radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކަލަކުޓަރު
ނ އިހުގައި ކަސްޓަމުގެ ވެރިޔާއަށް ކިޔައިއުޅުނު ނަމެއް
ކަލައިކުރުން
މ ދަގަނޑުން ހަދައިފައިހުންނަ އެއްޗެހީގައި ދަބަރުޖެހިޔަ ނުދިނުމަށް ތުތިޔާއަށް ލުން މިކަންކުރަނީ އެ އެއްޗެއް އަލިފާން އާވީގެ ތެރެއަށް ލައިގެން ސާފުކުރުމަށްފަހު މޫސަދަރު ހާކައި އެއަށްފަހު ކުޑަކޮށް ހޫނުކޮށްފައި ވިރުވައިފައިހުރި ތުތިޔާގެ ތެރެއަށް ލައިގެންނެވެ ތުތިޔައިން ނަގައި މޫސަދަރުކޮޅެއް އެއެއްޗެއްގެ މައްޗަށް އެޅުމުން ތުތިޔާ ހުންނާނީ އެއެއްޗެއްގައި ހަރުލައިފައެވެ
ކަލަމުކުރުން
މ އެއްގަހެއްގެ ގޮފިކޮޅެއް އަނެއްގަހެއްގައި ތަތްކޮށް ރޯކުރުން
ކަލާސީ
ނ (1) ފުރާދުއްވާ އެއްޗެހީގެ ފަޅުވެރިން. (2) ބޮޑު ހަނޑުލާއި ބަނޑު ހަނޑޫ ގޭގެޔަށް ގެންގޮސް ދިނުމާއި އަދި މިނޫންވެސް ކިތައްމެކަމެއް ކުރާން ތިބޭ ރަސްމީ ބަޔެއް މިއީ ރަނަހަމައިދި ބޭކަލެއްގެ ދަށުގައިވާ އަށްގުރާބުގެ ފަޅުވެރިނެވެ
ކަލާސީ ހަނޑޫ
ނ އިހުގައި ކަލާސީންނަށް މުސާރައެއްގެ ގޮތުން ދައުލަތުގެ ފަރާތުން ދީއުޅުނު ހަނޑޫ
ކަލިވަތް
ނ (1) ގޯއްޗެއްގެ ތެރޭގައި މީހުންނަށް އުޅެވޭގޮތަށް ހަދައިފައި ހުންނަ ކުދި ކުދި ތަންތަންކޮޅު (2) ފޮއްޓެއް ނުވަތަ ދަބަހެއްގެ ތެރޭގައި އެއްޗިހިލާން ހަދައިފައި ހުންނަ ބައިބައި (3) މަތިންދާ ބޯޓު ތެރޭގައި މީހުންގެ އަތްމަތީ ސާމާނު ލާން ހަދައިފައި ހުންނަ ވަތްވަތްގަނޑު
ކަލިމަކެނޑުން
މ (1) އެއްކަލިމައެއްގެ ދެއަކުރު ދެފޮޅުވަތުގައި ލިޔުން (2) ކިޔުމުގައި އެއްކަލިމައެއް ބައިކޮށްލައިގެން ކިޔުން
ކަލިމަތިމުގުރު
ނ )ހ ( ވަޑާންކަށީގައި ޖަހާން ގެންގުޅޭ ކުޑަ މުގުރު މިއީ ވަޑާންކުރާއިރު ގެންގުޅޭ އަތްމަތީ މުގުރެވެ
ކަލިޔާ
ނ (1) ގިތެޔޮ އަޅައިގެން ކައްކާބަތެއް މި ފޮނިކޮށް ވެސް ލޮނުކޮށް ވެސް ކައްކައެވެ ޢާންމުގޮތެއްގައި މިއީ ރަށްމާލޫދުގައި ހުންނަ އެއްޗެކެވެ (2) ބަށްޓާއި ކޭލުގައި އެއްގަމު ޖަނަވާރުގެ މޭބިސްކުރަނޑި އަޅައިގެން ކައްކާ ހިކިރިހައެއް
ކަލިޔާކެރުން
މ )ޏ.( ކައްޓަލަ މަޑުކޮށް ރަނގަޅަށް ފިސްކޮށް ގޮށްފިލުވައިފައި ހަކުރު އަޅައިގެން ހިލައި ވަރުކުރުން. މިހުންނާނީ ކުދިކޮށް ފޯލި ފޯއްޔަށް ހަދައި ހިކި ކެޔޮފަތުގައި ބަންދުކޮށްފައެވެ
ކަލިޔާކެޑުން
މ )ސ.( ކައްޓަލަމަޑުކޮށް ރަނގަޅަށްފިސްކޮށް ގޮށްފިލުވައިފައި ހަކުރުއަޅައިގެން ހިލައިވަރުކުރުން މިހުންނާނީ ކުދިކޮށް ފޯލި ފޯއްޔަށްހަދައި ހިކިކެޔޮފަތުގައި ބަންދުކޮށްފައެވެ
ކަލުފާތުކުރުން
މ ނާފަހަރުފަދަ ބޮޑެތި އެއްޗެހި ކޮޅައި ހިންމީގައި އެއްޗެހި އަޅައި ހެދުން
ކަލޭގެފާނު
ނ (1) އިހުގައި މަޖިލީހަށް އެރީމާ ލިބޭ ލަޤަބު ލިބިފައިވާ މީހާ. (2) މާތްކުރުމުގެ ގޮތުން ނަބިއްޔުންނަށާއި ވަލިއްޔުންނަށާއި ޢާލިމުންނަށާއި އެދުރުންނަށް ކިޔާގޮތް
ކަލޯ
ނ (1) ފިރިހެނެއްކަން ދަލީލުކުރާނަމެއް (2) ތިމާޔަށްވުރެ ހަގު ގާތްތިމާގެ ފިރިހެނުންނަށް ލޯބިން ކިޔާނަމެއް (3) ދެރަކޮށް ނިކަމަތިކޮށްލުމަށް ފިރިހެނުންނާ ދިމާއަށް ބުނާގޮތް (4) މުސްކުޅިބަހުގައި މާތް ފިރިހެނުންނަށް ކިޔާގޮތެއް (5) ބައެއް ކަހަލަ ޖަނަވާރާއި ދޫނިސޫފާސޫފީގެ ނަމުގެ ފަހަތަށް ގެންނަބަހެއް މިސާލު: )ހ( ބުޅާކަލޯ )ށ( މާކަނާކަލޯ
ކަލްކަޓަރާ
ނ ނައުފަހަރުގެ ކެނބު ދަމާން އަޅުވާ ލަކުޑި ގަނޑެއް މިއޮންނަނީ ކޮޅުގައި ފުރޮޅެއްލައިފައެވެ ކެނބު އަޅުވައިފައި އޮންނާނީ އެ ފުރޮޅުގައެވެ
ކަސަބުކަން
ނ ސަރުކާރުގެ ކަނޑުމަތީ އުޅަނދު ފަހަރާއި އިހުގައި މާލޭ މައިކަނޑިންމައިގެ ބައްތި ދިއްލުމުގެ ސަރުކާރު ވަޒީފާ
ކަސަބުމުންޑު
ނ އަތްދުތާ މުޅި މުންޑުގައި ކަސަބު ޖަހައިފައި ހުންނަ މުންޑެއް
ކަސް
ނ (1) ހަމުގެ ބައްޔެއް. މިބަލީގައި ގައިކެހުމާއި ހިރުވުމާއި ބިހިނެގުން ހުރެއެވެ (2) ދިއްގާގަހުގެ ފަތުގައި ހެދޭ ބަލިކަމެއް (3) އަތްތެރި މަސައްކަތާއި އަތު މަސައްކަތުގެ ބައެއްތަކެތީގައި ހުންނަންވާ އޮމާންކަން ނެތޭނެތުން
ކަސްރަތު
ނ ހަށިގަނޑުގެ ނާރުތައް ދޫކޮށް މަސްހަރުކޮށް ލޭހިންގުވާން ކުރާ ޙަރަކާތް ނުވަތަ މިފަދަ ބޭނުމުގައި ކުޅޭ ކުޅިވަރު
ކަސްރަތު ކުރުން
މ ހަށިގަނޑުގެ ނާރުތައް ދޫކޮށް މަސް ހަރުކޮށް ލޭހިންގުވާން ހަރަކާތްކުރުން ނުވަތަ މިފަދަ ބޭނުމުގައި ކުޅޭ ކުޅިކުޅިވަރު ކުޅުން