radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ކުރިކިހާއްފިލާ
ނ ވެލަށްހެދޭ ފަތްޕިލާވެލީގެ ބާވަތެއް މިއީ ކުރިގޮބޮޅީގެ ރަހަ ކަހަލަ ރަހައެއްލާ ފަތެކެވެ ފަތުގެ ކުލައަކީ މަޑުފެހިކުލައެވެ މި ފަތް ހުންނަނީ ކޮޅަށް ހިމަކޮށް މެދަށް ފުޅާކޮށެވެ މިއީ ވަރަށް ތުނި ފަތެކެވެ މިވެލުގައި ވައިލެޓު ކުލައިގެ ކުދިކުދި މާތަކެއް އަޅައެވެ
ކުރިކީލަ
ނ (1) ކިރުކުލައިގައި ހުންނަމޮޅު ބިއްލޫރިއެއް (2) ކުރިކީލަމަސް
ކުރިކީލަގޮޅާ
ނ ކުރެހުންނާޅާ ހުންނަ ހުދު ގޮޅާ
ކުރިލުން
މ ގަސްގަހުން ކުރިނުކުތުން
ކުރިގަނޑު
ނ (1) ރުއްރުކުގެ ފަން ހުންނަ ހިސާބު (2) ދިވެހިރުކުގެ ކުރީގެ ކާން ކަމުދާ ޅަތަން (3) ޕޫލްކޮޕީގަހުގެ ފަތްބޮނޑި (4) އިންދަން ގެންދާ ކައްޓަލަކުރީގެ ބޮނޑިވަރު
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ
ކުރީކޮޅު
ނ (1) ފެށޭކޮޅު (2) ފަހަތުކޮޅުގެ އިދިކޮޅު (3) ހިނގަމުންދާ ކަމެއްގެ ފެށުނު ހިސާބު (4) ކޮޅަށް ޖަހައިފައި ހުންނަ އެއްޗެއްގެ މަތީކޮޅު (5) ދުއްވާ މީހާ ދުއްވަން އިންނައިރު ކުރިމަތިލައިގެން އިންނަ ދިމާއިން އެ އެއްޗެއްގެ ކުރި
ކުރުނބާފުޅާދިއުން
މ ދޮށުން ތިބި ޒަމާނުގައި ރަމަޞާންމަހު ކޮންމެ ދުވަހަކު ހަވީރު ގަނޑު ވަރުތެރޭގެ ބޭފުޅުން ތިއްބަވާ ތަންތަނަށް ކުރުނބާފުޅު ހިފައިގެން އެމީހުން ރަސްމީ ހެދުމުގައި ދިއުން މިއީ ދައުލަތުގެ ފަރާތުން އެ ބޭފުޅުންނަށް ކަނޑައަޅައިފައިވާ ކަންތަކުގެ ތެރެއިންކަމެކެވެ
ކުރުނީސް
ނ (1) މާތް މީހުންނަށް ސަލާމް ކުރުމުގެ ބާވަތެއް އެއީ ދެއަތްމޭގައި އަޅައިފައި ކަނާއަތް އުފުލައި ބޮލުގައި ޖައްސައިލައިފައި މެޔަށް ގެނައުމެވެ (2) ބޮލާ ހަމަޔަށް އަތްނަގައި ކުރާ ސަލާމް
ކުރުކަނި
ނ ފަތްފޮށީ ވަކަރު މައްޗަށް އިންދައިފައި ހުންނަ ކުރުވަކަރު ބުރިއެއް
ކުރުކުރު
ނ ފަލަމަޑީގެ ބާވަތެއް މިއީ މަތިވައް ފަތްހެން ފަތްހުންނަ ވެލެއްގެ ގޮނޑިއެކެވެ މީގެ ބޭރުހުންނަނީ ކަޅު މުށިކުލައެއްގައެވެ ތޮށިގަނޑުގައި ނަރުވާތަކެއް ފަޅައިފައިހުރެއެވެ މިވެލުގައި އަޅާ އެއްޗެއްސަށް ކިޔައި އުޅެނީ ކުރުކުރުކައްޓަލައެވެ އެ ހުންނަނީ ކުދި ކޮންނެވެ
ކުރުއްޕި
ނ ކޮށިކޮށީގެ ބަޑިޖަހާ މީހުން ލައި އުޅުނު ލިބާހެއް މިލިބާސް ހުންނާނީ ބަނޑު ފަޅައިލައިފައި ކޯޓެއްގެ ސިފައިގައެވެ
ކުރުމަސް
ނ (1) ދިގުމަސް (2) ފަރުމަހުގެ ބާވަތެއް މިއީ ބޮނޑިމަސްކޮށް ހުންނަ ހިމަދިގު މަހެކެވެ މަހުގެ ކުލައަކީ ގަދަނޫކުލައަކަށްދާ ފެހިކުލައެކެވެ މަހުގެ ދެފަރާތުގައި ހުރަހަށް ކަޅުކުލައިގެ ރޮނގުތަކެއް ހުރެއެވެ މިއީ އެއްބަރިއަކަށް ދަތްތައް ހުންނަ އަނގަބޮޑު މަހެކެވެ
ކުރުގެޅުން
ނ (1) ޖެހުނު ޖެހުމަކުން ނުވަތަ ފިތުނު ފިތުމަކުން އެއްޗެއް ހުންނަންވީ ވަރަށް ވުރެން ކުރުވުން (2) ޢިށީނދެ އިނުމުގައްޔާއި އޮށޯވެ އޮތުމުގައި ކުރުޖެހުން (3) މަޖާޒު: ދެރަވުން (4) ފިނޑިވުން (5) ކެވުނުލެއް ގިނަކަމުން ހިންދަމައި ނުލެވުން
ކުރެހިހިމެރި
ނ ހިމެރީގެ ބާވަތެއް މީގެ އޮށުގައި ހުންނާނީ ކުރެހުން އެޅިފައެވެ
ކުރެހިބޯމުގުރާން
ނ މުގުރާމުގެ ބާވަތެއް މިބާވަތުގެ މުގުރާމުގެ ބޮލުގައި ރަންކުލައަކަށްދާ ކުރެހުމެއް ހުންނާނެއެވެ
ކުރެހިބޯލަނޑާ
ނ ލަނޑާގެ ބާވަތެއް. މިއީ ބޮލުގައި މުށިކުލައިގެ ރޮނގު ކުރެހުމެއް ހުންނަ ފެހިކުލައިގެ ލަނޑައެކެވެ
ކުރެހިތޮޅި
ނ ކުރެހުން އަޅައިފައި ހުންނަ ދިގުތޮޅިއެއް މިއީ ހިމެރީގެ ބާވަތެކެވެ
ކުރެހިސަންގު
ނ ކުރެހުން އެޅި ބޮޑު ސަންގު
ކުރެހުން
ނ (1) ހަމައެއްގެ މަތީން އެއްޗަކަށް ވާނޭހެން އަޅައިފައި ހުންނަ ރޮނގުތައް މ (2) ވަކި ޤަވާއިދެއްގެ މަތިން ރޮނގުއެޅުން (3) ވަކިޤަވާއިދެއްގެ މަތިން ބިންވަޅު ނެގުމާއި ފޫވެއްޓުން (4) ތަސްވީރުފަދަ ތަކެތި ފެވުން (5) އެއްވެސް އެއްޗަކަށް ނުވާނޭގޮތަށް ރޮނގުތަކެއް އެޅުން (6) ގައިގެ ހަމުގައި ކޮންމެވެސް އެއްޗަކުން އެޅިގެން ކިރިޔާ ތެޔޮހަން ކެޑުން (7) ފޮޓޯނެގުން