radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ކަނދިކަމަނާމަސްތެލުލުން
މ )މިސާލުބަހެއް( ތިމާކުރާން އުޅޭ މަސައްކަތުގެ ގިނަބައި ތިމާއިންތާ އިނދެގެން އެހެން މީހުންލައްވައި ކުރުވައިފައި މިކުރިކަމެއް ރަނގަޅުވެއްޖެއްޔާ ތިމާ ކުރިކަމެއް ކަމުގައި ހަދައި ނުބައި ވެއްޖިއްޔާ އެހެންމީހުން މަތީއެޅުވީމާ ދީ އުޅޭ މިސާލެއް
ކަނދިމަސް
ނ މުޙައްރަމް މަސް. މިމަހަށް އެނަން ކިޔުނީ މިމަހު ނުވަނަދުވަހާއި ދިހަވަނަދުވަހު ކަނދިކައްކައިގެން ޞަލަވާތް ކިޔަވައި ކުދިން ކިރައި ހަދާތީއެވެ
ކަނދިދުވަސް
ނ މުޙައްރަމް މަހުގެ ނުވަވަނަ ދުވަހާއި ދިހަވަނަ ދުވަސް މިދެދުވަހަށް ކަނދިދުވަހޭ ކިޔުނީ މިދެދުވަހު ކަނދިކައްކައިގެން ގޭގޭގައި ޞަލަވާތްކިޔަވައި އަދި އެކަންޖާއަޅައި ކުދިން ކިރައި ހަދާތީއެވެ
ކަނދު
ނ (1) ތެދަށްހެދޭ ބިޔަވާގަހެއް. (2) ކަނދުގަހުގެލަކުޑި. މިއީ އާރުނުލާ ލުއިލަކުޑިއެކެވެ. މިލަކުޑީގައި ފެނު ބާރުގަދަ ވާނެއެވެ. މީގެ ދެވައްތަރެއް ހުރެއެވެ. (3) ކަނދުފަތި ފަހާށާއި އެހެނިހެން ބޭނުމަށްޓަކައި އޭގެ ކޮޅު ނަރުވިލިކޮށް ބޯކޮށް ހަދައިފައި ހުންނަފިލާ. މިގިނައިން ހަދަނީ ކަނދުގަހުގެ ލަކުޑިންނެވެ. (4) އޮޑިދޯނިފަހަރު އެހެލައި ބަލާއިރު ފަށަން ދޮށަށްލައްވާ ލަކުޑިބުރި. (5) ފެނަށްތިރިކުރާ މަތިންދާބޯޓުގެ ދެފަރާތު ފިޔަފަތުގެ ދަށުގައި ފެނުބާރުހިފާން ހުންނަ ބަރާ. (6) ރާޅާ އެޅުމަށާއި މޫދުގެ ކުޅިވަރުތައް ކުޅުމަށް ގެންގުޅޭ ފެނުބާރު ހިފާގޮތަށް ހުންނަ އެއްޗިހި
ކަނދުފަތި
ނ (1) އެއްކޮޅު ނުވަތަ ދެކޮޅު ނަރުވިލިކޮށް ހަދައިފައި ހުންނަ ލަކުޑިތަކެއް އެއްކޮށް ބަނދެ ފެނުބާރު ހިފާގޮތަށް ހަދައިފައި ހުންނައެއްޗެއް މިގިނައިން ގެންގުޅެނީ ފަޅުތެރޭގެ އެކިއެކި ބޭނުމުގައި ދަތުރުކުރާށެވެ (2) ފެނުބާރު ހިފާގޮތަށް ހަދައިފައި ހުންނަ އެއްޗެއް މިއީ އެއްޗެހި އުފުލުމަށް ކަނބާފައި ގެންދާ އެއްޗެކެވެ (3) މަޖާޒު: ހިތާވެގެންއުޅޭ ދެމީހުން ދޭތެރޭ ހިނގާމީހާ
ކަނދޮޅު
ނ ފަތް ހިމަދިގު ކޮށްހެދޭ ފަސޭހައިން މަރުނުވާ ކުޑަވަރެއްގެ ގަހެއް މީގެ ކިތައްމެބާވަތެއްހުރެއެވެ މިގަހުގެ ބަނޑުފަތުން ދުލި ނަގައިގެން ބޭސްވެރިކަމަށާއި އެހެނިހެން ބޭނުމަށް ގެންގުޅެއެވެ
ކަނދޮޅުފުޅި
ނ ކަނދޮޅެއް އޮތްގޮތަށް އޮއްވައި ފަޅައިނުލައި ދުލިނަގައިގެން ހަދާ ހިމަދިގު ބޮތްކެއް މިގިނައިން ހަދައި އުޅެނީ ފެންކުޅިތެރޭގައެވެ
ކަނދޮޅުދުލިފަށުވި
ނ ވަރަށްތުނި ފަށުވި ފޭރާމެއް މިއީ އިހުގައި ރާއްޖެއިން ބޭރުން ގެނެސް އުޅުނު ފޭރާމެކެވެ
ކަނޑަށްނުކުތުން
މ (1) އެތެރެވަރީގެ ބޭރުން ކަނޑަށް ނުކުތުން (2) ފަޅުތެރޭން ގޮސް ކަނޑުތެރެއަށް އެޅުން
ކަނޑައިއުޅުނބު
ނ )މަލިކު( އަންހެނުން އަންނަ މުންޑެއް
ކަނޑަލަ
ނ ފެން ނުޖެހޭ އަލައިގެ ބާވަތެއް
ކަނޑި
ނ (1) ހަނގުރާމައިގެ ހަތިޔާރެއް. މިއީ ތިލަދިގު ތޫނު ހަތިޔާރެކެވެ (2) 003 ނާޅީގެ މިންވަރު (3) ދިޔާއެއްޗެއްނަމަ 003 އަޑުބާގެ މިންވަރު (4) އެލަންގަލަން ކުޅޭއިރު ގެންގުޅޭ އިލޮށި
ކަނޑިންމާއުޅާގަނޑު
ނ (1) މާލޭކަނޑިންމާ ބަންދުކޮށް ހުޅުވައިއުޅުނު ޒަމާނުގައި ދެފަރާތު ފައިކަށީގައި ޖަހައިފައި ހުރި އަރުގޯލައިގެ އުޅައްގަނޑު (2) މަޖާޒު: އަބަދު އަނގަ ގަދަކުރާމީހާ
ކަނޑިބުރި
ނ ތިލަ އިތިކޮށް ކޮޅުކައްޗަށް ބުރިކޮށްލައިފައި ހުންނަ ވަޅިއެއް މި ވަޅި ބޭނުންކުރަނީ ކަތިވަޅިން ކުރާ ކަންތައްތަކަށެވެ
ކަނޑިކި
ނ އަންހެނުން އަންނަ ކަޅުފޮތި
ކަނޑިކޮޅުހިފާކަން
ނ އިހުޒަމާނުގައި އޮގަރު ކަނޑި އައްޑަނަ ހިފުމުގެ ވަޒީފާ
ކަނޑިއަޅައިފުންމައިގަތުން
މ އައްޑަނަ ކޮށީގެ ކުޅިޖެހުމުގައި ކޮށްއުޅުނު ކަމެއް
ކަނޑިފާރު
ނ ތޫނު އެއްޗަކުން ކެފިގެންވާފާރު
ކަނޑިފާރުބޭސް
ނ ތޫނުއެއްޗިހިން ކެނޑޭ ތަންތަނަށް ކުރާ ދިވެހިބޭސް
ކަނޑިތޮޅި
ނ ރީތިގަހުގެ ވައްތަރެއް ކަމުގައިވާ ބިޔަކޮށް ހެދޭ ރަތްމާގަނޑެއް އަންނަ ގަހެއްގައި އަޅާ ތޮޅިއެއް މިތޮޅި ހުންނަނީ ފަތިކޮށް ކުރު މުށެއްހައި ދިގުމިނުގައެވެ