radheef.info
ރަދީފު


ދުން
ނ (1) ބައެއް އެއްޗެހި އަނދާއިރު ހުޅުގަނޑުގެ މަތިން ވައިގެ ތެރެއަށް އަރައިގެންދާ ގަދައަޅިކުލައިގެ ނުވަތަ ކަޅުކުލައިގެ ގޭސް (2) ދުން އެޅުމަށްޓަކައި ތައްޔާރުކޮށްފައި ހުންނަ މީރުވަސް ދުވާތަކެތި (3) )ބދ ( ބުޅާ
ބަރުކޮލި
ނ މުޑަހަނދީގެ ބޮޑެތި ވައްތަރު. މިއީ އަނގަބޮޑު ތުންކުރު ފަތިމަހެކެވެ. މިމަހުގެ މެދުން ފެށިގެން މަތީބައިގައި ހުންނަނީ އަޅިކުލައެވެ ތިރީބައި ހުންނަނީ ހުދުކުލައެއްގައެވެ
ބަރުތީލަ
ނ (1) އިހުގައި ރަށްރަށުގެ ވެރިންގެ ފަތްކޮޅާއި ދޮށުންގެ ރަށްރަށްލިޔެ ދިނުމުގެ މައްޗަށް ދޭންޖެހޭ ފައިސާ (2) ވެދުން
ބަރުތީލަކުރުން
މ (1) އިހުގައި ރަށްރަށުގެ ވެރިންގެ ފަތްކޮޅާއި ދޮށުންގެ ރަށްރަށް ލިޔެ ދިނުމުގެ މައްޗަށް ދޭންޖެހޭ ފައިސާ ދިނުން (2) ވެދުން ހުށަހެޅުން
ބަރުތީލައަރުއްވައިގަތުން
މ ރަދުންބަރުތީލަ ޤަބޫލު ކުރެއްވުން
ބައިހެދުން
މ ޖަމާޢަތް ހެދުން
ބައިކުރުން
މ (1) ބައިބައިޔަށް ވަކިކުރުން (2) ބޯވަޅު އެޅި ލިބާހުގެ އަރިޔާއިއަތާއި ތޯޑުވައިގެން އެކަފާ ޤަވާޢިދުން ކެފުން
ބައިވެރިކުރުން
މ (1) ބައިވެރިޔަކަށް ހެދުން (2) ބައެއްގައި އެކުލެވުން (3) ކަމެއް ކުރާ މީހުންގެ ތެރޭގައި ހިމެނޭ މީހަކަށް ހެދުން
ބައިތިއްބުން
މ (1) ބަޔަކު ތަނެއްގައި އިށީނދެ ނުވަތަ އޮށޯވެ ނުވަތަ ކޮޅަށްތިބޭނެގޮތް ހެދުން (2) ތަނެއްގައި ވަގުތީގޮތުން ބަޔަކަށް އުޅޭވޭ ގޮތަށް ހަމަޖައްސައި އެތަނަކަށް އެމީހުންގެންދިއުން (3) ތަޙްޤީޤަށްޓަކައި ރަށެއްގައި ނުވަތަ ތަނެއްގައި އެހެންތަނަކަށް ނުދެވޭ ގޮތަށް ވަގުތީ ގޮތުން ބަންދުކުރުން
ބައެއް
ނ (1) ޖަމާޢަތެއް (2) ހިއްސާއެއް (3) އެއްޗެއްގެ އެތިކޮޅެއް (4) އެއްޗެހި ތަކަކުން އެކަތި ނުވަތަ އެއިގެތެރޭން އެތައް އެއްޗެއް (5) ނއ މަދުމަދުން މިސާލު: )ހ( ބައެއް ފަހަރު )ށ( ބައެއް މީހުން (6) އެއްބައި މިސާލު: )ހ( ބައެއް ގޮތުގައި )ށ( ބައެއްތަކެތި
ބައްދައިލުން
މ ބެއްދުން މިބަސް ލުއިކޮށް ބުނާގޮތް
ބައްތި އެނބުރުން
މ (1) އިލޮށިގަނޑެއްގައި ފޮތިކޮޅެއް އޮޅައިގެން ބައްތިޔެއް ހެދުން (2) ދަތުރުކުރާ މީހުންނަށް ދައްކާން ހަދައިފައި ހުންނަ ބައްތީގެ އަލިއެނބުރޭ ގޮތްހެދުން
ބައްތިއުނދުން
ނ ފީތާލައިފައި ހުންނަ އުނދުން
ބައްޓަންލުން
މ (1) ބޭރުފުށަށް ފާޑުގެނައުން (2) ވައްތަރު ރީތިވާގޮތް ހެދުން
ބަދަލުކުރުން
މ (1) އެއްޗަކަށް އަނެކައްޗެއް ދިނުން (2) އޮތްގޮތް ނުވަތަ ހުރިގޮތް ނޫން އެހެން ގޮތެއް ހެދުން (3) އެއްޗެއްގެ ބަދަލުގައި އަނެކައްޗެއް ބޭނުންކުރުން
ބަދިގެކޮޅު
ނ (1) ރަދުންގެ ފަރިއްކޮޅު ކައްކާ ބަދިގެ (2) ބަދިގެއަށް މާތްކޮށް ކިޔާގޮތް
ބަދުރާމަހުކޮލި
ނ )މ ( ކޮލީގެ ބާވަތެއް މިއީ ފަޅުފަޅުގެ ފުން ހިސާބުގައި ވިލުވިލުގައި މަދުމަދުން އުޅޭމަހެކެވެ މިމަހުގެ ބޭރުފަރާތް ހުންނާނީ ހުދުކުލައާއި ކަޅުކުލައިން އެކުލެވޭ މަންޒަރުތަކެއްގެ ސިފައިގައެވެ
ބަލިބެލުން
މ ބަލިހޯދުން
ބަގީޗާ ހެއްދުން
މ ބާވަތް ބާވަތުގެ ގަސްތައް ތަރުތީބެއްގެ މަތިން ވަކިތަންގަނޑެއްގައި އިންދައިގެން ހެއްދުން
ބަގުޑި
ނ (1) ދެއަތުން އޮޅުލައިގަންނަ ގޮތަށް މީހެއްގެ ގައިގައި ނުވަތަ ތަނެއްގައި ނުވަތަ އެއްޗެއްގައި ބައްދާ ބެއްދުން (2) ލައްޓި
ބަގުޑިބެއްދުން
މ މީހެއްގެ ގައިގައި ނުވަތަ ތަނެއްގައި ނުވަތަ އެއްޗެއްގައި ދެއަތުން އޮޅުލައިގަންނަ ގޮތަށް ބެއްދުން