radheef.info
ރަދީފު


ރޭ
ނ (1) އެންމެ ފަހުން ވޭތުވެދިޔަ ރޭގަނޑު (2) ރޭގަނޑު
ރަހަ
ނ (1) ދުލުގައި ހުންނަ ގްލޭންޑްތަކުގެ އެހީގައި އެއްޗަކީ ކުޅިއެއްޗެއްކަން ނުވަތަ ފޮނި އެއްޗެއްކަން ނުވަތަ ލޮނު އެއްޗެއްކަން ނުވަތަ ހުތް އެއްޗެއްކަން ނުވަތަ ހިތި އެއްޗެއްކަން ނުވަތަ އެހެންވެސް ރަހައެއްލާ އެއްޗެއްކަން އެނގުމުގެ ޙިއްޞު ނުވަތަ ބާރު (2) އެމީހެއްގައި ހުންނަ ވަކި އެއްޗަކަށް ގަބޫލުވާ ނުވަތަ ވަކި ކަހަލަ ގޮތަކަށް ހެދުން އަޅާ ސިފަ (3) ދިރޭރަހަ
ރަހަފޮށި
ނ އުދަރެސް ނުފެންނަ ތަންތާނގައި ފިލާއަޅާއިރު އިރުބަލާން ދިރޭރަހަ އަޅައިފައި ހުންނަ ފޮއްޓެއް
ރަހަލުން
މ (1) ރަހަދިނުން (2) ބިއްލޫރިގައި ދިރޭރަހަ އުނގުޅުން މަޖާޒު: (3) ކުޅަކުށަކުން ބޮނޑިއެއް ލިބުން (4) ކުށަކަށް އަދަބު ލިބުން
ރަހިމުބަންދުވުން
މ ރަހިމުގެ ތެރޭގައި މަތިފަރާތުގެ ދެހިސާބަކުން މަސްކޮޅެއް ނުކުމެގެން ރަހިމުގެ ދޮރު ބަންދުވުން
ރަށްކުޑަޔަށްލުން
މަޖާޒު: ރަށުތެރޭގައި ގިނަވެގެން އުޅުން
ރަށްމާލޫދު
ނ ރަޖަބުމަހު 72 ވިލޭރޭގައި މާލޭގައި ކިޔާ އުޅުނު ރަސްމީ މައުލޫދު
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަންމަސް
ނ ކަޅުބިލަމަހުގެ ތެރޭގައި ރޮނގުނުދަމާ ރަންކުލައިގައި ހުންނަ މަސް
ރަންމުތް
ނ އިތާގެ ތެރޭގައި ހުންނަ ރަންކުލައިގެ މުތް
ރަންމެކުނު
ނ ޅަމެކުނު ތެރޭގައި ރަންކުލައެއްގައި ހުންނަ މެކުނެއް
ރަކަ
ނ )ހ ( ބޯދީގެ ތެރޭގައި ހުންނަ އެމެއް މިއެން ބޯއްޖަށްވުރެ ތަންކޮޅެއް ބޮޑުވާނެއެވެ މިހުންނަނީ އަނގަ ބޮޑުކޮށް ރަތްކުލައެއްގައެވެ އަދި ކަޅުރަތްކުލައެއްގެ ރޮނގެއް ހުރެއެވެ
ރަކަބޯދި
ނ )ހ ( ބޯދީގެ ތެރޭގެ އެންމެ ރަތް ބާވަތް
ރައިވަރުފުރޭތަ
ނ (1) ރައިވަރު ހަދަން ދަސްކޮށްދޭ ކަމަށް ހީކުރާ ޚިޔާލީ ފުރޭތައެއް (2) ރައިވަރުގެ ޚިޔާލީ އެދުރު (3) މަޖާޒު: ގިނަރައިވަރު ދަންނަމީހާ
ރައްޔިތުންގެދިދަ
ދިވެހި ދިދަޔާ އެއްގޮތަށް ކުލަތައް ހުރެފާ ހަނދުފަޅީގެ ބަދަލުގާ ހުދުކުލައިން އެއަތޮޅެއްގެ އަކުރު ޖަހައިފައި ހުރި ދިދައެއް މި ދިދަ ބޭނުން ކުރައްވައި އުޅުއްވީ އަތޮޅުވެރިން އަތޮޅު ތެރޭގައި ދަތުރު ކުރައްވާއިރުއެވެ
ރަފީގު
ނ ހިކިފަން ފުޅަނގި ކަހަލަ ކުޑަސޫތްޕެއް މި ސޫފި ދެފިޔަ ކާއްތައިގެން ރޭގަނޑަށް ވަރަށް ރީތި އަޑެއް އިއްވައެވެ
ރަތުރޭރު
ނ ރޭރުގެ ބާވަތެއް މިރޭރު ހުންނާނީ އާދައިގެ ރޭރަށްވުރެ ބޮޑެތިކޮށް ބޮނޑި މަސްކޮށެވެ ބުރަކަށީމަތީ ފަތްތައް ހުންނާނީ ރަތްކުލައިގައެވެ
ރަތްކަނދޮޅު
ނ ކަނދޮޅުގެ ބާވަތެއް. މީގެ ފަތްތައް ވަރިބޯވެފައި ހިމަދިގުވާނެއެވެ. މިއީ ފަތްތަކުގެ މަތީފުށް ގަދަފެހިކުލައިގައި ދަށްފުށް ރަތްދަނބުކުލައިގައި ހުންނަ ގަހެކެވެ. ހެދެމުންދަނީ ފީނިވަމުން ވަރުގަދަކޮށެވެ. މާ ނިކުންނާނީ ކޮންމެ ފަތެއްގެ ބުޑުންނެވެ. މާ ހުންނާނީ ރިނދައްޔާ ވައްތަރު ތޫރިއެއް ތެރޭގައެވެ. މީގެތެރޭގައި ހުންނަނީ ހުދުކުލައިގެ ތިންފިޔަލީ ވަރަށް ކުޑަކުޑަ ދެތިންމަލެވެ
ރަތްކިރުޅިރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ދަނބުކުލައަކަށްދާ ކިރުޅިކުލައެކެވެ ކަންފަތްމަތީގައި ތިނެސްކަނަށް ްހުންނަ ހުދުކުލައިގެ ލަފެއް ހުރެއެވެ މިމަހުގެ ބުރިކަށިމަތީގެ ކޮތަރިބައިގެ ކަށިތަކުގެ ދެކަށިދޭތެރޭގެ ދުލިފަށުގައި ހުންނަނީ މަޑު ރަތްކުލައެވެ
ރަތްފުރެއްދެއަލި
ނ ފުރެއްދެއަލައިގެ ތެރޭގައި ހިމެނޭ ބާވަތެއް މިއަލަގަހުގެ ފަތުގެ ތަނޑާއި ނާރުތައް ހުންނާނީ ރަތްކުލައެއްގައެވެ އަލަގަނޑުގެ ބޭރާއި އެތެރޭގައި ރަތްކުލައެއް ހުންނާނެއެވެ މީގެ ގިނައަލައިގައި ކަހާގޮތް ހުރެއެވެ
ރަތްދޭވާނި
ނ ފަނިފަކުސައިގެ ބާވަތެއް މިއީ ގޮވާމުގެ ޅަގަސްގަހުގައި އަޅާބައްޔެކެވެ މި ޙާއްޞަކޮށް ގިނައިން އަޅަނީ ގޮވާމުގެ ވައްތަރު ތަކުގެތެރޭން ބިންބި ކުދިބަތް މިދެބާވަތު ގެ ގަސްގަހުގައެވެ މިއީ ހުވަނީގެ ސިފައިގައި ރަތްކުލައިގައި ހުންނަ އެއްޗެކެވެ މިފަނިދުވަނީ ފަތުގެ މެދުތެރޭގައިވާ ފެހިބައިކަމުންނެވެ