radheef.info
ރަދީފު


ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
ވަލީއަޙުދު
ނ (1) ރަސްކަންވާރުތަވާ އިސްމީހާ (2) ތަޚުތުގެ ވާރިޘު
ވަގުހިފާފާނޫޒު
ނ އިހުގައި ވައްކަންކުރާ މީހުން ހިފަން ގެންގުޅުނު ބައްތިއެއް މިބައްތީގެ މޫނުމަތި ހުންނަނީ އަލިހުރަސްވާގޮތަށް ޖަސްތު ފޮއްޗެއްލާފައެވެ
ވަސް
ނ (1) ނޭފަތުން ކުރެވޭ އިޙުސާސް. މިސާލު: މީރުވަސް ނުބައިވަސް (2) ދެފުރާޅަށް ހިޔާކުރާ ތަންތާގެ މަތިވަޑާން ގަނޑުގެ މެދުގައި ކޮޅަށް ޖަހާފައި ހުންނަ ތޮނަތަކުގެ މަތީގައި އޮންނަ ވަކަރު (3) އުދޯލިފަދަ އެއްޗިހި އެލުވާފައި އޮންނަ ހުރަސް
ވަޑުނަ
ނއ )ބދ ( ރަސްކަމުގެ ތަޚުތުގައި އިންނަވާ
ވަޤްފު
ނ (1) އަޞްލު ސަލާމަތުން އޮތުމާއެކު އެއިން މަންފާއެއް ލިބިދާނޭ މުދަލެއް މާތްރަސްކަލާންގެ ރަސްކަންފުޅަށްޓަކައި ވަކިފަރާތަކަށް ދޫކުރެވޭގޮތަށް ހިފެހެއްޓޭ ހިފެހެއްޓުން (2) ޤުރުއާން ކިޔަވާއިރު އާޔަތެއްގެ ތެރޭގައި އަންނަ ބައެއް ހުއްޓުން
ވަޤްފުކުރުން
މ (1) އަޞްލު ސަލާމަތުން އޮތުމާއެކު އެއިން މަންފާއެއް ލިބިދާނޭ މުދަލެއް މާތް ރަސްކަލާންގެ ރަސްކަންފުޅަށްޓަކައި ވަކިފަރާތަކަށް ދޫކުރުން (2) ޤުރުއާން ކިޔަވާއިރު އާޔަތުގެ ތެރޭގައި އަންނަ ހުއްޓަންޖެހޭ ތަންތަނަށް ހުއްޓުން
ވާލު
ނ (1) ދޭއްޗެއް ނުވަތަ އެއްޗެހިތަކެއް އެއްކުރުމަށް ނުވަތަ ފޭވެގެން ދިޔަނުދިނުމަށް ލަކުޑިން އަޅާ ހުރަސް (2) މަލަރުކޮށްއަޅާ އޮބި މިބަހަށް ވާލިވެސްކިޔައެވެ
ވިދާޅުބަސްބޯމަތި
އ )ބދ ( ރަސްކަލަކު އެންގެވި ކަމަކާ ޙަވާލުވުމަށް އިހުގައި ބުނެއުޅުނު ބަހެއް
ވެދުންބޭލުން
މ ބޭރު ޤައުމަކުން ހަދިޔާގެ ގޮތުގައި ފޮނުވާ ތަކެއްޗާއި އެއާއެކުގައި ފޮނުވާ ފަތްކޮޅު ޚާއްޞަ ރަސްމިއްޔާތަކާއެކު މާލެ ބާލައި ރަދުންގެ އަރިއަހަށް ގެންދިއުން
ވެދުންކުރުން
މ (1) އިހުގައި ރަދުން ދެއްވާ ޢިއްޒަތަށް ނުވަތަ ބައެއް ޚާއްޞަ ވަޒީފާއަށްޓަކައި ރަދުންގެ ހިރިޔާ ފާތުރާ ދަށުން އެކަމެއް ހަމަޖެހުމާ ގުޅިގެން އެމީހަކު ރަސްމީގޮތުން ރަދުންގެ އަރިއަހަށް ހަދިޔާކުރުން (2) ރަސްކަމަށް ކޮލިލުން ފަދަ ކަންކަމާ ގުޅިގެންއެކިއެކި ޖަމާޢަތްތަކުންނާއި ފަރާތް ފަރާތުން ބަންޑާރައިންގެ އަރިއަހަށް ހަދިޔާކުރުން (3) ނާބަ އާއި ދަންބެރު ޖަހަންވާ ގަޑިއަށް ނުޖެހުމުން ކީރިތި މަހާރަދުންގެ ފަރާތްޕުޅުން ނާބަޖަހާ ބެރާއި ދަނޑިގަނޑު ދެގެ ދޭތެރެއަށް ގެނައުމުން އަލުން ބެރުޖެހުމަށްޓަކައި ދޭންޖެހޭ އާދަ ދިނުން
ވެދުންއަރުއްވައިގަތުން
މ ރަސްމީގޮތުން ކުރާ ވެދުން ބަލައިގެންނެވުން
ވެދުންއެޅުން
މ (1) ހަދިޔާގެ ގޮތުން ރަސްރަސްކަލުންނަށް ގެންނަ އެއްޗެހި ކޮޅު އެރަސްކަލަކު ހުންނަވާ ތަނަކަށް ނުވަތަ އެންގެވި ތަނަކަށް ގެންދިއުން (2) ރާއްޖެއިން ބޭރަށް ގޮސްފައި އަންނަ ރާއްޖެތެރޭގެ އޮޑިފަހަރުން ސަރުކާރަށް ވެދުންކުރުން
ވެދުންފޭލި
ނ (1) އޮޅުދޫކަރައަށް ޖިޒީ ފޮނުވާ އުޅުނު ދުވަސްވަރު ދިވެހިރާއްޖޭގެ ރަދުން އެތާނގެ ގަވަރނަރ އަށްފޮނުއްވާން ރާއްޖޭގައި ވިއުއްވާ އަންނަ ފޭލި (2) ރަދުންގެ ފައިވާންފުޅު ދެކެންދާ މީހުން ކުރުނީސްކޮށް އަދަބުވެފައި އެމީހުންގެ އަތުން ރަސްގެފާނުގެ ފައިވާންފުޅު ދަށަށް ދޫކުރާ ފޭލި
ވެދުމާދިއުން
މ އިހުގައި ތޮށިލުން ފަދަ ސަރުކާރުގެ ގަދަ މަސައްކަތެއް ކުރުމަށްފަހު ލަވަކިޔަމުން ނަށަމުން ރަސްގެފާނު ހުންނަވާ ގަނޑުވަރު ދޮށަށް ގޮސް ލަވަކިޔައި ނެށުން
މަހާ
ނ )ބދ ( (1) ރަސްގެ (2) އެއްޗަކާ ނަހަމަމާތް (3) މަތިވެރި (4) ބޮޑެތިމަސް
މަހާރަދުން
ނ (1) ރަސްގެފާނު (2) ބަންޑާރައިން
)މަހާރާޖާގެ އަނބިކަނބަލުން( މަހާރާނީ
ނ (1) މަތީ ދަރަޖަ ލިބިފައިވާ ރާނީ (2) ރަސްކަލެއްގެ އަނބިކަނބަލުން
މަހާރާޖާ
ނ ޣައިރުދީނުގެ ބޮޑެތި ރަސްކަލުން
މަހާރެހެންދި
ނ (1) ރަސްކަމުގައި އިންނެވި އަންހެން ސާހިބާ (2) ރަސްކަލެއްގެ ނުވަތަ ރައީސެއްގެ އަނބިކަނބަލުން
)ތީމުގޭ ދަރިކޮޅުން ރަސްކަންކުރެއްވި ފުރަތަމަ ރަދުން ނަށް ތާރީޚު ލިޔުންތެރީން ދީފައިވާ ލަޤަބެއް( މަހާކަލަމިންޖާ
ނ ހަތަރު މަތިފުށުން ޝާހީޢާއިލާއިން ވަޑައިގެން ހުންނެވި ބޮޑު ރަސްގެފާނު