radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ކަށިނެތްމިޔަރު
ނ މިޔަރުގެ ބާވަތެއް. މިއީ ކަށިމިޔަރާވަރަށް އެއްގޮތް މިޔަރެކެވެ. ނަމަވެސް މި މިޔަރުގެ އުރަހަ ކައިރީގައި ކަށްޓެއްނުހުރެއެވެ. ބުރަކަށިމަތީގައި ދެވަނަ އަށް ހުންނައުރަހަ ފުރަތަމަ އުރަހައަށްވުރެ ބޮޑުވާނެއެވެ. މަތީތަލީގައި ހުންނަނީ ހިމަ ކުދި ތިނޯސް ކަހަލަ ދަތްތަކެކެވެ ދަށުތަލީގައި ހުންނަނީ ފުޅާ ދަތްތަކެކެވެ
ކަށިބައި
ނ ދިގުހަރު ލިޔާއިރު ބޭނުންކުރާ ތިލަލީކަށިތައް
ކަށިބިހި
ނ ހަށިގަނޑުގެ ބައެއް ތަންތަނުން ނަގާ ކުރިތޫނު ހަރުބިހި
ކަށިބުރޮޅި
ނ ބޭހަށް ބޭނުންކުރާ އެއްޗެއް މިއީ ހިކި އުނިއޮށެއް ހެން އޮންނަ އެއްޗެކެވެ މީގެ ބޭރުގައި ކަށިއުންތަކެއް ފަޅައިފައި ހުރެއެވެ
ކަށިބުމަރު
ނ ކަށި ވަތަށްޖަހާ ނަނުގަނޑު ބުމަރު
ކަށިކެޔޮ
ނ (1) ގޮފިތަކެއްލައިފައި ބޮނޑި އަކަށް ހެދޭ ބިޔަވާ ގަހެއް މިގަހުގެ ފަތް ހުންނަނީ ވަރަށް ދިގުކޮށް ދެފަރާތް އެއްވަރަށް މެދަށް އަޑިވެލާފައި ކޮޅަށް ތޫނުކޮށެވެ. ފަތުގެ ކައިރިފަށުގައްޔާއި މެދުގައި ތޫނުކަށިތަކެއް ހުރެއެވެ. ގަސްހަރުލާފައި ހުންނަނީ ފައިބާ ބިމަށް ހިފައިފައި ހުންނަ ވަރަށް ވަރުގަދަ އަޅޯތަކަކުންނެވެ. މިއީ ތިލަގައި މޫދުވާ ކަފި މޫތަކެއް ހުންނަ ގަހެކެވެ. (2) ކަށިކެޔޮގަހުގައި އަޅާ މޭވާ މިއީ ވަރުގަދަ ދަޅިގަނޑެއްގައި ވަކަކާޖެހިވަކެއް ފިތިބާރުކޮށްހުންނަ ވައްތަކަކުން އެކުލެވިފައި ހުންނަ އެއްޗެކެވެ
ކަށިކޮކާމަސް
ނ ކޮކާމަހުގެ ބާވަތެއް. މިއީ ކަރުތާފަތުގެ ތިރީބައިގައި ތޫނުކައްޓެއް ހުންނަ ކުޑަ މަހެކެވެ މަހުގެ ކުލައަކީ ކަޅުކުލައަކަށްދާ ގަދަމުށިކުލައެވެ މަހުގެ ހުރަހަށް ކަޅުކުލައިގެ ހިމަރޮނގުތަކެއް ހުރެއެވެ ކަރުތާފަތުގެ މަތީބައިގެ ފަހަތުގައި ކަޅުލަފެއް ހުރެއެވެ
ކަށިކޮތަ
ނ ރައިވެރިމަހުގެ ބާވަތެއް މިއީ ކަރުތާފަތްމަތީގައި ތޫނުކަށިތަކެއް ހުންނަމެހެކެވެ މިމަހުގެ ހުޅުނބުތައް ވަރަށް ތޫނުވާނެއެވެ މަހުގެ ކުލައަކީ ރަތްކުލައެވެ
ކަށިކޮތަން
ނ ކޮތަނުގެ ބާވަތެއް މިއީ ގޮފި ގިނަ ގޮފިތަކުގައި ކަށިހުންނަ ގަހެކެވެ މިގަހުގެ ފަތުގެ މަތީ ފަރާތުގައި އަޅައިގަންނަ ކަހަލަ ކެހެރި ތަކެއް ހުރެއެވެ މިއީ އެއްތަނޑެއްގައި ބޮނޑިއަކަށް މާއަންނަގަހެކެވެ މީގެތެރޭގައި އެކިކުލަކުލައިގެ މާއަޅާ ގަސްހުރެއެވެ މިގަހުގެ މަލާއި ފަތުގައި ގަދަ ޒަވިވަހެއް ހުރެއެވެ
ކަށިކޮލި
ނ ކޮލީގެ ބާވަތެއް މިއީ ލޯބޮޑު އަނގަ ކުޑަ މަހެކެވެ މުޅިމަހުގައި ތޫނުކަށިތަކެއް ހުރެއެވެ މިމަހަށް ގޯނާއެއް ކޮށްފިނަމަ މި މަސް ވަށް ބޯޅައެއްހެން ފުއްޕައިލައި ކަށިތައް ކޮޅަށް ޖަހައެވެ މިއީ ވަރަށް ވިހަގަދަ މަހެކެވެ
ކަށިއަރޮޅި
ނ ބޭހަށް ބޭނުންކުރާ އެއްޗެއް މިއީ އެތެރެ ބެދިފައި އޮންނަ ހަރު އޮށެއް ކަހަލަ އެއްޗެކެވެ މީގެ ކުލައަކީ ކަޅުކުލައެވެ މިއޮންނަނީ ހިކިފައިހުންނަ ބޮޑެތި މޭބިސްކަދުރާ ގާތް ސިފައެއްގައި ހިމަދިގުކޮށެނެވެ
ކަށިއިނގިލި
ނ ކުޑަވައި އިގިއްޔާ ޖެހުނު އިނގިލި
ކަށިއޫރު
ނ ދޫނިފަތުގެ ތަނޑުކަހަލަ ކުރެހުންއެޅި ދިގު ތުނޑު ތޫނު ކަށިތަކެއް މުޅިގައިން ފަޅައިފައިވާ ކުޑަވަރެއްގެ ޖަނަވާރެއް. މީހެއްގެ އުނދަގުލެއް ފޯރައިފިނަމަ މި ފުއްޕާލައެވެ
ކަށިއެރުން
މ ނާރުތަކަށް ވާގޮތަކުން މުޅިހަށިގަނޑު ނުވަތަ އެއްގުނަވަނެއް އެއްކަށިވުން
ކަށިވިދުރި
ނ ގައިންގަޔަށް އަރާ ބައްޔެއް. މިއީ ނުރައްކާތެރި ގަދަ ހުމަކާއެކު ގައިން ބިހިތަކެއް ނަގައިފައި ޖެހޭ ބައްޔެކެވެ. މިބިހިތައް ހަފުތާއެއްގެ ފަހުން ދޮސްއަރައިފައި ހުންނަ ފޮޅުތަކަކަށް ބަދަލުވެއެވެ. މިއީ ވައިރަހެއްގެ ސަބަބުން ޖެހޭ ބައްޔެކެވެ. 7 ދުވަހާއި 02 ދުވަހާދޭތެރޭ މިބަލި ރަނގަޅުވާއިރު ދާއިމީ ގޮތެއްގައި ނުފިލާ ހުންނަ ލަކުނުތަކެއް ގައިގައި ހުރެއެވެ މިއީ މިހާރު ދުނިޔެއިން ނައްތައިލެވިފައިވާ ބައްޔެކެވެ
ކަށިމަތިއެޅުން
މ ބައެއް ކަހަލަ ކުޅިވަރު ކުޅޭއިރު ކަށިމައްޗަށް ގެއްލުމެއް ވިޔަ ނުދިނުމަށް ކަށިމަތީގައި ބަންނަ ދާފަރާ ބަނުން
ކަށިމިޔަރުތެޔޮ
ނ ކަށިމިޔަރުގެ މެއިން ނަގާ ތެޔޮ މިއީ ބޭހަށް ބޭނުންކުރާ ތެލެކެވެ
ކަށިފަތިކައިރި
ނ (1) ކަށިފަތި ނުހުންނަ ފޭރާމުގެ ކައިރިފަށް (2) ފޭރާމުގެ އަތްދުތް ހުންނަ ކައިރި
ކަށިދަދު
ނ ދަދުގެ ބާވަތެއް މިދަދުގައި ހުންނާނީ ތޫނުކޮށް ހުންނަ ހަރުބިހިތަކެއް ނަގައިފައެވެ
ކަށިތުންފިލޮޅު
ނ ފިލޮޅުގެ ބާވަތެއް މިފިލޮޅުގެ ކަރުތާފަތްގަނޑާއި ބޮލުގެ މަތީބައިގައި ހުޅުނބެއް ނުހުރެއެވެ ކަރުތާ ފަތްގަނޑުގެ މަތީބައިގައި ރަތްކުލައިގެ ލަފެއް ހުރެއެވެ މަހުގެ ކުލައަކީ މަޑު ވައިލެޓުކުލައަކާ ގުޅޭ މުށިކުލައެކެވެ މަހުގެ ތުން ހުންނަނީ ފިޔާތޮށިކުލައިގައެވެ