radheef.info
ރަދީފު


ތަން
ނ (1) ޖާގަ (2) މަންޒިލު (3) އެޑްރެސް
ބަސްދާޖެހުން
މ )ސ ( ގުދަނެއްގައި ނުވަތަ އެހެންވެސް ތަނެއްގައި އެފަދަ ތަނެއްގައި އެއްބަސްތާ އަނެއްބަސްތާއާ ޖެހޭގޮތަށް ހުސްތަންކޮޅެއް ދޫނުކޮށް ބަސްތާތަކެއް ބެހެއްޓުން
ބަޑަދަނޑި
)ސ ( ތަންޑިޔާ
ބަޑި
ނ (1) ބަޑިބޭހުގެ ބާރުން ވަޒަން ފޮނުވައިލާގޮތަށް ނުވަތަ ލޭޒަރުގެ އަލި ފޮނުވައިލާގޮތަށް ހަދައިފައި ހުންނަ ހަތިޔާރެއް. (2) އިސްފިރޭނެއްގެ ބާރުން ނުވަތަ ވައިގެބާރުން މަޑަ ނުވަތަ ވަޒަން ނުކުމެގެންދާގޮތަށް ހަދާފައި ހުންނައާލާތެއް (3) ތަވީދުލުމަށް އެތެރޭގައި ހޮއި އޮންނަގޮތަށް ވިރިކެކޭ އެއްޗެހިން ހަދައިފައި ހުންނަ އުރަ (4) އެތެރެއަށް ވައި ވަދެގެން ފުފިފައި ހުންނަ ދުލި (5) ފެނުގެ ތެރޭގައި ފޮތީގެ ތެރެއަށް ވައިވައްދައިގެން އުފެދޭ ބޮކި (6) ހަށިގަނޑުގެ ދޮރުދޮރުން ނުކުންނަ ބަލިމަޑުކަމެއް (7) ދިރޭ އެއްޗެއް ފެންގަނޑެއްގެ ތެރޭގައި އުޅޭ އުޅުމުގައި ހަދައިލާގޮތަކުން އިވޭ އަޑު (8) ބައެއް ބާވަތުގެ ރޯފަތް އަނދަމުންދާއިރު އެއިން އިވޭ އަޑު (9) ގުޅަ ތެލުލާއިރު ގުޅަ ފަޅައިގެންދާ އަޑު )01( ތަންތަނަށް ގިރިސްޖަހަން ގެންގުޅޭ އާލާތެއް (11) ގޭސް އުނދުން ރޯކުރުމަށް އަލިފާން ކެނޑޭގޮތަށް ހަދައިފައި އޮންނަ އާލަތެއް
ބަޑިހަރު
ނ (1) ބޮޑުބަޑި އެއްތަނުން އަނެއްތަނަށް ގެންދިއުމަށާއި އެގޮތައްވުމަށް ބާއްވާ ގާޑިޔާ (2) ބުރުޒުގައި ބޮޑުބަޑި ބަހައްޓާން ހަދައިފައި ހުންނަ ތަންތަން
ބަޑިކޮޅު
ނ (1) ރަދުން ޢިއްޒަތުގައި ތަންތަނަށް ވަޑައިގަންނަވާއިރު އަރިހުގައި ގެންދާ ބަޑިކޮޅު. މިހިފައިގެން ހުންނަ މީހާ ހުންނާނީ ރަދުންގެ އެންމެ އަރިހުގައި ވާތްޕުޅު ފަރާތުގައެވެ. މިއީ ތިލަލީ ބަޑިކޮޅެކެވެ. (2) ބަޑި މިބަހުގެ އެންމެ މާތްގޮތް
ބަޑިކޮޅުހިފާކަން
ނ (1) ރަދުން ޢިއްޒަތުގައި ތަންތަނަށް ވަޑައިގަންނަވާއިރު ގެންދާ ބަޑިކޮޅު ހިފުމުގެ ވަޒީފާ (2) ބަޑިބޭސް މުގުރާ މީހުންގެ ވެރިކަން
ބަޑިއެރުން
މ (1) ފުފިގެން އެރުން (2) އެތެރެއަށް ވައިވަދެގެން ތަންތަންކޮޅުން އުފުލުން
ބަޑިދަނޑި
ނ (1) ބަޑިއުފުލާން ގެންގުޅޭ ފަލަ ތަންޑިޔާ (2) އެއްޗެއް އޮބަހައްޓާން އަޅައިގެން ދެކޮޅު ހިފަހައްޓާ ދަނޑި
ބަޑިދޮރު
ނ (1) ބަޑީގެ އުންޑަދާން ބުރުޒުގައްޔާއި މައިފާރުގައި ކަނޑައިފައި ހުންނަތަން (2) މަނަވަރާއި އާގުބޯޓުފަހަރުގެ ފެނުންމަތީގައި ކަނޑައިފައި ހުންނަ އާނގަވަޅު
ބަޑިލުން
މ (1) ފިހިގެން ފޮޅުނެގުން (2) ތެލުލާ އެއްޗެހީގައި ބޮކި އުފެދުން (3) ލޭފެން ނުބައިވެގެން ހަށިގަނޑުގެ ހަމާ މަހާދެމެދަށް ފެން ނުވަތަ ދޮސް ފަދައެއްޗެއް އަރައި ފުއްޕުމަކާއެކު ތަންތަން އުފުލުން
ބަޑެގިރި
ނ )ތ ( އެންމެ ޅަމެކުނަށްވުރެ ތަންކޮޅެއް ބޮޑެތިމެކުނު
ބާނިގަނޑު
ނ ގިނައިން ބާނި އުފެދިފައި ހުންނަ ތަންތަން
ބާރަނަ
ނ ބޭރުދުނީގެ ތޮށީގެ ބޭރުން ހެދިތިލަވަމުން އަންނަ ތަންތަން މިތަންތާނގައި ހުންނާނީ ގޮށްރާޅު ހެދިފައެވެ މިއީ ކަނޑުތިލައެވެ
ބާރަގަން
ނ ކޮލިލާއިރު ކޮލިކިޔަން ހުއްޓޭ ހަތަރު އަނގޮޅި ހަމަވާ ބާރަތަން. މިއިން ކޮންމެތަނަކީ އަނގޮޅިއެކެވެ. މިއިން ކޮންމެ ތަނެއްގައި ކޮލި ކިޔައިފައި ލޯގަނޑުގައި ޖަހާނެއެވެ. އަޞްލުގައި ގަންކިޔަނީ އަވަށަށް ކަމަށްވިއަސް މިތާގައި ބޭނުންކޮށްފައި މިވަނީ ހަތަރު އަނގޮޅި ހަމަވާ ތަންތަނަށެވެ
ބާކޮޅު
ނ (1) އެއްޗެއް ފިނދިގެން ހާއަޅާތަން (2) ބިތެއްފަދަ ތަނެއްގައި އެޅިފައި ހުންނަ ކުދިލޯވަޅު
ބާލީސް ފިލާ
ނ މަޢުލޫދު ހަރުގެ ފަދަ ތަންތާނގައި ލެނގިލުމަށް ބިތުކައިރީގައި އަރިޔަށް ޖަހައިފައި ހުންނަ ފިލާ
ބާލް
ނ އެއްވައްތަރެއްގެ ގިނަ ގަސްތައް ހުންނަތަން
ބާގަނޑު
ނ (1) ފަޅައިގެންގޮސް ފޫވެއްޓިފައިވާ ތަން (2) ފޫގޮސްފައި އޮންނަ ތަންގަނޑު
ބާޒާރު
ނ (1) ފިހާރަތައް ހުންނަ ސަރަހައްދު (2) ތަކެތި ގަނެ ވިއްކާ އުޅޭތަން
ބިހި
ނ (1) ގައިގެހަމުން އުފުލޭ ކުދިކުދި ތަންތަންކޮޅު މީގެ އެތައްވައްތަރެއް ހުރެއެވެ. މިސާލު: ދާބިހި ފެންބިހި ހަރުބިހި އުން. (2) ރޯގާގެ ގޮތުގައި ފެތުރޭ )ގައިގެހަމުންނަގާ( ބަލިބަލި. މިސާލު: ހިމަބިހި ފާނަބަސަންދު ކަށިވިދުރި (3) މޫނުގައި ޖަހާ އޮށާޅަ (4) ގަސްގަހުގެ ފަތުގެ ދަށުގައި ހުންނަ އެތިއެތިކޮޅު (5) ބައެއްތަކެތި ފެނުކެއްކީމާ ނުވަތަ ހޫނުކުރީމާ އުފުލޭ ކުދިކުދި ތަންކޮޅުކޮޅު (6) ޒިންކާއި އެލްމެނިޔަމް ފަދަ ތަކެއްޗަށް ލޮނުގެ އަސަރުކުރުމުން އުފުލިފައި ހުންނަ ހަރު ތަންކޮޅުކޮޅު