radheef.info
ރަދީފު


ބަ
އ އައްބަ
ކަދާއަޑި
ނ ކަދާބަހައްޓާން ކޯދޮންނަ ލޯގަނޑެއްގެ ސިފައިގައި ހަދައިފައި ހުންނަ އެއްޗެއް
ކަދާމާލި
ނ ކުޅުދުއްފުށީގައި "ދަމުހިނގުމޭ" ކިޔާކުޅިވަރުގައި ބައިވެރިވާނަށާ މީހުން. މިމީހުންތިބޭނީ "މާލިހެދުމޭ" ކިޔާ ހެދުންއަޅާފައެވެ. މިއިން ކޮންމެ މާއްޔެއްގެ އަތުގައި ކަދާމައްޗަކާއި ލޯ ކައްޓަކާ އޮންނާނެއެވެ. އެމީހުން ނަށާއިރު އެކަށީން މަތިގަނޑުގައި ލަވަހަމަކޮށް ޖަހާނެއެވެ. މާލިތައްތިބޭނީ ފޭލިއަނދެފައި ކަކުލައިހަމަޔަށް ހުންނަވަރުގެ އަތްދިގު ހުދުލިބާހެއްލައިފައި އުނަގަނޑުމަތީ ތެޔޮރުމާލެއް ބަނދެލާފައެވެ. އަދިއުނަގަނޑާ ހަމަޔަށް އެލިފައިއޮންނަވަރުގެ ހުދުފޮށައެއް ބޮލުގައި އަޅުވައި އޭގެމަތިން ރަތްރުމާލެއް )ކަނުންކަނަށް ފަތްޖަހާފައި( ކަނދުރާމަތިން ގެނެސް ކަރުގައި ބައްދާފައި އޮންނާނެ އެވެ
ކަތިރިނދަލި
ނ ރިނދަލީގެ ބާވަތެއް މިއީއާދައިގެ ރިނދައްޔަށްވުރެ ހިމަދިގުކޮށްހުންނަ ރިނދައްޔެކެވެ މީގެ އެއްކޮޅުއޮންނާނީ ފަޅިބުރެއްގޮތަށެވެ އަނެއްކޮޅު ކުޑަކޮށް ތޫރިވާނެއެވެ މީގެދެފަޅިވަރު ހުޅުވައިލީމައި ފެންނާނީ ކޮކާހުންނަ ބައްޓަމަށްވުރެ ދިގުބައްޓަމެއްގެ ކޮކާލެއް ގޮތަށެވެ
)މުސްކުޅިބަހެއް( ކުރިމަސައްކަތާއި މަސައްކަތްކުރި ވަޞީލަތާއި އުއްމީދު ގެއްލުމުން ބުނެއުޅޭ ބަހެއް ކަތިވަޅިގެއްލި މަރިޔަނބުގެއްލި ކޮށި ދަނޑުވެސް ގެއްލުނީއެވެ
ކަތިލޮލުންބެލުން
މ ހަމަލޮލުން ނުބަލާންވެގެން ނުސީދާކޮށް ބެލުން
ކަތީބުބައި
ނ އިހުގައި ރަށްރަށުގެ ކަތީބުންނަށް އެރަށެއްގެ ރައްޔިތުންކުރާ މަސައްކަތަކުން ލިބޭއެއްޗަކުން އޮންނަބައި މިއީ ސައުވީސްބައިކުޅަ އެއްބައެވެ
ކަތުރު
ނ ދެފައިކަށިލީ ތޫނު ހަތިޔާރެއް މިއީ ބައެއްތަކެތި ކޮށާށާއި ކަފަން ގެންގުޅޭ އެއްޗެކެވެ މީގެ ތަފާތު ބާވައްތައް ހުރެއެވެ
ކަތުރުމަސް
ނ ކަނޑުގައިއުޅޭ ބިޔަމަހެއް މިމަހުގެ ތުންގަޑުދިގުވެފައި ފަތިވާނެއެވެ ތުންގަޑުވައްތަރުވާނީ ހިބަރުގެ ތުނބާއެވެ މިމަހުގެ ތުންގަޑުގައިޖެހުނު ކޮންމެއެއްޗެއް ބުރިކޮށްލާނެއެވެ
ކަލަންޑަރު
ނ (1) އަހަރާއި މަހުގެ ދުވަސް ބަލާން ހަދައިފައި ހުންނަ އެއްޗެއް (2) ތަނަކުން ހިންގާ ހަރަކާތްތައް މަސްމަހަށް ބަހައިފައިވާ ގޮތުގެ ތާވަލު މިސާލު: )ހ( ކުޅިވަރު ކަލަންޑަރު )ށ( އަދަބީ ކަލަންޑަރު
ކަލަރުބިބީ
ނ ބިބީމަހުގެ ބާވަތެއް މިމަހުގެކުލައަކީ މަޑުމުށިކުލައެވެ މަހުގެ ތުންކޮޅުގައި ހުދުކުލައިގެ ކުދިކުދި ރޮނގުތަކެއް ހުރެއެވެ ނިގޫފަތް ހުންނަނީ ފަނޑު ރަތްކުލައެއްގައެވެ ބޮލުގެ ނިމޭ ހިސާބުން ކަރުތާފަތްގަނޑު މަތީން މަހުގެ ހުރަހަށް ފުޅާ ހުދު ރޮނގެއް ހުރެއެވެ މިމަހަށް ކަލަރުބިބީ ކިއުނީ މިހުދު ރޮނގަށް ނިސްބަތްކޮށެވެ
ކަލައިކުރުން
މ ދަގަނޑުން ހަދައިފައިހުންނަ އެއްޗެހީގައި ދަބަރުޖެހިޔަ ނުދިނުމަށް ތުތިޔާއަށް ލުން މިކަންކުރަނީ އެ އެއްޗެއް އަލިފާން އާވީގެ ތެރެއަށް ލައިގެން ސާފުކުރުމަށްފަހު މޫސަދަރު ހާކައި އެއަށްފަހު ކުޑަކޮށް ހޫނުކޮށްފައި ވިރުވައިފައިހުރި ތުތިޔާގެ ތެރެއަށް ލައިގެންނެވެ ތުތިޔައިން ނަގައި މޫސަދަރުކޮޅެއް އެއެއްޗެއްގެ މައްޗަށް އެޅުމުން ތުތިޔާ ހުންނާނީ އެއެއްޗެއްގައި ހަރުލައިފައެވެ
ކަލާ
ނ (1) ވެރިމީހާ (2) ސާހިބު (3) "ކަލޭ" މިބަސް މާތްކޮށް ބުނާ ގޮތް
ކަލާސީ
ނ (1) ފުރާދުއްވާ އެއްޗެހީގެ ފަޅުވެރިން. (2) ބޮޑު ހަނޑުލާއި ބަނޑު ހަނޑޫ ގޭގެޔަށް ގެންގޮސް ދިނުމާއި އަދި މިނޫންވެސް ކިތައްމެކަމެއް ކުރާން ތިބޭ ރަސްމީ ބަޔެއް މިއީ ރަނަހަމައިދި ބޭކަލެއްގެ ދަށުގައިވާ އަށްގުރާބުގެ ފަޅުވެރިނެވެ
ކަލާސީން
ނ ކަލާސީ މިބަހުގެ ގިނަގޮތް
ކަލިވަތް
ނ (1) ގޯއްޗެއްގެ ތެރޭގައި މީހުންނަށް އުޅެވޭގޮތަށް ހަދައިފައި ހުންނަ ކުދި ކުދި ތަންތަންކޮޅު (2) ފޮއްޓެއް ނުވަތަ ދަބަހެއްގެ ތެރޭގައި އެއްޗިހިލާން ހަދައިފައި ހުންނަ ބައިބައި (3) މަތިންދާ ބޯޓު ތެރޭގައި މީހުންގެ އަތްމަތީ ސާމާނު ލާން ހަދައިފައި ހުންނަ ވަތްވަތްގަނޑު
ކަލިމަ
ނ ބަހެއް
ކަލިމަކެނޑުން
މ (1) އެއްކަލިމައެއްގެ ދެއަކުރު ދެފޮޅުވަތުގައި ލިޔުން (2) ކިޔުމުގައި އެއްކަލިމައެއް ބައިކޮށްލައިގެން ކިޔުން
ކަލިޔާ
ނ (1) ގިތެޔޮ އަޅައިގެން ކައްކާބަތެއް މި ފޮނިކޮށް ވެސް ލޮނުކޮށް ވެސް ކައްކައެވެ ޢާންމުގޮތެއްގައި މިއީ ރަށްމާލޫދުގައި ހުންނަ އެއްޗެކެވެ (2) ބަށްޓާއި ކޭލުގައި އެއްގަމު ޖަނަވާރުގެ މޭބިސްކުރަނޑި އަޅައިގެން ކައްކާ ހިކިރިހައެއް
ކަލިޔާބިރިންޖީ
ނ ބާވަތެއްގެ ބަތެއް. މިއީ ފިޔާ ފެނާއި ފޮނިތޮށި ކާފޫރުތޮޅި ފެނާއި ލޮނުލައިގެން ގިތެލާއި ކާށިތެލާއި މީރުކޮށްފައި އޭގެތެރެއަށް ހަނޑޫއަޅައި ރަނގަޅަށް ފެން ހިނދި ހަނޑޫގަނޑު ހަނާވީމާ ކާށިކިރާއި ދިރިޔާ އިނގުރާ އަދި ކުރިން ފެނުއެޅި ތަކެތީގެ ބާކީ ހުރި ފެނާއިއެކު އެތަކެތި އަޅައިގެން ކައްކާ ބަތެކެވެ
ކަލިޔާކެރުން
މ )ޏ.( ކައްޓަލަ މަޑުކޮށް ރަނގަޅަށް ފިސްކޮށް ގޮށްފިލުވައިފައި ހަކުރު އަޅައިގެން ހިލައި ވަރުކުރުން. މިހުންނާނީ ކުދިކޮށް ފޯލި ފޯއްޔަށް ހަދައި ހިކި ކެޔޮފަތުގައި ބަންދުކޮށްފައެވެ