radheef.info
ރަދީފު


މުގަ
ނ )ބދ ( މޫނު
ކަންޒޫރި
ނ (1) ކަނޑުމައްޗާބެހޭ އެކިއެކި ކަންކަމުގައި ވަލީވެރިންގެ ޒިޔާރަތާއި މަޤާމަށް ފާތިޙާ ފަރިއްކޮޅުގެ ނަމުގައި ދީއުލުނު ތަކެތި (2) ކަންޒޫރީގެ ނަމުގައި ކިޔަވައި އުޅުނު ފާތިޙާ
ކަރަންކާ
ނ ކަފުރުތޮޅި ގަސްހެން އެއްތަނޑިޔަށް ހެދޭގަހެއް. މިގަހުގެ ފަތް ހުންނާނީ ހިމަދިގުކޮށެވެ. މީގައި ނިކުންނާނީ މާގަނޑެކެވެ. މަލުގައި ހުންނާނީ 5 ފިޔަޔެވެ ތަނޑިދިގުވާނެއެވެ މިއީ ވަރަށް މީރުވަސްދުވާ ހުދު މަލެކެވެ މިގަސްހެދޭނީ ތެތް ބިމުގައެވެ މިގަހުގެ ބުޑުން ނިރުތައް ނިކުމެ ވަރަށް އަވަހަށް ގިނަވާނެއެވެ
ކަބީލާ
ނ އޮޑިދޯނި ފަހަރު ބަނުމުގައި ދެލަކުޑިގަނޑު ހަރުކުރާންޖަހާ މަޢްދަނީ އިއްޔެއް މިހަރުކުރަނީ ވަސަރު ލައްވައި މަލަރުކޮށް ގެންނެވެ
ކަޅަ
ނ )ސ ( (1) ގޮވާމުގައި އޮށްޓަރު ފިލައިފައި ހުންނަ ކުރާ (2) )ލ ސ ( ކަޅު
ކަޅަނގާރި
ނ ދުން އެޅީމާ މީރުވަސް ދުވާލަކުޑިއެއް މިއީ އޮޅުފަށް ގިރިފައި ހުންނަ އާރެކެވެ ބުނެވެނީ ގަހެއްގެ މުލެއްކަމުގައެވެ އިހުގައި މިގެނެސްއުޅުނީ ސެޓިގަމުންނެވެ
ކަޅިއެޅުން
މ އެއްޗަކާ ދިމާއަށް ޙާއްސަގޮތަކަށް ކަޅިހުއްޓައިލައިގެން ބެލުން. މިގޮތަށް ގިނައިން ބަލައިއުޅުނީ ލޯބިވެރި ކަމުގައްޔާއި އެދުންވެރި ކަމުގައްޔާއި ރުޅިވެރި ކަމުގައެވެ
ކަޅުބިލަމަސް
ނ (1) ކަނޑުމަހުގެ ބާވަތެއް. މިއީ ދޮށީގެ މަސްވެރިކަމުގައި ރާއްޖެއަށް އެންމެ ގިނައިން ބާނާމަހެވެ. މިމަހުގެ ބަނޑުދޮށުގައި މަހުގެ ދިގަށް ކަޅުކުލައިގެ ރޮނގުތަކެއް ހުރެއެވެ. މަހުގެ މަތީބައިގެ ކުލައަކީ ގަދަނޫކުލައެވެ ބަނޑުދަށް ފަރާތުގައި ހުންނަނީ ރިހި ހުދުކުލައެވެ (2) ފަސްރޮނގުމަސް
ކަޅުތިލަ
ނ ގައިގެ ހަމުގައި ފާޅުވާގޮތަށް ހުންނަ ކުޑަކުޑަ ކަޅުތިއްކެއް މިހުންނާނީ ހަމާއި އެއްވަރަށެވެ
ކަކާރަ
ނ ކުޅިޖެހުމުގައި އައްޑަނަކޮށީ މީހުން ތިރިވެ ދާނޑުގައި އޮވެގެން ކަނޑި އައްޑަނައިން ހަދާގޮތެއް
ކަކާރަނެގުން
މ (1) ކުޅިޖެހުމުގައި އައްޑަނަކޮށީ މީހުން ތިރިވެ ދާނޑުގައި އޮވެގެން ކަނޑި އައްޑަނައިން ވަކިގޮތެއް ހެދުން (2) މަޖާޒު: ތަނެއްގައި އެނބުރި އެނބުރިފައި ހިނގަ ހިނގައިފައި އުޅެގަތުން
ކަކާތަށްއެރުން
މ ގުޅަމަތި ހިފުމުގައި މަޑިޔަށް ޖެހިގެން އޮވެ އަނެއްމީހާގެ އަރިމައްޗަށް އެރުން
ކަކާތުއުކުޅު
ނ ހިފުމުގެ އުކުޅެއް ގުޅަމަތި ހިފުމުގައި މަޑިޔަށް ޖެހިގެން އޮވެ އަނެއްމީހާގެ ކިހިލިފަތް ދޮށަށްލާ ހިފެހެއްޓުން
ކައްތިރިއެޅުން
މ (1) ކުޅިޖެހުމުގައި ފައިން ވަކިގޮތެއް ހެދުން. (2) ބައެއް މީހުން ކުޑަކަމުދެވިދާނެތީ ހިފެހެއްޓުން ފަދަ ކޮންމެވެސް ބޭނުމަކަށްޓަކައި ދެފައި ހުރަސްކުރުން
ކައްޓަލަ
ނ ފަލަމަޑީގެ ބާވަތެއް މިއީ ބިމުގައި ދުވަމުން ހެދޭ ވެލެއްގެ ގޮނޑިއެކެވެ މިގޮނޑި ފައިބަނީ ފަތުބުޑުންނެވެ މީގެ ބާވަތްތައް ވަރަށް ގިނައެވެ
ކަވަރުނާ
ނ ފުރާދުއްވާ ބޮޑެތި އެއްޗެހި ބަނުމުގައި ފަށަނުން ފަށައިގެން އެތެރެއިން ބަނޑުފިލައިގައި މަތިކަނާ ހަމައަށް އަޅާވައް
ކަމަށްހެދުން
މ (1) ނެތް ސިފައެއް ހުރިކަމުގައި ދެއްކުން (2) ދޮގުން ކަންދެއްކުން މިސާލު: ނުދަންނަމީހަކު މާ ދަންނަ މީހެއްގެ ވައްތަރު ދެއްކުން
ކަދުރު
ނ އެތެރޭގައި ހަރުއޮށެއް އޮންނަ ފޮނިމޭވާއެއް އަޅަނީ ރުކެއްގައެވެ މި ރުއް ގިނައިން ހެދެނީ ހިކިހޫނު ބިންބިމުގައެވެ
ކަލިމަކެނޑުން
މ (1) އެއްކަލިމައެއްގެ ދެއަކުރު ދެފޮޅުވަތުގައި ލިޔުން (2) ކިޔުމުގައި އެއްކަލިމައެއް ބައިކޮށްލައިގެން ކިޔުން
ކަސްރަތު
ނ ހަށިގަނޑުގެ ނާރުތައް ދޫކޮށް މަސްހަރުކޮށް ލޭހިންގުވާން ކުރާ ޙަރަކާތް ނުވަތަ މިފަދަ ބޭނުމުގައި ކުޅޭ ކުޅިވަރު
ކަސްރަތު ކުރުން
މ ހަށިގަނޑުގެ ނާރުތައް ދޫކޮށް މަސް ހަރުކޮށް ލޭހިންގުވާން ހަރަކާތްކުރުން ނުވަތަ މިފަދަ ބޭނުމުގައި ކުޅޭ ކުޅިކުޅިވަރު ކުޅުން