radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ކޮތަރުކާވިނަ
ނ ވިނައިގެބާވަތެއް މިއީ ފަތް ހިމަކޮށްހެދޭ ހުދުމަލެއް އަޅާ ވަރަށް ފުނަށް މޫހުންނަ ކައިވަތެއްވަރުގެ ވިނައެކެވެ އެއްޗެހީގައި ކުލަޖައްސާން މީގެ މޫ ބޭނުންކުރެއެވެ
ކޮތަޅުކެނޑުން
މ މަޖާޒު: އަވަސްއަވަހަށް ބޮޑުބަޑިޖަހާއިރު ވަޒަނާއި ބަޑިބޭސްއަޅައިފައި ހުންނަ ކޮތަޅު ބަޑިޔަށްލައިފައި ބަޑިޖެހުން
ކޮލަމް
ނ ލިޔެފައި އޮންނަ ސަފްޙާއެއް ދިގަށްކޮށްފައި ހުންނަބައި
ކޮލި
ނ (1) ބޯޅައެއްހެން ބަނޑު ފުފިފައި ހުންނަ މަހެއް މިމަހުގެ ހަމުގައި ތޫނު ނުވަތަ ރާޅު އުންތަކެއް ހުރެއެވެ (2) އެއްޗެހީގެ އަރިމަތިންނާއި މެދުތެރޭން ފުފިފައި އޮންނަ ފުފުން ނުވަތަ ފުފިފައި އޮންނަ ތަން (3) އިހުގައި ރަސްމީ ބައެއް ލަގަބު އިއުލާނުކުރުމަށްޓަކައި ކުރާ ރަސްމީ ކަމެއްގެ ނަން
ކޮލިކަލޭގެ
ނ ކޮލިލާން ދައުލަތުން ޚާއްޞަކުރައްވައިފައި ހުންނަ މީހާ
ކޮލިމަތި
ނ (1) އޮޑިދޯނިފަހަރު ކިއްސަރުލައިގެން ބަނދެފައި ހުންނައިރު ދޯނީގެ އަރިމަތިން ފުއްޕުންލައިފައި ހުންނަތަން (2) ބަނޑުގެ ދެއަރިމަތިން ފުފިފައި ހުންނަތަން (3) ގުޅި ރުނބާ ފަދަ ތަކެތީގެ ފުއްޕުންލައިފައި ހުންނަ ތަން
ކޮލިޒާން
ނ ބޭހުގެ ބާވަތެއް މިއީ ދުވަސްވީ ބިލެތްގަހުގެ ގޮނޑިލައިފައި ހުންނަ މުލެވެ މީގެ ބޭރުގައި ހުންނާނީ މަޑު ރަތްކުލައެވެ އެތެރޭގައި ހުންނާނީ މަޑު ދޮންކުލައެވެ މީގައި މީރުވަހެއް ދުވާނެއެވެ
ކޮލީނަން
ނ ކޮލިލައިގެން ދައުލަތުގެ ފަރާތުން މީހުންނަށް ދީއުޅުނު ލަޤަބު މިސާލު: )ހ( ފާށަނާ )ށ( ހަކުރާ )ނ( މޭނާ
ކޮލުދަތް
ނ (1) ފޭރާދަތާ ޖެހިގެން ހިރުގަނޑުގެ ކަނާ ހަމަޔަށް ހުންނަ ދަތްތައް (2) ފުށުން ހަދައިފައި ތެލުލައި ހަކުރުލައިފައި ހުންނަ ފޮނި ހެދިކާއެއްޗެއް މިހަދައިފައި ހުންނަނީ ކޮލުދަތާ ވައްތަރު ގޮތަކަށެވެ
ކޮލެޖް
ނ މަދުރަސާތަކުންނިމޭ ދަރިވަރުންނަށް ވަކިރޮނގަކުން މަތީތައުލީމު ދިނުމަށް ހުންނަ ތަޢުލީމުދޭ ތަންތަން
ކޮސް
ނ (1) ތާކުންތާކުނުޖެހޭ މީހާ (2) ތާކުންތާކުނުޖެހޭ ވާހަކަ (3) ތާކުންތާކުނުޖެހޭ ކަންތައް (4) އޮޅުފަށް ފާވެފައި ހުންނަ އެއްވެސް ކަމަކަށް ކަމުނުދާ ލަކުޑިގަނޑު
ކޮސްވުން
މ (1) ތާކުންތާކުނުޖެހޭ ގޮތްވުން (2) ވިސްނުން ހަމަނުޖެހުން
ކޮޑަހުޅެ
ނ )ގ ( ދޮރުފަތުގައިލައި ހުޅުގެ ބާވަތެއް މިއީ ތަންކޮޅެއް ދިގުކޮށް ހުންނަ ހުޅެކެވެ މިހުޅުލައިފައި ހުންނަ ދޮރުފަތްވަރަށް ބޮޑަށް ހުޅުވޭނެއެވެ
ކޮޓަރި
ނ ގޭގެއާއި ޢިމާރާތް ޢިމާރާތުގައި ބިތްތަކަކުން ވަކިކޮށް އެކިބޭނުމަށް ޚާއްޞަކޮށްފައި ހުންނަ ގޮޅި ނުވަތަބައި
ކޮޓަފާޅި
ނ ގޭގެޔާއި ގުޅިގެން ފަނުން ނެރެފައިހުންނަ ތިރިކޮޓަރި ނުވަތަ ފިޔަފާޅިކޮޓަރި
ކޮޕީ
ނ (1) ފަތްބޮޑެތިކޮށް އަދިބޯކޮށް ހުންނަ ކުޑަވަރަކު ތަރުކާރީގަހެއް (2) އަޞްލާ އެއްގޮތަށް ހަދާ ނަކަލު
ކޮޕީ ފަންސުރު
ނ ކޮޕީނަގާން ލިޔާ ޚާއްޞަ ފަންސުރެއް މީގެ ކުލަގަދަވެފައި ގިނަދުވަހު ކުލަ ހަރުލައި ހުންނާނެ އެވެ
ކޯހުގާފު
ނ (1) ގާފު ފަރުބަދަ. މިއީ މެދުތެރޭ އޭޝިޔާގައި ހުންނަ ފަރުބަދައެކެވެ. (2) އިހުގައި މީހުން ޚިޔާލުގައި މީހަކަށް ނުދެވޭ ހިސާބު ދުރު
ކޯނަރު
ނ ހޮކީ އާއި ފުޓްބޯޅައިގައި ދަނޑުގެ ކަނުން ޖަހަން ޖެހޭ ހިލޭޖެހުން. މިޖެހުން ޖަހަނީ ބައިގެ މީހެއްގެ އަތުން ނުވަތަ ބައިގެ މީހެއްގެ ގައިގައި ޖެހިފައި އޭނާގެ ކޮޅުން ބޯޅަ ބޭރުވުމުންނެވެ
ކޯނަރުނެގުން
މ ހޮކީއާއި ފުޓުބޯޅައިގައި ދަނޑުގެކަނުން ޖެހުން މިޖެހުން ޖަހަނީ ބައިގެ މީހެއްގެ އަތުން ނުވަތަ ބައިގެ މީހެއްގެ ގައިގައި ޖެހިފައި އޭނާގެ ކޮޅުން ބޯޅަބޭރުވުންނެވެ