radheef.info
ރަދީފު


ރޭ
ނ (1) އެންމެ ފަހުން ވޭތުވެދިޔަ ރޭގަނޑު (2) ރޭގަނޑު
ހޯދި
ނ (1) ރިޔާނަގާތަކެތި ފައްސިޔަށް ދާއިރު މޯރާއައްސާން ބޭރަށްނެރޭ ދަނޑި (2) "ހޯދުން" މިމަސްދަރުގެ ނިމި ނިމުނުކަން
ހޯސާމުގުރާން
ނ މުގުރާމުގެ ބާވަތެއް މިއުޅެނީ ހުދެންކިޔާ އެމުގެ ތެރޭގައެވެ
ހޯސްޕަވަރު
ނ (1) ފައްސަތޭކަ ފަންސާސްރާތަލުގެ ބަރުދަން އެއްސިކުންތުގެ ތެރޭގައި އެއްފޫޓަށް އުފުލުމަށް ބޭނުންވާ ބާރު (2) އަހުގެ ބާރު
ނަކަތް
ނ (1) މޫސުމުގެ ގޮތުން އަހަރު ބެހިފައިވާ އަށާވީސް ބައިންކުރެ ކޮންމެ ބަޔަކަށް ކިޔާނަން (2) ނަކަތް ނަކަތަށް ރޭވިފައި ހުންނަ ތަރިތައް
ނައިބު
ނ (1) ވެރިއެއްގެ ބަދަލުގައި ކަންހިންގާން ހުންނަމީހާ (2) ރާއްޖެތެރޭގެ ރަށްރަށުގައި ޝަރީޢަތް ކުރަން ހުންނަމީހާ (3) ފުށުން ހަދާފައި ހުންނަ ފޮނިހެދިކާއެއް މިބޮޑަށް ވައްތަރުވާނީ ފޮނިރޮށްޓާއެވެ
ނައިބޮލި
ނ ބޮލީގެ ތެރޭގައި ހިމެނޭ ބާވަތެއް މިއީ މާކަނާ ތަޅުދަނޑިއެއްގެ ފާޑަށް އެއްކޮޅު އެތެރެއަށްލައި އޮޅިފައި ފަޅިބުރެއްގެ ސިފަޔަށް އޮންނަ ބޮއްޔެކެވެ ބޮލީގެ ބޭރު ހުދުކޮށް ހުންނައިރު އޭގެދެބައިކުޅަ އެއްބައިހާތަނުން ފެށިގެން ފަހަތަށް ހުންނަބައިގައި ހުރަސް ގަޅިތަކެއްހެން ހުދާއި ދޮންމުށި ކުލައިން ނުވަތަ ގަދަމުށި ކުލައިން ހަނދުފަޅި ބުރަށް ކަހަލަ ގޮތަކަށް ފަލަ ފަށްތަކެއްހެން ރޮނގު ހުރެއެވެ އޭގެ ތޮށިގަނޑުން ސަމުސާ ހަދައި އުޅެއެވެ
ނައިބޮލިކަރު
ނ ނައިބޮލިތެރޭގައި ހުރަހަށް ހުންނަ ބައިތައް މިއިން ވައްތަރު ވައްތަރުގެ ފޮތި ހަދައިގެން ފަންޑިތައަށް ކުދިންގެ ކަރުގައި އަޅައި އުޅެއެވެ
ނައްކާރަ
ނ ރޯދަމަހު ރޭގަނޑު މެންދަމުން އަލިވެ ދޭއްޖަހާއިރު ޖަހާބެރު މިބެރު ޖަހަނީ ހާރުވަގުތު ވަދެއްޖެކަމުގެ އިޢުލާނަކަށެވެ
ނައްކާރަލަވަބައި
ނ ނެއްޓީގެ ލަވަބައިތަކުގެ ތެރޭގައި ޖަހާ ލަވަބައެއް މިލަބައި ޖަހަނީ ބެރުގައި ބެރުދަނޑިއާއި އެއްތެއު ގަނޑަކުންނެވެ
ނަވިޔަނި
ނ މަތީތަލީގެ ގާތްގަނޑަކަށް މެދަކާ ހިސާބުގައި ދޫޖައްސައިފައި ނެރޭއަޑެއް މިކިޔޭނީ ނޫނުގެ އަޑުން އެއަށްވުރެ ބަރުކޮށެވެ މިއީ ތާނަލިޔުމުގައި އާއްމުކޮށް ބޭނުން ކުރާއަކުރެއް ނޫނެވެ
ނަފީ
ނެތްކަން ނުވަތަ ނޫންކަން ނުވަތަ ނުވާކަން އަންގައިދިނުމަށް ބޭނުންކުރާ އަކުރެއް މިސާލު: )ހ( އެފޮތަކުނެތް )ށ( މުޙައްމަދެއް ނޫން )ނ( އެބައިގެ ތެރޭގައި އޭނާއެއް ނުވެއެވެ
ނަދޮޅުވައްގަނޑު
ނ (1) )ޅ ( ކޮށިފިލާގެ ދިރުނބަލަށް ކުނބުގެކޮޅު ފަހުގައި އޮންނަ ވައްގަނޑު (2) )މ ( ދަންމަޅާކޮށިފިލަޔާ ދޭތެރޭ އަޅާ ވައްގަނޑު
ނަލަހަފޮޅު
ނ މަސްދޯނިފަހަރުގެ ފެން ފިލަޔަށްވީ ހިސާބުގައި މަތިކަނުގެ އެތެރޭން އަޅާ ތުނި ހަފޮޅު
ނަގޫރޯޅި
ނ ވިއްސާރަ ވިލާގަނޑުން ނަގުލެއްގެ ސިފައިގައި ފައިބައިފާ ހުންނަ ބާރުގަދަވައި އެކުލެވޭ އެނބުރޭ ރޯޅި
ނަގޫސޭސަރު
ނ ކަނޑުން އަރާކަމަށް ބުނެވޭ ޚިޔާލީފުރޭތައެއް. މިއީ ބޮޑު ނަގުލެއް އޮންނަ އަރައިގެން އަންނައިރު މަގުފުޅަފުގައި ނަގުލުންތަޅާ މުޅިހަށިގަނޑުގައި ރެދަންލފައި ހުންނަ ފުރޭތައެއްކަމަށް ބުނެވެއެވެ
ނާރެސް
ނ (1) އުޑީގެ އަޑިކިބައިގެ މެދުގައި މަތިކިބަ ހިފެހެއްޓުމަށްޓަކައި ޖަހައިފައި ހުންނަ ދަނޑިގަނޑު (2) ވަށައިގެން އެނބުރޭ އެއްޗެއް ހިފެހެއްޓި އޮތުމަށްޓަކައި މެދުގައި އޮންނަ ކޮންމެ އެއްޗެއް
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ނިއުމޯނިއާ
ނ ފުއްޕާމޭ ދުޅަވާ ބައްޔެއް މިބަލީގައި ފުއްޕާމޭގެ އެތެރޭގައި ޖަރާސީމުގެ ސަބަބުން ދޮސްހެދި ހަށިގަނޑަށް ބޭނުންވާ ވަރަށް އޮކްސިޖަން ނުލިބެއެވެ މޭގައި ރިހުމާ ކެއްސުންވެސް އެއީ މިބަލީގެ ޢަލާމާތެކެވެ
ނިއޯން
ނ ކުލައެއް ވަހެއް ނުހުންނަ ގޭހެއް މިއީ ވައިގެ ތެރޭގައި ވަރަށް ކުޑަމިންވަރަކުން ހިމެނޭ މާއްދާއެކެވެ ބައެއް ކަހަލަ އިލެކްޓްރިކް ދިއްލުންތަކުގައި ހޮޅިބުރިއަށް އަޅާ ގޭހުގައި މިބައި ހިމެނެއެވެ
ނިއްވުން
މ (1) އަލިފާން ހުޅާއި ދަރު އަލިފާނުން އަލިފާނުގެ އަސަރު ކެނޑުވުން (2) ރޭޑިޔޯ ޓީވީ އިންޖީނު ފަދަތަކެތި ހުއްޓައިލުން (3) ދިއްލައިފައި ހުންނަ ތަކެތި ދިއްލުމުގެ ބާރުކަނޑުވައިލުން (4) މަޖާޒު: ހިހޫފެނާ ހޫނުފެނާ އެއްކޮށްގެން ހޫނުކަން މަޑުކުރުން