radheef.info
ރަދީފު


ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
އަބުއެޅުން
މ (1) އަބުޖެހުން މަޖާޒު: (2) ހުރަސްއެޅުން (3) ދަތިކުރުން
އަބުޖެހުން
މ (1) އަބުވެއްދުން (2) މަޖާޒު: ކަމެއް ވިޔަނުދިނުމަށް ހުރަސްއެޅުން
އަބޫނާ
ނ ރަސްކަމަށް ކޮލިލާ ދުވަހު ގުރުދަކިއުމާއި އަދިވެސް މިބާވަތުގެ ބައެއް ކަންތައްކުރުމަށް ދަޢުލަތުން ޢައްޔަންކުރާމީހާ
އަމީރު
ނ (1) ކިލެގެ ބޭކަލުންނާއި ރަސްކަލުންގެ ފިރިހެން ބޭފުޅުންގެ ނަންފުޅުގެ ކުރިޔަށްލާ ލަޤަބެއް (2) އަމުރުކުރާމީހާ
އަމީރު ރަސްކަން
ނ (1) ވަލީޢަޙުދުކަން (2) ރަސްގެފާނުގެ ޤާއިމްމަޤާމްކަން (3) ރަސްކަމުގައި ހުންނެވި ބޭފުޅަކު އެރަސްކަން އެހެން ބޭފުޅަކާ ޙަވާލު ކުރައްވައިފައި ހުންނަވާ ދަރަޖަ
އަމުރުމަޢުރޫފު
ނ (1) ކީރިތި ﷲ ނަހީކުރެއްވި ކަންތަކުން މީސްތަކުން މަނާކޮށް އަމުރު ކުރެއްވިކަންތައް ކުރުމަށް މީސްތަކުންނަށް އަންގާ އެންގުން (2) ރަސްކަމުގެ އަމުރުތައް ހިންގަވާ ހިންގެވުން
އަދާލަތް
ނ (1) ޢަދުލުވެރިކަން (2) ހަމަހަމަކަން (3) ޢަދުލު އިންސާފު ހިންގާ ތަން (4) ރަސްރަސްކަލުންނާއި ވެރިން ޢަދުލުއިންސާފުން ކަންތައް ހަމަޖެއްސުމަށް ނުކުމެވަޑައިގެން އިންނަވާ މަޖިލިސް (5) އަމުރު މަޢުރޫފު ހިންގަވާތަން
އަދާލާތުގަނޑުވަރު
ނ (1) ވެރިކަން ހިންގަވާގެ (2) ވާހަކައިގައި ރަސްކަލުން އަމުރު މަޢުރޫފު ކުރައްވާ ދަރުބާރު
އަސްނެއްޓިހޭރިޔާ
ނ ދަނޑިބެރުގެ ލަވައެއް. އެއީ ރަސްކަމަށް ކޮލިލާ ދުވަހު ހަތްޖެހީމާ ޖަހާލަވައެވެ
އަޑަގޯސިކުރުން
މ (1) ކަނިބޭލުން (2) ރިޔަލުގެ ކަނިހުރަސްކުރުން (3) )ރ ( އަޑޯގޯސި
އަޒަލު
ނ މާތްރަސްކަލާނގެ ރަސްކަންފުޅު ފިއަވައި އެހެން އެއްވެސް އެއްޗެއް ނެތް ޒަމާން ކަމެއްގެ ފެށުން
އާދަ
ނ (1) ވަކިޤަވާޢިދަކަށް ހިނގަމުން އަންނަކަމެއް (2) ބައެއްކަންތައް ކުރާތަނަށް ބޭރުމީހުންވަނީމާ ދޭންޖެހޭ ދަރަނި (3) ރަސްމީ ބައެއްތަންތަނަށް ވަނުން ހުއްދަކުރުމަށްޓަކައިދޭ ފައިސާ (4) ކުރަމުން އަންނަކަމެއް
އިހި
ނ (1) ޑިނގާ ފާޑުގެ އެއަށްވުރެ ބޮޑު މޫދުގައި އުޅޭ ދިރޭ އެއްޗެއް މިގިނައިން އުޅެނީ ތޮށިމަތީގައެވެ (2) އޮޑިދޯނިފަހަރުގެ ބުޑުވަކުގެ މައްޗަށް ފުރަތަމަ އަޅާ ހުރަސް
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ
އިއްޒަތަށްވަޑައިގަތުން
މ (1) ރަދުން ނުވަތަ ހަތްކޮޅު ނަގާ ބޭފުޅަކު ހަތްކޮޅު ނެގުމާއެކު ބެރުދުންމާރި ތާޅަފިލީގައި ވަޑައިގަތުން މިގޮތުގައި ވަޑައިގަންނަވާއިރު ކުރީގައި އަމާން ދިދަ ހުންނާނެއެވެ (2) ރަދުން ނުވަތަ ހަތްކޮޅު ނަގާ ބޭފުޅަކު އެކިއެކި ކަންތަކަށް ރަސްމީގޮތުން ވަޑައިގަތުން
އިއްޒަތުގެ ހެދުންކޮޅު
ނ ރަދުންނާއި ހަތްކޮޅު ނަގާ ބޭފުޅުންގެ ރަސްމީ ހެދުންކޮޅު
އިއްޒަތް
)ޢިއްޒަތް( ނ (1) މާތްކަން (2) ޤަދަރުވެރިކަން (3) ޙަޤީޤީބާރުވެރިކަން (4) ރަސްމީދަރަޖަ
އިދުގެރިހިއްޕެވުން
މ ޙައްޖުމަހު 6 ވަނަ ދުވަހު ހަވަރު ނުކުންނަވައިގެން ހަވަރު އަޟުޙިއްޔާ ކަތިލެއްވުމަށް ރަދުން ދެއްވާގެރި ރަސްމީގޮތުގައި ހިއްޕެވުން
އިލްހާމު
ނ (1) ރަސޫލު ބޭކަލުންނާއި ނަބީބޭކަލުން )ޞަލަވާޠުﷲ ޢަލައެހިމް އަޖްމަޢީން( އަށް ވަޙީ އާ ޚިލާފު ގޮތަކަށް މާތްރަސްކަލާނގެ އަންގަވާ އެންގެވުން (2) އިންސާނުންގެ ހިތަށް ޤުދުރަތީގޮތުން އެނގޭ ތެދުއެނގުން (3) ކަމަކާމެދު ފިކުރުކުރީމާ އެނގޭ ރަނގަޅު އެގުން
އިސްކަންދަރު
ނ (1) 8501 ހ ވަނަ އަހަރު ރާއްޖޭގެ ތަޚުތަށް އިސްވެވަޑައިގެން އައްސުލްޠާން އިބްރާހީމް އިސްކަންދަރު ސިރީކުލަ ރަންބީމަ ކައްތިރިބަވަނަ މަހާރަދުންނާއި އޭގެ ފަހުގައި އިސްވެވަޑައިގެންނެވި ބައެއްރަސްކަލުންގެ ނަންފުޅުގެ ފަހަތަށް ގެންނަ ލަޤަބެއް (2) ލާރި