radheef.info
ރަދީފު


އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
ލަޙުދުވަޅު
ނ ކަށްވަޅު ކޮނުމަށްފަހު އެވަޅުގެ އެއް އަރިމަތިން މައްޔިތާ ބޭއްވޭގޮތަށް ކޮންނަ ވަޅު
ލާބަފާ
ނ ފަޅުފަޅުން ހިފާ އެމުގެ ބާވަތެއް މި އެންމެ ވައްތަރުވާނީ މުގުރާމާއެވެ މީގެ އަރިމަތީގައި ރީނދޫކުލައިގެ ރޮނގެއް ބޮލުގައި ދޮން ކުލައިގެ ރޮނގެއް ހުރެއެވެ މިއެމުގެ ބޮޑުމިނަކީ ގާތްގަނޑަކަށް ދެ އިންޗިއެވެ
ލާގެ
ނ (1) މައުލޫދު ހަރުގޭގައި ބޮޑެތި މީހުން ތިބުމަށް ހަމަޖެހިފައިވާ ދިމާގައި ދަމައިފައި ހުންނަ ކުޑަ ސަނދުވާ. (2) ބައެއް މިސްކިތުގެ މެދުތެރެއިން މަތިވަޑާން ގަނޑުގެ ދަށުގައި ލަކުޑީގެ އެތިކޮޅުތަކަކުން ވަށްކޮށް ނުވަތަ އަށް އަރިއަށް ނުވަތަ ހަތަރު އަރިއަށް ހަދައިފައި ހުންނަ ތަނެއް މިތަން ހުންނާނީ ވަރަށް ރީތިކޮށް ލިޔެލާޖަހައިފައެވެ
ލާޖެހިހިކަ
ނ )ގ ( ހިކައިގެ ބާވަތެއް ލާކޮޅަކާ ވައްތަރު ފާހަގައެއް މީގެ އަރިމަތީގައި ހުރެއެވެ
ލިޔުން
މ (1) ތަނެއްގައި ނުވަތަ އެއްޗެއްގައި އަކުރު އެޅުން. (2) ލިޔެފައިވާ އެއްޗެއް. (3) މަޒުމޫނެއް ނުވަތަ ޅެމެއް ނުވަތަ ފޮތެއް އެކުލަވައިލުން (4) ދިގު ހަރުގައި ނުވަތަ އަރިޔަން ހަރުގައި އަޅައިގެން ލިޔާ ކަށިން ލަކުޑި ކޮށައި މަށައި އެކިވައްތަރަށް ސިފަ ގެނައުން (5) ހިކިމަހާއި ކަށިކެޔޮ ފަދަ ތަކެތި ތުނިކޮށް ކޮށުން (6) ލޭތުކުރުން
ލެނގުން
މ (1) ބައެއް ކަހަލަ ކުޅިވަރު ކުޅޭ ކުޅުމުގައި އަރިއަރިއަށް ލެނބުން (2) އެއްޗެއްގައި ނުވަތަ ތަނެއްގައި ލައްވެލައިގެން ހުރުން ނުވަތަ އިނުން (3) ފަލި ޖެހުމުގައި ފައްޔާއެކު ފުރަގަހަށް ލެނބުން
ލޭނުނަރު
ނ މަގުގެ އަރިމަތީގައި ދިގުހޮޅި ނުވަތަ އެނޫންވެސް އެއްޗެހި ޖަހައިގެން ދަމައިފައި ހުންނަ ކަރަންޓް ގެންގޮސްދޭ ނަރު
ގަހުރަމާނުން
ނ އަންހެން ސާހިބުންގެ އަރިހުގައި އުޅޭ އަރިހު ބޭކަނބަލުން
ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ގަނޑުމަސް
ނ ހަތަރު ގަނޑަށް ވާގޮތަށް ކަނޑައިފައި ހުންނަ މަހުގެ މަސް އަރިއެއް
ގަރާރުވުން
މ (1) ހަމަޖެހުން (2) އެއްޗެއް އަށަގަތުން (3) މަޖާޒު: އެކުގައި ހުންނަންވީ އެއްޗެއް ވަކިވަކިވުން މިސާލު: ވެއްޓިޖެހުނުލެއް ބާރުކަމުން އަރިކަށީގެ ކަށިތައް ގަރާރުވެއްޖެއެވެ
ގަދަންއެނބުރުން
މ ދިޔަވަރު ހިކި އޮޑިދޯނިފަހަރުގެ ފަށަން ބީހުމުން ފަރާތަކަށް އަރިވިޔަނުދިނުމަށް ދެފަރާތު ބިމަށް މުޑިޖަހައި އޮޑީގެ ހަފޮޅަށް އޮޅުއަޅައި ހަރުކުރުން
ގާވަދު
ނ ގާކޮޅެއްގެ އެހީގައި ވަދުބުޅި އަޑިއަށްފައްތާ ވަދު މިވަދު ފައްތަނީ ގާކޮޅެއްގައި ފަންވަތް އަރިއެއް އައްސައިފައި ފަންވަތް އަރީގައި ބުޅިއަޅުވައިގެންނެވެ
ގިތެޔޮމިރުސް
ނ މިރުހުގެ ބާވަތެއް މިއީ ރަހަ ވަރަށްމީރު ކުޅިރަހަ ގަދަ މިރުހެކެވެ މި މިރުސް ހުންނަނީ ތިންއަރިޔަށް ވާކަހަލަ ގޮތަކަށް ކުރުފަލަކޮށެވެ ތޮށިގަނޑުގައި އަޑިއަޑިކޮޅު ހުރެއެވެ މީގެ ތަފާތު ވައްތަރުތައް ހުރެއެވެ މިސާލު: )ހ( ފިއްތިގިތިޔޮ މިރުސް )ށ( ފަގުޑި މިރުސް
ގުންޑޮޅި
ނ (1) ވަޅުގަނޑެއްގެ ނުވަތަ ފެންގަނޑެއްގެ އަރިމަތީ ފަސްގަނޑު. (2) ރާޅުޖަހައިގެން ގިރަމުންދާ ތަނެއްގެ ކައިރިފަށުގައި އުސްކޮށް އޮންނަ ފަސްގަނޑު (3) މަޖާޒު: އިސްމަތީގެ ކަށިގަނޑު
ގުންޑޮޅިކެނޑުން
މ (1) ކޮނެފައިވާ ނުވަތަ ކޮންނަމުންދާ ވަޅެއްގެ އަރިމަތީފަސް ގަނޑު ކަނޑައިގެންވެއްޓުން (2) ރާޅުޖަހައިގެން ގިރަމުންދާ ރަށެއްގެ ގޮނޑުދޮށުގައި އުސްކޮށް އޮންނަ ފަސްގަނޑު ކަނޑައިގެންވެއްޓުން
ގެރި
ނ (1) ހަތަރެސްފައި ޖެހި ޖަނަވާރެއް. މިއީ ކިރުލިބޭ ކެއުމަށް އޭގެ މަސް ބޭނުންކުރާ ޖަނަވާރެކެވެ ދަނޑުހެއްދުމުގައި ފަސްގަނޑު ޖެހުމަށާއި ގާޑިޔާދެމުމަށް ފިރިހެންގެރި ބޭނުންކުރެއެވެ (2) އޮޑިދޯނިފަހަރު އަރި ކޮށްފައި ޖައްސާތިންފައިޖެހި ގަސްގަނޑު (3) )ޏ ސ ( ނުތާހިރު (4) ނއ )ޏ ސ ( ބޮޑަށް ފައްކާވެފައިވާ މިސާލު: ގެރިފަޅޯ
ގެރިޖެއްސުން
މ (1) އޮޑިދޯނިފަހަރު އެހެލައިފައި އަރިކޮށް ބޭއްވުމަށް ޖައްސާ ފައިތަކެއް ހުންނަ ގަސްގަނޑެއް ލެއްވުން (2) މަޖާޒު: ދޭތެރެޖެއްސުން
ގޮން
ނ. (ގ) (1) ހަތަރު އަރިގޮތަކަށް ބޭރުގެ ބުރުހުންނަ ފަރުމަހެއް. (2) ނަނު އަޅާއިރު އުޅި ހިފެހެއްޓުމަށް ލަކުޑިން ނުވަތަ މަޢުދަނުން ހަދައިފައިވާ އެއްޗެއް. މިހުންނަނީ ފިތް ކަނޑައިފައެވެ. (3) ޖަހާގޮން (ގޮންޖެހުން ބަލާ!)
ގޯސީ
ނ (1) ދެކުނބެއްގެ ދޭތެރޭގައި ނަގައިފައި ހުންނަ ކަތިރިޔާ (2) ފައްސިއަށް ވައިލިބޭ އިރު ފުރާ ދުއްވާ އެއްޗެއްގެ އަރިމަތިން ދައްސޫރައެއް ދުއްވައިފައި ނަގާ ކަތިރިޔާ (3) މައި ކުނބުގެ ދިރުބަލުން ކުނބެއް ބޭނުންނުކޮށް ވާވަލަށް ނަގައިފައި ހުންނަ ކަތިރިޔާ