radheef.info
ރަދީފު


ރެއި
ނ ރޭ
ތިންފުޅިދުމާދިއުން
މ އިހުގައި ކޮންމެރެޔަކު ނުވައެއްޖެހީމާ ގަނޑުވަރުތެރެއިން މުޖުމަރާއަކަށް އަލިފާނާއިދުމާ އަޅައިގެން ކުދިބޭކަލަކު އެމުޖުމަރާ ހިފައިގެން މެދުޒިޔާރަތްދޮށަށް ދުޢާވެރިކަން ކިޔެވުމަށް ގެންދިއުން
ތިންދަނޑިއާއެއްލުން
މ ސަމާގައި ކުޅިޖަހާއިރު ކުރާކަމެއް މިކަންކުރާގޮތަކީ ހަތަރުމީހުން ހަތަރު އޮނު ހިފައިގެން ތިބެ އޭގެތެރެއިން އެކަކު އަނެއްތިން މީހުނާ ހަމަލާދިނުމެވެ
ތުރުކީކޮށި
ނ އިހުގައި ރާއްޖޭގައި ބަޑިޖަހަން ދަސްކޮށްދީ އުޅުނު ކޮށިކޮށީގެ ތެރެއިން ކޮއްޓެއްގެ ނަން
ތެޔޮ
ނ (1) ބައެއްޒާތުގެ އޮށް އޮށާއި މަސްމަހުގެ ހަމާއި ސަރުބީއާއި މޭގަނޑުންހޭނޭ ފެނަށްވުރެ އޮލަ ދިޔާއެއްޗެއް (2) ބިމުގެ ތެރެއިން ނެގޭ އޮލަ މާއްދާއެއް މިމާއްދާއިން ޑީސަލާއި ކަރާސީނާއި އެކިވައްތަރުގެ ޕެޓްރޯލް އުފައްދައެވެ
ތޮރުފިއުނދުޅި
ނ ތެލުލާތަކެތި ތެޔޮގަނޑު ތެރެއިން ނަގަން ހަދައިފައި އޮންނައެއްޗެއް މިއުނދުޅީގައި ހުންނާނީ ލޯވަޅުތަކެއް އަޅައިފައެވެ
ތޯރާލުން
މ )ސ ( އެއްޗެހި ތަކެއްގެ ތެރެއިން ހޮވައިގެން ރަނގަޅު އެއްޗެހި ނެގުން
ލާހިއެޅުން
މ ބަނޑު ހަނޑޫ ހިފައިގެންދާމީހާ އެ ހަނޑޫ މިނެދިނުމުން އެ ހަނޑުލުގެ ތެރެއިން ހަނޑޫލާއްސެއް އެމީހަކަށް ދިނުން
ލާނދާ
ނ ފަޅުތެރެއިން މަސްހިފުމަށްޓަކައި ގޮޅިކުދިކޮށް ބަނދެފައި ހުންނަދާ މީގައި ހުންނަނީ ބަރިލާފައެވެ މިއީ އުކައިގެން މަސްހިފާ އެއްޗެކެވެ
ލާގެ
ނ (1) މައުލޫދު ހަރުގޭގައި ބޮޑެތި މީހުން ތިބުމަށް ހަމަޖެހިފައިވާ ދިމާގައި ދަމައިފައި ހުންނަ ކުޑަ ސަނދުވާ. (2) ބައެއް މިސްކިތުގެ މެދުތެރެއިން މަތިވަޑާން ގަނޑުގެ ދަށުގައި ލަކުޑީގެ އެތިކޮޅުތަކަކުން ވަށްކޮށް ނުވަތަ އަށް އަރިއަށް ނުވަތަ ހަތަރު އަރިއަށް ހަދައިފައި ހުންނަ ތަނެއް މިތަން ހުންނާނީ ވަރަށް ރީތިކޮށް ލިޔެލާޖަހައިފައެވެ
ލުނބޯހުތް
ނ (1) ލުނބޯގެ ދިޔަ (2) ލުނބޯގެ ފިތްތަކުގެ ތެރެއިން ފިތެއް
ލޫދުން
މ (1) ބައެއް ޅަކުދިން އުރީމާ ރުޅި ދައްކައިލައިފައި ސޮހިގަނެގެން ފޭބުން (2) ނަނުފަދަ އެއްޗެހި އަތުތެރެއިން ފިރުކިގެން ދިއުން (3) ކޮޅަށްހުރި އެއްޗެއްގައި ބަނޑު ކާއްތައިގެން އެއަށް އެރުން (4) ކޮޅަށް ހުރި އެއްޗެއްގައި ބަނޑު ކާއްތައިގެން އެއިން ފޭބުން (5) ބައެއް ކަހަލަ ފޮތި ފިނދިގެން ދިއުން (6) ވީދުން މަޖާޒު: (7) ފިރުކުން (8) މަގުމަތީގައި ގިނަވެގެން އުޅުން
ލެއިބަލިކަން
ނ މޫބަލި މިބައްޔަކީ ފުރަގަސްފަރާތު ބަލީގެ ތެރެއިން ބޭރަށް މުޅިން ފާޅުނުވެ އެތެރޭ ކައިރީގައި ގިނަ އަނގަތަކެއް ލައިފައި ހުންނަ ގިނަގިނައިން ލޭ އަންނަ ބައްޔެކެވެ
ލޭނާރުހިލުން
މ ލޮލަށް އެއްޗެއް ވެއްޓިގެން ނުވަތަ އެހެންވެސް ސަބަބަކާހުރެ ލޯހިރުވުމުގެ ސަބަބުން ލޮލުގެ ތެރެއިން އުފުލޭ ރަތްކުލައިގެ ނާރުތައް އުފުލުން
ލޮނދިހިކައެއްހެންދިޔުން
(1) ކައްސާގޮތް ހުންނަ އެއްޗެއް އަތުތެރެއިން ކައްސައިލުމުން ބުނެއުޅޭ ބަހެއް (2) މީހުންތަކެއް އެއްވެފައި އޮތްތާކުން މީހަކު ކުއްލިއަކަށް ނުކުމެގެން ދިއުމުން ބުނެއުޅޭ ބަހެއް
ގަނޑުކާގަނޑު
ނ (1) އެއްވައްތަރެއްގެ ތަކެތީގެ ތެރެއިން ހޮވައިވަކި ކުރުމެއްނެތި (2) ހުރިހާ ބާވަތެއްގެ ތަކެތި އެއްކޮށް މިސާލު: ހުރިހާ ފިޔާތައް ގަނޑުކާގަނޑު އެއްކޮށްނެގީ ދޮންމަނިކެވެ
ގަނޑުފިއްލާކުޅުން
މ "ގަނޑުފިއްލާ" އޭ ކިޔާ ކުޅިވަރު ކުޅުން. މި ކުޅިވަރު ކުޅޭ ގޮތަކީ ކުޅޭ މީހުން ދެބަޔަކަށް ބަހައި ކުރިން ގަނޑުއަޅަން ދާމީހުންގެ ތެރެއިން އެކަކު ގަނޑަކަށް ހަދަން ކަންނެޔޮތަކާ ބާލީސްތައް އޭނާގެ ގައިމަތީ ބަހައްޓައި އެއްޗަކުން ނިވާކޮށް އެބައިގެ އެހެން އެންމެން ފިލާ ތިބެފައި އަތްތިލަބަޑި ޖެހީމާ އަނެއްބައިގެ މީހުން އައިސް ގަނޑަށް ގޮވައި މިވެނި މީހަކު ތެދުވާށޭ ބުނުމުން ދިމާވެއްޖެނަމަ ތެދުވަނީއެވެ ދިމާ ނުވެއްޖެނަމަ ލަނޑެއް ދެވުނީއެވެ
ގަންގަނަ
ނ )ބދ ( ވާރެއި
ގަރަހިތަފަނި
ނ މެދުރާއްޖެތެރެއިން ހިފާ އެމެއް މިއެން ހުންނާނީ ވަރަށް ހިމަހިމަކޮށް ބޯކޮޅަށް ތަންކޮޅެއް ބޮޑުކޮށެވެ މިއެމުގެ ކުލައަކީ ދަނބުކުލައެވެ
ގައްޕީސް
ނ ޖަޕާނުމަހުގެ ތެރެއިން ނިގޫފަތުގައި ކުލަޖެހިފައި ހުންނަ ވައްތަރު މިއީ ފެނަށް ދިރޭ މަހެކެވެ
ގުރަހައިގެތަރި
ނ ގުރަހައިގެ ތަރިތަކުގެ ތެރެއިން އެންމެ އަލިގަދަ ތަރި