radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކުރިއެރުން
މ (1) ކަމެއްގައި އަނެކަކަށްވުރެ ނުވަތަ އަނެކައްޗަކަށްވުރެ ކުރިޔަށް ދެވުން (2) މޮޅުވުން (3) މައްޗަށް ދިޔުން (4) ތަރައްޤީވުން
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ
ކުރު
ނއ (1) ދިގުގެ އިދިކޮޅު. (2) ދިގުމިނުންމަދު. (3) ނ. މަސްކަނޑުގައި އުޅޭ ކުޑަ ކަޅު ދޫންޏެއް މީގެ ފިނދު ފަތުގައި ހުދުކުލައިގެ ބަންދެއް ހުރެއެވެ
ކުރުހިނގުން
ނ ކުޑަތަން ކޮޅެއްގެ ތެރޭގައި ދެކޮޅަށް ދެކޮޅަށް ގިނައިން ހިނގުން
ކުރުނބާފުޅާދިއުން
މ ދޮށުން ތިބި ޒަމާނުގައި ރަމަޞާންމަހު ކޮންމެ ދުވަހަކު ހަވީރު ގަނޑު ވަރުތެރޭގެ ބޭފުޅުން ތިއްބަވާ ތަންތަނަށް ކުރުނބާފުޅު ހިފައިގެން އެމީހުން ރަސްމީ ހެދުމުގައި ދިއުން މިއީ ދައުލަތުގެ ފަރާތުން އެ ބޭފުޅުންނަށް ކަނޑައަޅައިފައިވާ ކަންތަކުގެ ތެރެއިންކަމެކެވެ
ކުރުނީސް
ނ (1) މާތް މީހުންނަށް ސަލާމް ކުރުމުގެ ބާވަތެއް އެއީ ދެއަތްމޭގައި އަޅައިފައި ކަނާއަތް އުފުލައި ބޮލުގައި ޖައްސައިލައިފައި މެޔަށް ގެނައުމެވެ (2) ބޮލާ ހަމަޔަށް އަތްނަގައި ކުރާ ސަލާމް
ކުރުކާލި
ނ (1) ވަކި ހިސާބުގަނޑެއްގައި ދެކޮޅަށް ހިނގާ ހިގުން (2) އަތުން އުއިކަހާ ކާލި
ކުރުކާލިކެނޑުން
މ ވަކިހިސާބު ގަނޑެއްގައި ދެކޮޅަށް ހިނގަ ހިނގައިފައި އުޅުން
ކުރުކުރު
ނ ފަލަމަޑީގެ ބާވަތެއް މިއީ މަތިވައް ފަތްހެން ފަތްހުންނަ ވެލެއްގެ ގޮނޑިއެކެވެ މީގެ ބޭރުހުންނަނީ ކަޅު މުށިކުލައެއްގައެވެ ތޮށިގަނޑުގައި ނަރުވާތަކެއް ފަޅައިފައިހުރެއެވެ މިވެލުގައި އަޅާ އެއްޗެއްސަށް ކިޔައި އުޅެނީ ކުރުކުރުކައްޓަލައެވެ އެ ހުންނަނީ ކުދި ކޮންނެވެ
ކުރުކުރުކައްޓަލަ
ނ ކުރުކުރުވެލުގައި އަޅާ ވައް
ކުރުއަތްމައްޗަށްއޮތުން
މ އުޅަނބޮށި ވިއްދައިގެން އަތްތިލައިގައި ބޯއަޅައިގެން އޮތުން
ކުރުއޮޅި
ނ (1) ދޯނިފަހަރުގައި އެންމެ ދިރުނބަލަށް ހުރަހަށް އަޅާ އޮޅި (2) ކަނދު އޮޅި
ކުރުމަސް
ނ (1) ދިގުމަސް (2) ފަރުމަހުގެ ބާވަތެއް މިއީ ބޮނޑިމަސްކޮށް ހުންނަ ހިމަދިގު މަހެކެވެ މަހުގެ ކުލައަކީ ގަދަނޫކުލައަކަށްދާ ފެހިކުލައެކެވެ މަހުގެ ދެފަރާތުގައި ހުރަހަށް ކަޅުކުލައިގެ ރޮނގުތަކެއް ހުރެއެވެ މިއީ އެއްބަރިއަކަށް ދަތްތައް ހުންނަ އަނގަބޮޑު މަހެކެވެ
ކުރުފަލި
ނ މެއްކާ ނުލައި އަތްމަތިން ޖަހާ ތަންޑު ކުރު ކުޑަފައްޔެއް. މިއީ ކުޅިވަރެއްގެ ގޮތުގަޔާއި ބައެއް ކަހަލަ ކަން ކަމުގައި ޝަރަފުވެރި ގޮތެއްގައި ޖަހަން ބޭނުންކުރާ ފައްޔެކެވެ.
ކުރުދޮށި
ނ (1) ދަހި އައިނުގައި އެންމެ ފަސޭހަކޮށް ހަލުއިކޮށް މަސްބާނަން ބޭނުންކުރާ ދޮށި (2) މުޑަން
ކުރުދޮށީގައިހިފުން
މ މަޖާޒު: ކަމެއް ނުވަތަ މަސައްކަތެއްގައި އަތްމަތި އަވަސްކުރުން
ކުރުދޮށްޓަށްއެރުން
މ (1) މަސްއައިން ދަހިވެގެން ކުރުދޮށީގައި ހިފާވަރުވުން (2) މަޖާޒު: ކަމެއް ނުވަތަ މަސައްކަތެއްގައި އަތް ހުއްޓައިލާހާ ތަންވަޅުނުވުން (3) އަވަސް އަވަހަށް ކެއުން ނުވަތަ ބުއިން
ކުރުގެޅުން
ނ (1) ޖެހުނު ޖެހުމަކުން ނުވަތަ ފިތުނު ފިތުމަކުން އެއްޗެއް ހުންނަންވީ ވަރަށް ވުރެން ކުރުވުން (2) ޢިށީނދެ އިނުމުގައްޔާއި އޮށޯވެ އޮތުމުގައި ކުރުޖެހުން (3) މަޖާޒު: ދެރަވުން (4) ފިނޑިވުން (5) ކެވުނުލެއް ގިނަކަމުން ހިންދަމައި ނުލެވުން
ކުރެހިހިމެރި
ނ ހިމެރީގެ ބާވަތެއް މީގެ އޮށުގައި ހުންނާނީ ކުރެހުން އެޅިފައެވެ
ކުރެހިބޯމުގުރާން
ނ މުގުރާމުގެ ބާވަތެއް މިބާވަތުގެ މުގުރާމުގެ ބޮލުގައި ރަންކުލައަކަށްދާ ކުރެހުމެއް ހުންނާނެއެވެ