radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ބޮޑުފުފޭތަޅައިލުން
މ މަޖާޒު: މީހަކު ފަޟީހަތް ކުރުމުގައި އެމީހާ އެންމެ ދެރަވާނޭ ވާހަކައެއް ބުނުން
ބޮޑުފެހި
ނ އިހުގައި ބޯވަޅު އެޅި ލިބާސް ލައިއުޅުނު ފޭރާމެއް މިއީ ކަޅު ފެހިކުލައިގެ ފޮއްޗެއްގައި ހިމަރޮނގު ބަޔެއްގެ މެދުތެރޭގައި އެއަށްވުރެ ކުޑަތަންކޮޅެއް ފުޅާ ރޮނގެއްހެން ހުންނަ ފޮއްޗެކެވެ ރޮނގުބައި ހުންނާނީ ކަޅުފެއްސަށްވުރެ އަޅި ފެހިކުލައެއްގައެވެ މިގޮތަށް ރޮނގު ހުންނަ ރަތްކުލައިގެ ފޮތިވެސް ހުރެއެވެ އެއަށް ކިޔަނީ ބޮޑުފެހީގެ ރަތެވެ
ބޮޑުފެއްސަންގޮތްހެދި
ނ ބކ. އިހުގައި ބޯވަޅު އެޅި ލިބާސް ލައިއުޅުނު ފޭރާމެއް. މިއީ މުޅި ފޮތިގަނޑު ކަޅުފެހި ނުވަތަ ރަތްކުލައިގައި ހުރެފައި ބޮޑުފެހީގެ ރޮނގުބަޔާ ވައްތަރު ގޮތަކަށް ރޮނގުބައި ހުންނަ ފޮއްޗެކެވެ
ބޮޑުފޭލި
ނ ފިރިހެނުން އަނދެއުޅުނު ފޭއްޔެއް މި ފޭލި އާދައިގެ ފޭއްޔަށްވުރެ ބޮޑެތިވާނެއެވެ މިއީ ރަސްމީ ކަންކަމުގައި އަނދެ އުޅުނު ފޭއްޔެކެވެ
ބޮޑުފޮތިކެނޑުން
މ (1) ހިލާތަކެތި ވަރުވެގެންއައިސް ދޭފަތް އުފުލާލީމާ ފޮތިފޮއްޗަށް ވެއްޓޭ ވަރުވުން (2) އޮލަވުން (3) ހިލާތަކެތި ކުނިނުވާ ވަރުވުން
ބޮޑުދައިތަ
ނ މަންމަ ނުވަތަ ބައްޕަޔާ އެއްބަނޑު އެއްބަފާ ނުވަތަ އެއްބަނޑު ނުވަތަ އެއްބަފާ އަންހެނާ
ބޮޑުދުން ބެހުން
މ ބޮޑުދުންދޭ ފަންސަވީސް ޒިޔާރަތަށް ދުންފޮނުވުން
ބޮޑުދުންދޭ ޒިޔާރަތް
ނ ބޮޑުދުމާދާއިރު ދުޢާވެރިކަން ކިއަވަން މަޑުކުރާ ފަންސަވީސް ޒިޔާރަތް، އެއީ (1) އަބުލް ބަރަކާތުލް ބަރުބަރީ ޒިޔާރަތް (2) ސައްޔިދު ރަސްގެފާނުގެ ޒިޔާރަތް (3) އައްސައްޔިދު ސާމީ އަލްމުރުތަޟާ ޒިޔާރަތް (4) އައްސުލްޠާނުލްޣާޒީ މުޙައްމަދު ޝަމްސުއްދީނު ޒިޔާރަތް (5) އިސްކަންދަރު މަހާރަދުންގެ ޒިޔާރަތް (6) ޙަސަން ޢިއްޒުއްދީނު ރަދުންގެ ޒިޔާރަތް (7) މުޙުޔިއްދީނު ރަދުންގެ ޒިޔާރަތް (8) މުޙައްމަދު ޢިމާދުއްދީނު ދިޔަމިގިލީ ރަދުންގެ ޒިޔާރަތް (9) އިބުރާހިމު ރަސްގެފާނުގެ ޒިޔާރަތް (10) ދަންނަ މުޙައްމަދު ރަސްގެފާނުގެ ޒިޔާރަތް (11) ދަރުމަވަންތަ ރަސްގެފާނުގެ މިސްކިތް (12) ޙަބުޝީގެފާނުގެ މަޤާމް (13) ފަޤީހުމޫސާގެ ޒިޔާރަތް (14) ފަތާލީސީދީގެ ޒިޔާރަތް (15) ބޮޑުރަސްގެފާނު ޒިޔާރަތް (16) ޙާޖީ އެދުރުކަލޭފާނުގެ ޒިޔާރަތް (17) އިބުރާހީމު ރަސްގެފާނު (އަލްހިލާލީ) ގެ ޒިޔާރަތް (18) ފަޤީހުސުލައިމާނުގެ ޒިޔާރަތް (19) މާފަންނު އާމިސްކިތްތެރޭ ޒިޔާރަތް (20) ޤާޟީ ޢީސަލްޔަމަނީގެ ޒިޔާރަތް (21) ޢަލީ ރަސްގެފާނުގެ ޒިޔާރަތް (22) ޢުމަރުމާފަތް ކަލޭފާނުގެ ޒިޔާރަތް (23) ދޮނަކުޅީޝައިޚުކަލޭފާނުގެ ޒިޔާރަތް (24) ދޮންބުޅާފާށަނޢގެ ޒިޔާރަތް (25) ދެބޭރަނިންގެ ޒިޔާރަތް
ބޮޑުދޮރޯށި
ނ (1) ގަނޑުވަރުތެރެޔަށް ދެކުނު ފަރާތުން ވަންނާން ހުންނަ ދޮރޯށި (2) ގޭގެޔަށް ފިރިހެނުން ވަދެ ނުކުމެ އުޅޭން ހުންނަ ދޮރޯށި
ބޮޑުދޮޅި
ނ (1) އަންހެނުން ނަމާދުކުރާއިރު އަޅާން ދޮޅިޖަހައިފައި ހުންނަ ފޮށާ (2) ނަމާދުފޮށާ (3) ނަމާދުދޮޅި
ބޮޑުތަރުތީބު
ނ ދީނީ ތަޢުލީމާ ބެހޭގޮތުން އަލީއެދުރުތަކުރުފާނު ލިޔުއްވާފައިވާ ފޮތެއް މިފޮތުގެނަމަކީ ޒުހުރުލް ކާމިލާތު ފީ އަހާމުލް އިބާދާ
ބޮޑުތަކުރު ޔާސީމަށް އަރާއިނުން
)މިސާލުބަހެއް( ކެއުމުގެ ޖަމާޢަތަކަށް ވަގުތުގެ މާކުރީންގޮސް ކާން ހަދައިފައި ހުރިތާނގައި ހިތްގައިމުކޮށް އިނުން
ބޮޑުތަކުރުފާނު
ނ (1) އުތީމު ބަންޑާރައިން (2) އައްސުލްތާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން (3) ޣާޒީ ބަންޑާރައިން
ބޮޑުތަކުރުފާނު ވާހަކަ
ނ ޣާޒީ ބަންޑާރައިންގެ ހަޔާތާއި އެރަދުން އަނދިރި އަނދިރީންގެ ކިބައިން ރާއްޖެ ސަލާމަތްކުރެއްވި ވާހަކަ މިވާހަކަ އާބަކުރު ރަސްގެފާނުން ފެށިގެން ކަލާފާނާ ހަމައަށް ވެސް ކިޔައެވެ އަދި ކޮއިމަލާއިން ފެށިގެން އައްސުލްޠާނު މުހައްމަދު މުޢީނުއްދީނުލް އައްވަލާ ހަމަޔަށްވެސް ކިޔައެވެ
ބޮޑުތަކުރުދަން
ނ ދަމުހަރުގެޔަށް ދަމަށްއެރި ޒަމާނުގައި ހެންވޭރު ރައްޔިތުން ބައިކޮށްފައި އޮންނަ 4 ބައިން ކުރެއެއްބައި
ބޮޑުތަދު
ނ 6331ހ ވަނައަހަރު 4191މ ން 8191މ އަށެވެ ހުއްޓުނު ބޮޑު ހަނގުރާމަޔާ ވިދިގެން ރާއްޖެއަށް އައި ތަދު މިތަދު ގާތްގަނޑަކަށް 2 އަހަރެއްހައި ދުވަސް ވާންދެން ދެމިއޮތެވެ
ބޮޑުތާހީދު
ނ އެދުރު ޢުމަރު މާފަތް ކަލޭގެފާނު ހެއްދެވި ތާހީދު ރައިވަރުފޮތް
ބޮޑުލިބާސް
ނ ބޯފޮތީގެ ދިގު ކޯޓެއް މިއީ އިހުގައި ފަނޑިޔާރުން ނާއި ބޮޑު ނައިބުން ރަސްމީ ޢިއްޒަތުގައި ބައިވެރިވާއިރު ލައިއުޅުނު ލިބާހެކެވެ
ބޮޑުގުންބާ
ނ ބޮޑުކަމުބޭރަށް ދެވޭނެގޮތް ހެދުމަށާއި އެހެނިހެން ބޭނުމަށްޓަކައި ފުރަގަސްފަރާތުން ދިޔާތަކެތި ފޮނުވާން ގެންގުޅޭ އާލަތެއް
ބޮޑުގުންބާކުރުން
މ ބޮޑުގޮހޮރު ސާފުކުރުމަށްޓަކައި ފުރަގަސް ފަރާތު ދޮރުން އެތެރެހަށްޓަށް ލޮނު ނުވަތަ ސައިބޯނިފެން ފަދަ އެއްޗެއް ފޮނުވުން