radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ބޮޑުކިބާ
ނ ބޮޑު ގަނޑުވަރު ތެރޭގައި ހުރި ގެކޮޅެއް މިއީ ރަސްގެފާނު އުޅުއްވާ ގެކޮޅެވެ
ބޮޑުކިބާދާރީ
އިހުގައި ބޯވަޅު އެޅި ލިބާސްލައި އުޅުނު އޮފުގަދަ ފޮއްޗެއް. މިއީ ފަށުތްވާއި ސުތުލިން ވިޔެފައި ހުންނަ ރޮނގުދެމި ފޮއްޗެކެވެ. ރޮނގުބައި ހުންނާނީ ފުޅާކޮށެވެ. ރޮނގުބައި އެކުލެވިފައި ހުންނަނީ ދޮން ކުލަޔާއި ފެހިކުލަޔާއި ނޫކުލައިންނެވެ. ޢާއްމުކޮށް ހުންނަނީ މީގެ ފެހި ފޮއްޗާއި ރަތް ފޮއްޗެވެ
ބޮޑުކުނާ
ނ ރަސްމީގޮތުން އެކިއެކި ބޭނުމަށްޓަކައި ރާއްޖޭގައި ވިއުއްވާކުނާ މިކުނާ ހުންނަނީ ރޯލު ކުނާހެން ދިގުކޮށެވެ
ބޮޑުކުޑަކޮޅު
ނ ރަސްމީ ބައެއް ކަންތަކުގައި ގުޅަކުޅޭ ފަސްގަނޑުގައި ޖަހައި އުޅުނު ކުޑަކޮޅެއް
ބޮޑުކޮށުން
މ (1) ލަކުޑިގަނޑެއް އެއްޗަކަށް ވަރުކުރުމަށް ނުވަތަ ސިފަގެންނަން ފުރަތަމަ ކޮށުން ކޮށައިލުން (2) މަޖާޒު: ކަމެއް ފުރިހަމަ ކުރުމަށްޓަކައި ކުރިން ކުރަންޖެހޭ މައިގަނޑު ކަންތައްތައް ކޮށްލުން
ބޮޑުއަށި
ނ (1) ދިވެހި ގޭގޭގެ ބޭރުގޭ ދޮރުގެ އިރުމަތިން ހުރަހަށް ހުންނަ ދިގު އަށި (2) މުށިކުޅޭއިރު އަޅައިފައި ހުންނަ މުށި ގޭގައި ފައިފުއްސާ ޖެހިގެން ކަނާތް ފަރާތުން ހުންނަ ގެ ނުވަތަ ގޮޅި
ބޮޑުއަކުރުން ލިޔުން
މ މަޖާޒު: އޮޅުމެއްނެތި ސާފުކޮށް ބުނުން
ބޮޑުއާވިގަސް
ނ ފަރުބަދަމަތީގައި ހެދޭ އަބަދަށްފެހި ގަހެއް މިގަހުގެ އެކި ބައިތައް ބޭހަށް ބޭނުން ކުރެއެވެ ގަހުގެ ފަތް ހުންނަނީ ހިމަކޮށް ތޫރިކޮށެވެ
ބޮޑުވިނަ
ނ މޫދު ހުއިގެ ބާވަތެއް މިއީ ވަރަށް މަދުން ފެންނަ ކަޅުކުލައިގެ ހުޔެކެވެ މިފަތުގެ ފުޅާމިނުގައި ބައިއިންޗި ދިގުމިނުގައި ހައިންޗިވަރު ހުންނާނެއެވެ
ބޮޑުވިއްސާރަ
ނ (1) މާލެއާއި މާލޭ ކައިރީގައިވާ ރަށްތަކަށް ދެދުވަސްވަންދެން ކުރި ވިއްސާރައެއް މިވިއްސާރަ ފެށުނީ 2431 ޖުމާދިލްއައްވަލު 71 ބުދަ )3291 ޑިސެމްބަރު 62 ( ވަނަ ދުވަހުއެވެ މިވިއްސާރަ އެންމެ ބޮޑަށް ކުރީ މާލެއަށެވެ އެންމެ ގަދަވީ ބުދަ ދުވަހުއެވެ އެދުވަހު ނަގޫ ރޯޅީގެ ހަތަރުރޯޅީގެ ގަދަވައިގައި ބޮޑެތި ގަސްތައް ވެއްޓުނެވެ ގަދަވަޔާ އެކުގައި އައި ކޮޅިތަކުން މުޅި ރަށުގައި ފެންބޮޑުވިއެވެ ކައްކާ ނުކެވުނު ގެތައް ބައެއް ބޯޓު ވަރަށް ގިނައެވެ ބަނދަރުގައި ހުރި ބޯޓު ފަހަރުގެ ތެރޭން އެކި ރަށްރަށުގެ ފަރަށް އަރައި ހަލާކުވިއެވެ އެއްބޯޓް ކަނޑުގެ އަޑިއަށް ފެތިގެން ދިޔައެވެ އެކަކު ގެއްލުނެވެ (2) މަޖާޒު: އައްސުލްތާނު މުހައްމަދު މުޢީނުއްދީނު )ކުޑަބަންޑާރައިން( ގެ ރަސްކަމުގައި ހިނގި ސިޔާސީ ބޮޑު ގަޑުބަޑު
ބޮޑުމައްސާގު
ނ މައްސާގުގެ ބާވަތެއް މިއީ އެއްތަނޑަށް ހެދޭ ފަތްބޮޑެތި ގަހެކެވެ މީގެ ފަތަކީ ކެއުމަށް ބޭނުން ކުރާ އެއްޗެކެވެ
ބޮޑުމަތާދަތި
ނ ވަޑާމުގެ މަސައްކަތުގައި އިލިޖެހުމަށްޓަކައި ދެލަކުޑިގަނޑު ކައިރިކޮށް ޖައްސައި ހިމުން ކުރުމަށް ތިއްބާ އާލާތް މިއީ ކިއްސަރު ވަޑާމުގައި ބޭނުންކުރާ އާލާތެކެވެ
ބޮޑުމަސް
ނ (1) ބޭރު ކަނޑުގައި އުޅޭ ބިޔަ ބޮޑެތިމަސް (2) ދުންލާމަސް (3) ފޯކުޅޭއިރު ފަނުން ވިޔެފައި އޮންނަ މަސް (4) )ނކ ( ދުނިޔެ ވަށައިގެން ހިނގާކަމަށް ހީކުރާ ޚިޔާލީ މަހެއް
ބޮޑުމާލިމީ
ނ (1) އިހުގައި ބޭރު ދަތުރުކުރާ ދިވެހި ނާފަހަރާއި އޮޑި ފަހަރުގެ ދަތުރު ކުރުމުގެ އެންމެ މަތީ ވެރިމީހާ ނުވަތަ އެންމެ ބޮޑު ނިއަމި (2) ކައްޕިތާން
ބޮޑުފަތަފޮޅި
ނ ހަވަރު ތިނަދޫ ވަރުވާގެ ތެރޭގައި އަހަރަކު އެއްފަހަރު ހަވަރަށް ގެނެސް އުޅުނު ފަތިރޮއްޓެއް
ބޮޑުފަތަފޮޅިބެހުން
މ ބޮޑުފަތަފޮޅި ހަވަރަށް ބެހުން. މިއީ ވަރަށް ބޮޑު ރަސްމީ ގޮތެއްގައި ކޮށް އުޅުނު ކަމެކެވެ
ބޮޑުފަތް
ނ މިއީ ދިގުކޮށް އުނިކޮށް ހުންނަ ފަތެކެވެ މިފަތުގެ ރަހަ މަޑުވާނެއެވެ މި އާއްމުގޮތެއްގައި ބޭނުން ކުރާނީ ދުފުމަށެވެ
ބޮޑުފަޓާސް
ނ ބަޑިކޮށިކޮށީގެ މީހުން ދިގުކާއްޓެއްގެ ސިފައިގައި ހަދައި އުޅުނު ފަޓާސް
ބޮޑުފާފަ
ނ މާތް ރަސްކަލާނގެ ނަހީ ކުރެއްވި ބޮޑެތި ނުބައި ކަންތައް
ބޮޑުފާތިހާ
ނ (1) ގިނަ މީހުންނަށް ކާންދީގެން ކިއުއްވާ ފާތިޙާ (2) ވަޖިދުވާ ތާރަޖަހާ މީހުން ޢަބްދުލްޤާދިރުގެފާނުންގެ އަހަރުމަތި ދުވަހު ކިޔަވާ ފާތިޙާ