radheef.info
ރަދީފު


ނަ
އކ (1) ނަފީކުރަން ބޭނުންކުރާ އަކުރެއް މިއަކުރު އާއްމުކޮށް އަންނާނީ ބަހުގެ ކުރިޔަށެވެ މިސާލު ނަހަމަ (2) ނޫން
ފަތިގަނޑު ނެގުން
މ މުންޑާއި ފިރިހެނުން އަންނަ ފޭލީގެ ކޮޅުމަތި ވަކިގޮތަކަށް ފަށްފަށް ޖެހުން
ފަތިގަނޑުޖެހުން
މ ކުޅޭ ކުޅިވަރެއް. މިއީ ގާތްގަނޑަކަށް ކައިވަތެއްގެ ދިގު ދެއިންޗި ފުޅާ ހޮޅިކޮށް އޮންނަ ހަތަރުގަނޑު ފަތިން ކުރެ އަތެއްގެ ތެރެއަށް ދެގަނޑު ފަތިލައިގެން ދެގަނޑު ދެގަނޑަށް ވަކިހަމައަކަށް ޖަހަމުން ކުޅޭ ކުޅިވަރެކެވެ. މިހަދައިފައި ހުންނަނީ އޮނުން ނުވަތަ ލަކުޑީންނެވެ. މި ކުޅިވަރު ކުޅެނީ ބަނޑިޔާ ނުވަތަ ޑަބިޔާ ޖަހައި ލަވަކިޔައިފައެވެ އަދި ޑަބިޔަލާއި ބަނޑިޔަލާއި ދޭތި ޖަހައިފައިވެސް މި ކުޅިވަރު ކުޅެއެވެ
ފަތިސް ނަމާދު
ނ ފަތިހު ކުރަންޖެހޭ ނަމާދު
ފަތިސްހަނދުވަރު
ނ ފަތިހުގައިދީފައި އޮންނަ ހަނދުވަރު
ފަތިސްވަގުތު
ނ (1) ފަތިހުގެ ވަގުތު (2) ފަތިސް ނަމާދު ވަގުތު
ފަތިސްވުން
މ (1) ފަޖުރުލުން (2) ފަތިސްނަމާދު ވަގުތުވުން (3) މަޖާޒު: އުއްމީދު އާވުން
ފަތިސްދަޅަ
ނ (1) ފަތިސްވަގުތު (2) ފަތިހަށް ދޮންކޮށްލައިފައި އޮންނަ ވަގުތު
ފަތީލުން
މ (1) އެކަތި އެނެކައްޗާއެކު ގުޅަމުން ގުޅަމުން ގެންދެވޭ ގޮތަށް ބަންނަ ބަނުން (2) ކާށި ނުވަތަ މަސްފަދަ ތަކެތީގެ އެއްފަތި އަނެއް ފައްޗާ ގުޅުން
ފަތުންފަތްފަޅާ
ނ ފަތުގެ ކައިރި ފަށުގައި ހުންނަ އޮށަކުން ގަސްފަޅާ ފަތްބޯކޮށް ހުންނަ ދެތިން ފޫޓަކަށް ހެދޭ ގަހެއް
ހައުޅާ ބައިން ޖެހުން
މ އަންނަ ފޭލީގެ ކޮޅުމަތީގައި ހައުޅަ ނަގައިގެން ދުޅައެޅުން މިއީ ކޮޅުމަތި ރީތި ކުރާން ކުރާ ކަމެކެވެ
ހައުޅާބައިން
ނ އަންނަ ފޭލީގެ ކޮޅުމަތީގައި އަޅާ ދުޅައެއް
ހައެއް
ނ ގުނުމުގެ ހަވަނަ ޢަދަދުގެ ނަން
ހައެއްކަ
ނއ ގާތްގަނޑަކަށް ހަޔެއް މިބަހުގެ މާނަދޭހަވަނީ އެއްޗަކާ ގުޅުނީމައެވެ މިސާލު: )ހ( ހައެއްކަ ފަހަރު )ށ( ހައެއްކަފޮތް
ހައެއްވުން
މ (1) ހަވަނަ ޢަދަދު ހަމަވުން (2) މަޖާޒު: ޅަކުއްޖަކު ތަންދޮރު އެނގޭ ވަރަށް ބޮޑުވުން
ހައް
ނ (1) ދިގުއޮޑިކޮށް އޮންނަ ލަކުޑިކޮޅެއްގައި ދެލޯވަޅު ތޮރުފާފައި އެއްލޯވަޅުން ކުސަފުރާފައި އަނެއް ލޯވަޅުން ވާލައްވާން ހުންނަ ކައްޕިފަދަ އެއްޗެއް. (2) ގުޑިވައިގައި ހިއްޕުމަށްޓަކައި ދަނޑިއެއްގެ ކުރީގައި ހަކެއްފަދަ އެއްޗެއް ހަރުކޮށް އެއަށް ދިދައިގެ ވާ ފަދައިން ވަލެއްލައްވައި ކޮޅަށް ޖަހައިފައި ހުންނަ ދިގު ދަނޑި (3) ސަންގު (4) ސަންގާ ވައްތަރު ކޮންމެ އެއްޗެއް
ހައްބަ
ނ ކޮންމެ އެއްޗަކުން ނަމަވެސް ބޭނުމެއް ނުހިފޭހައި މަދު މިންވަރު މިބަސް ބުނެއުޅެނީ އެއްޗެއް ނެތްކަން ދެއްކުމަށެވެ މިސާލު: އޭނާ އަތުގައި ހައްބަވެސް ނެތެވެ އެބުނީ އޭނާ އަތުގައި އެކައްޗެއްވެސް ނެތް ވާހަކައެވެ
ހައްވާމަހަ
ނ )ޏ ( ފަޅުގައިއުޅޭ ކަޅުކުލައިގެ ކުޑަމަހެއް މިއީ ފެނަށް ދިރޭމަހެކެވެ މަހުގެ ބަނޑުދޮށްހުންނަނީ ދޮންކުލައިގައެވެ މަހުގެ ބޮލާވީ ކޮޅުން ބުރިކަށިމަތިން ދެފަރާތަށް ހުދު ރޮނގެއްހުންނާނެވެ ނިގޫފަތުގެ ކައިރީގައި ދެފަރާތަށްވާގޮތަށް ވަރަށް ކުލަފަނޑު ރީދޫ ކުލައިގެ ރޮނގެއް ހުންނާނެއެވެ
ހައްމަތަކުރުން
މ ހަމައިންނެއްޓިގެން އުޅޭ ބަޔަކު ނުވަތަ ކަމެއް ބާރުގެ ދަށަށްގެނައުން
ހައްދު
ނ (1) ޒިނޭކުރުމުން ނުވަތަ ރާބުއިމުން އެމީހާގެ ގައިގައި ދުއްރައިން ތަޅާތެޅުން. (2) މީހަކާ ދިމާއަށް ޒިނޭކޮށް ފިޔޭ ބުނެ ޒިނޭ ސާބިތުނުވީމާ އެބުނި މީހާގެ ގައިގައި ދުއްރައިން ތަޅާތެޅުން. (3) މިން. (4) ހިސާބު. މިސާލު: )ހ( ހައްދުފަހަނަޅައި ހިނގައްޖެއޭ ބުނެފިނަމަ އެއީ މިނަށްވުރެ އިތުރަށް ދިޔައީއެވެ )ށ( މީނާ ދުންބުއިމުގެ ހައްދެއްނެތޭ ބުނެފިނަމަ އެއީ ދުންބުއިމުގެ ވަކިމިންވަރެއްނެތީއެވެ
ހައްދުންނެއްޓުން
މ ހައްދު ފަހަނަޅައި ދިއުން