭ ބުނުމަށް ބުނެއުޅޭ ބަހެއް
ކައިދާ އެޅުވުން
މ (1) ލަގަން ހަރުކުރާން އަނގަޔަށް ދަގަނޑު ގަނޑެއްލެއްވުން (2) މަޖާޒު: ކިޔަމަން ކުރުން (3) ކިޔަމަންވާނެ ގޮތް ހެދުން (4) ކޮންމެ ގޮތެއްވިޔަސް އެއްޗެއް ބުނަން ނުކެރޭނެގޮތް ހެދުން
ކައިތުވައްބަޑި
ނ އަތުން ހިފައިގެން އުޅޭ ބޭސް އަޅައިގެން ދޯރިޖަހައިގެން ގޮއްވާ ބަޑިއެއް މިއީ އިހުގައި ކޮށީމީހުން ގެންގުޅުނު ބަޑިއެކެވެ
ކައްޅިކުއްޅިވުން
މ )ސ ( އެއްޗެއްގެ އެކިތަނުގައި އެކިވަރަށް ކުލަހުރުން މިސާލު: ފޮތިގަނޑެއްގައި ކުލަޖައްސާއިރު ކުލައެއްވަރު ނުވެ ތަފާތުވެފައި ހުރުން
ކައްކޮނި
ނ )ޅ ( ލޮނުމެހި
ކައްވާދު
ނ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރާތަން. (2) ބައެއްކަހަލަ ކަރުދާހުމަސައްކަތާއި ފެހުމުގެ ތެރޭގައި ފާހަގަކުރުމަށް ވީ އަކުރެއްހެން ކަނޑާލާތަންކޮޅު
ކައްވާދުކެނޑުން
މ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރުން. (2) ބައެއްމަސައްކަތް ކުރާއިރު ފޮތިފަދަ އެއްޗެހީގައި ފާހަގަކުރުމަށް ވީ އަކުރެއްހެން ތަންކޮޅައް ކަނޑައިލުން (3) މަޖާޒު: ތުންފަތް އަނގައިގެތެރެއަށްލައި ލައްޕައިލުން
ކައްފާރަ
ނ ބައެއްކަހަލަ ފާފަކުރެވުނީމާ ހިފަންޖެހޭރޯދަ ނުވަތަ ދޭންޖެހޭ ޞަދަޤާތް