radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ރާމުރާކި
ނ މުރާކީގެ ބާވަތެއް މުރާކީގެ އެހެން ބާވަތްތަކަށްވުރެ މިމުރާކިކޭމާ ބޮޑަށް އަނބުރައިގަންނަ ގޮތް ހުންނާނެއެވެ
ރާތާގާބަރި
ނ (1) ތިލަފަތުން ކިރައި އުޅުނު ވަޒަންތައް މިއީ 4 ރާތަލުން ފެށިގެން ކުޅަނދަކާހަމައަށް ކިރާން ދަގަނޑުން ހަދައިފައި ހުންނަ ވަޒަންތަކުގެ ސެޓެވެ. މީގައި ހިމެނެނީ 4 ރާތާ 2 ރާތާ 1 ރާތާ 2 ގައު 1 ގައު 2/1 ގައު 5 ކުޅަނދު އަދި 1 ކުޅަނދެވެ (2) މަޖާޒު: މީހަކަށް ގާތްގާތުގައި ލިބިފައިތިބި ކުދިންތަކެއް
ކަރަދުބަރަދު
ނ ކުރަންޖެހޭ ހުރިހާ ޚަރަދަކަށް ނިސްބަތްކޮށް ބުނާގޮތް
ކަރި
ނ )ބ ( (1) ކުރާގަނޑު ފޮޅިފައި ހުންނައިރު ވަކިވަކީން ފެންނާން ހުންނަ ބައިތަކުގެ ތެރެއިން އެއްބައި (2) ބައެއް ގަސްގަހުގެ ފަތްފޮޅޭއިރު ނުވަތަ ތޮޅިނިކުންނައިރު ބަޑުފަތުގެ ގޮތުގައި ނިކުންނަ ތޫރި ފޮޅޭއިރު ހުންނަ ބައިތަކުގެ ތެރެއިން ބައެއް (3) ލޮނުމެދު ހެން ބޮޑިއަކަށް ހުންނަ ތަކެތީގެ ބައިތައް ވަކިވަކިކޮށްލާއިރު ހުންނަ ބައިތަކުގެ ތެރެއިން އެކަތި (4) ފިޔާފަދަ ތަކެތީގެ ފަށަލަތައް ވަކިވަކިކޮށްލުމުން އޭގެ ބައެއް (5) ފަރިވެފޮޅޭ މަލުގެ ފިއަތަކުގެ ތެރެއިން އެއްފިޔަ
ކަރު
ނ (1) ބޮލާއި ހަށިގަނޑާއި ދޭތެރެ. (2) ދަތްދޮޅިޔާއި ލަގޮނޑިވަޅާ ދޭތެރެ. (3) ބަނޑިޔާ ނުވަތަ ފުޅި ފަދަ ބައެއް ކަންވާރުގެ މަތީން ހިމަކޮށްލައިފައި ހުންނަ ހިސާބު. (4) ޝަރުބަތާއި ދިވެހި ހަކުރުފަދަ ފޮނިތަކެތީގެ ތެރޭގައި ފުއްފުކަށް ގަނޑުގަނޑަށް ހެދޭ ހަކުރު. (5) ބައެއް މޭވާއާއި ތަރުކާރީގެ އެތެރޭގައި އޮށްތައް ހަރުލައިފައި އޮންނަ މަޑުތަން. (6) ބައެއް ޒާތުގެ މޭވާއާއި ތަރުކާރީގެ އެތެރޭގައި ހަރުކޮށް އޮންނަ ކާންބޭނުން ނުކުރާތަން (7) ލިބާހުގައި ބޮލުން ވައްޓައިލާން ކަނޑާތަން (8) ލިބާހުގައި ބޮލުން ވައްޓައިލާން ކަނޑާތަނުން ނަގާފޮތިކޮޅު (9) ނައިބޮލީގެ އެތެރޭގައި ފަށްފަށަށް ހުންނަ ހަރުތަންތަން )01( މަސް ބައްދަން ފަޅުތެރޭގައި ހަދާ ގޮނީގެ އަނގަމަތީގެ ހިމަތަން (11) ކާށިހުންޏާއި ތެޔޮ އަޅައިގެން ހަދާ ކާއެއްޗެއްސާއި ތެލަށް އަންނަ ނުބައިކަމެއް
ކޯސް
ނ (1) ދެ މޭލުގެ ދުރުމިން (2) ވަކި ކަމަކަށް ތަމްރީނު ލިބިދޭ އުނގަނައިދިނުމުގެ ބުރެއް
ކޯޑި
ނ (1) ރަށްފުށުގައި ކުޅޭ ކުޅިވަރެއް. މިއީ ބޮޑުޢީދުގެ ތެރޭގައި ކުޅެއުޅޭ ކުޅިވަރެކެވެ. (2) ކޯޑިކުޅޭއިރު ރުކެއްގައި ނުވަތަ ދަނޑިއެއްގައި އެލުވާއެތި މީގައި ހުންނަނީ ވަޅިފަންކޮށައިފައެވެ މިހާރަކަށް އައިސް ވައްތަރު ވައްތަރުގެ ރީތި ކަރުދާހުން އެއްޗެހި ހަދައި އެލުވާފައި ހުރެއެވެ
ކޯޑިކުޅުން
މ ރަށްފުށުގައި ބޮޑުޢީދުގައި ކުޅެއުޅޭ ކުޅިވަރެއް. މިކުޅިވަރު ކުޅޭއިރު ފިރިހެންކުދިން ކޯޑި ހަދައިގެން ކުޅިވަރުކުޅެމުން )ލަވަކިޔައިނަށަމުން( ހުސްމައިދާނެއް ކަހަލަތަނަކަށް )ކުޅޭބިމަށް( ގޮސް މަޑުކޮށްލައި އެތަނުގައި ކުޅިބަލަންގޮސްތިބޭ އަންހެންކުދިންގެ ތެރެއިން ކުއްޖެއްގެ ބޮލުގައި ކޯޑިޖައްސައިލަނީއެވެ. ދެން ކޯޑިގެންގޮސް ރުކެއްފަދަ ދިގު އެއްޗެއްގައި އަތްނުފޯރާ ހިސާބު މަތީގައި އެލުވަނީއެވެ. މިކޯޑި ކަނޑައިދޭނީ އަންހެން ކުދިންގެ ފަރާތުން ކަނޑައަޅާ ފިރިހެންކުއްޖެކެވެ. ދެން ފިރިހެންކުދިން އެކޯޑި ކަޑައިދިން ފިރިހެންކުއްޖާގެ ގައިގައި އަޅިދެލި ކުރަހައިގެން ގަންހިންގާގޮތަށް މުޅިރަށުގައި ހިންގުވައިފައި ގެނެސް މޫދަށް ލަނީއެވެ. އެއަށްފަހު އަންހެންކުދިން އެކުއްޖާ މޫދުންއަރުވައިގެން ގެންގޮސް ފެންވަރުވައި ނަލަހެއްދުވުމަށްފަހު ކޯޑިޖެއްސި އަންހެންކުއްޖާއާއި ދެކުދިން އަތުގުޅުވައިގެން ކުޅޭބިމަށް ގެންދާނީއެވެ
)ށ( ބޭރުގެ މަސައްކަތުމީހުންގެނައުމުގެ ކޯޓާ ކޯޓާ
ނ ޢަދަދެއްގެ ތެރެއިން ވަކިމީހަކަށް ނުވަތަ ވަކިފަރާތަކަށް ލިބުމަށް ހަމަޖެހޭ ނުވަތަ އެމީހަކު ނުވަތަ އެފަރާތަކުން ހަމަކޮށްދޭންޖެހޭވަރު މިސާލު: )ހ( ބޭރުކުރާ މުދަލުގެ ކޯޓާ
އަހަދު
ނ )ޢަހަދު( ކަމަކަށްވާ ކަށަވަރު
އައްޑަނަ
ނ ހަނގުރާމައިގައި ރެކޭން ގެންގުޅޭ އާލަތެއް. މިކިތަންމެ ސިފަޔަކަށް ހުރެއެވެ. ރާއްޖޭގެ އައްޑަނަ ހުންނަނީ ވަށްކޮށް ފަތާކޮށް އެތެރެޔަށް ގޮނިކޮށްލައިފައެވެ
އައްޓަށްއެރުން
މ ހަނގުބޭކަލުން ދަމުއަށްޓަށް ދުރުވެ ދަން ބަލައިގަންނަ މީހަކަށް ނުވަތަ ދަމުރޭގެ މީހަކަށް ތިމާ ދިޔަކަން އެންގެވުން
އަވަށުތަންޑުވަ
ނ އަވަށުތެރޭން ކޮންމެ ވަރަކުން ހަތަރުމީހުން މަގުން ތިބޭ ބަޔެއް. މިމީހުންގެ މަސައްކަތަކީ އެވަރަކަށް މަސައްކަތު ގޮވާން ވެއްޖެނަމަ ބުރުޒު ބަނޑޭރީން އެންގީމާ އެވަރެއްގެ ބޭކަލުންނަށް މަސައްކަތު ގޮވުމެވެ މިއިން މީހަކަށް އޮންނާނީ ފޭލި ދެއްވާ ދުވަހު އިތުރަށް ބަޔެކެވެ
އަވަގެރިހެދުން
މ މަޖާޒު: ޝަހުވާނީ އެދުމުގައި މީހަކާ އަޅައިގަނެގެން އެމީހަކަށް އުނދަގޫވާވަރަށް އުޅުން
ވޮށިމަސް
ނ (1) ފަރުކައިރީގައި އުޅޭމަހެއް މިމަސް ހުންނަނީ ލައްޓިއާ ދާދި އެއްސިފައަކަށް ކުރެހުންނެތި އެއްކުލައަކަށެވެ
ވޮށިމަސް މިޔަރު މަސްބުރިއަށް ބަލަހައްޓައިގެން އޮންނަހެން އިނުން
މިސާލު: އެއްޗަކަށް މާބޮޑަށް ބޭނުންވެގެން ދަހިވެތިކަމާއެކު އެއަށް ބަލަހައްޓައިގެން އިނުން
ވޮށިމަސްކަންނެލި
ނ (1) ވޮށިމަހާ ވައްތަރުގޮތަކަށް ހުންނަ ކަންނެލި (2) )ސ ( ވޮށިމަސް
ވޮށިމަސްމިޔަރު
ނ ވޮށިމަހާ ގާތްކުރާ ސިފަޔަކަށް ހުންނަ ނުލަފާ މިޔަރެއް މީގެ އަނގައިގައި ދަތް ހުންނާނީ ދެބަރިއަށެވެ
ވޮށް
ނ ރަންވަށްލޮއިން ހަދައިފައި ހުންނަ ބާވަތެއްގެ އެލުވާ ބައްތިއެއް. ޢާންމުގޮތެއްގައި މިހުންނާނީ ދެތަބައްލައި މަތީ ތަބަކަށް ކަފައިން އަނބުރައިފައި ހުންނަ ފުއްލައި ކާށިތެޔޮ އަޅައިގެން ދިއްލޭނެ ގޮތަށެވެ ކިތަންމެފުކެއް ދިއްލޭނެހެންވެސް ވޮށް ހަދައިފައި ހުރެއެވެ
)ބޯރާ( ވޯރާ
ނ ޝީޢީންގެ ވަކިޖަމާޢަތަކަށް ކިޔާނަމެއް މިއީ ދާއޫދީ ޖަމާޢަތަށް ދިވެހިން ކިޔާގޮތެވެ