radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
ނައި
ނ (1) މޫދުގައި ހަރުކޮނެގެން އިންނަ އިހިފާޑުގެ ކުޑައެއްޗެއް މިކަށި ޖަހައިފިނަމަ ވަރަށް ދިލަ ނަގާނެއެވެ (2) )ޅ ( މަސްކާށި ދޫންޏެއް ކަހަލަ ފެހިކުލައިގެ ކުޑައެއްޗެއް
ނައިބު
ނ (1) ވެރިއެއްގެ ބަދަލުގައި ކަންހިންގާން ހުންނަމީހާ (2) ރާއްޖެތެރޭގެ ރަށްރަށުގައި ޝަރީޢަތް ކުރަން ހުންނަމީހާ (3) ފުށުން ހަދާފައި ހުންނަ ފޮނިހެދިކާއެއް މިބޮޑަށް ވައްތަރުވާނީ ފޮނިރޮށްޓާއެވެ
ނައިބުބޮލި
ނ ދިވެހިރާއްޖޭގައި ފައިސާގެ ގޮތުގައި ބޮލި ގެންގުޅުނު ޒަމާނުގައި ރަށްރަށުގައި ތިއްބެވި ނައިބުންނަށް ނަގާ އުޅުނު ބޮލީގެބައި )މިނަގަނީ ބައިހަރަކުން އަތްގެކެވެ
ނައިބުކަން
ނ (1) ރަށްރަށުގައި ޝަރީޢަތް ކުރުމުގެ އަމުރުވެރިކަން (2) ވެރިޔާގެ ބަދަލުގައި ނުވަތަ އޭނާގެދަށުން ކަންހިންގާން ހުންނަ މީހާގެ މަގާމު
ނައިބުފަތް
ނ (1) ނާއިބުކަން ރަށްރަށުގެ މީހުނާ ހަވާލުކުރާއިރު މަހުކަމަތުއް ޝަރުޢިއްޔާއިން ދޭފަތް މިފަތް އެރަށްރަށުގެ ރައްޔިތުންނަށް ކިޔައިދިނުމީ ލާޒިމް ކަމެކެވެ (2) އިހުގައި ކޮންމެ އަހަރެއްގެ ރަޖަބުމަހު 6 ވަނަ ދުވަހު ފަޑިޔާރު މަނިކުފާނުގެ ފަރާތްޕުޅުން ދީނީ އަމުރު މަޢްރޫފު ހިންގުމަށް އަންގަވާ އެންގެވުން ލިޔެފައިވާ ކަރުދާސް
ނައިބޮލި
ނ ބޮލީގެ ތެރޭގައި ހިމެނޭ ބާވަތެއް މިއީ މާކަނާ ތަޅުދަނޑިއެއްގެ ފާޑަށް އެއްކޮޅު އެތެރެއަށްލައި އޮޅިފައި ފަޅިބުރެއްގެ ސިފަޔަށް އޮންނަ ބޮއްޔެކެވެ ބޮލީގެ ބޭރު ހުދުކޮށް ހުންނައިރު އޭގެދެބައިކުޅަ އެއްބައިހާތަނުން ފެށިގެން ފަހަތަށް ހުންނަބައިގައި ހުރަސް ގަޅިތަކެއްހެން ހުދާއި ދޮންމުށި ކުލައިން ނުވަތަ ގަދަމުށި ކުލައިން ހަނދުފަޅި ބުރަށް ކަހަލަ ގޮތަކަށް ފަލަ ފަށްތަކެއްހެން ރޮނގު ހުރެއެވެ އޭގެ ތޮށިގަނޑުން ސަމުސާ ހަދައި އުޅެއެވެ
ނައުސަރައްކު
ނ (1) ނަވުސަރައްކު (2) ފުރާދުއްވާ ބޮޑެތި އެއްޗިއްސަށް ދަތުރަށް ހަދާންވެގެން ފުރަތަމަ އިރުވަރުންލާ މުދައު
ނައްޓައިލުން
މ (1) "ނެއްޓުން" މިބަހުގެ ލުއިގޮތް (2) މަތީގައި ހުރިއެއްޗެއް ނުވަތަ މީހެއް ވެއްޓޭގޮތަށް އެހުރިތަނަކުން ވަކިވުން (3) ތަނެއްގައި ތަތްވެފައިހުރި އެއްޗެއް ވަކިކޮށްލުން (4) އުޅަނދެއް ދަތުރަށް ފެށުން (5) މިސްރާބުން ކަސިޔާރުވުން
ނަވުސަރައްކު
ނ ފުރާދުއްވާ ބޮޑެތި އެއްޗިއްސަށް ދަތުރަށް ހަދާންވެގެން ފުރަތަމަ އިރުވަރުންލާ މުދައު
ނަމުރު
ނ ބުޅަލާވައްތަރު ސިންގާއަށްވުރެ ކުޑަ މިނިކާ ޖަނަވާރެއް އޭގެ ކެހެރިގަނޑުގައި ހުދުކުލައާއި ކަޅުކުލައިގެ ލައްތަކެއް ހުރެއެވެ މިއީ ވަރަށް ބާރަށް ދުވާ ޖަނަވާރެކެވެ މި ޖަނަވާރު ޢާންމުކޮށް އުޅެނީ އެފްރިކާއާއި އޭޝިއާގައެވެ
ނަދުރަށްސަލާންދިނުން
މ ނަދުރަށް ސަލާންޖެހުން
ނަލަމަރިޔަން
ނ )ޅ ( ފާނައިގެ ބާވަތެއް މިއީ މަހުގެ ހުރިހާ ބައެއްކަޅު އަނގަ ވަރަށް ރަތްކޮށް ހުންނަ މަހެކެވެ
ނަލަފަށް
ނ މަސްދޯނި ފަހަރުގެ ފަތޭރި މަޑުލުގެ މަތީ ކައިރީން ބޭރަށް ނެރެފައި ހުންނަ ފަށަލަ
ނަގަރު
ނ )ބދ ( ބޮޑުރަށް
ނަގޫކެނޑި
ނ (1) މަޑިޔާދާ މީހުން މަޑީގެ ނަގޫ ބުރިކޮށްލަން ގެންގުޅޭ ދިގުވަޅިއެއް މިއީ ވަރަށް ބަރު ވަޅިއެކެވެ (2) ނަގޫ ބުރިކޮށްފައި އޮތް ބުޅާ ކުއްތާފަދަ ތަކެތި (3) ނަގޫބަޅު
ނާށިމަރަވަޅި
ނ ކުދިން ކުޅިވަރަށް ހިނގާން ވާގަނޑެއްގެ ދެކޮޅުގައި ލައިގެން ގެންގުޅޭ ދެނާށި
ނާށިލުން
މ (1) އޮއްޓަރު ފަދަތަކެތީގެ ބޭރުގައި އޮންނަ ޅަތޮށި ހަރުވުން (2) ފާރުގަނޑުގެ ވަށައިކައިރި ބޭރުން އަސަރު ނުކުރާހައި ހަރުވުން (3) ފޭރާއި އަދިވެސް ބައެއް މޭވާ ގަހުގައި ހުންނައިރު ވާލާއި މީދަލުން ރައްކައުތެރި ކުރުމަށްޓަކައި މޭވާގެ ބޭރުން ދެނާށި ލައިމޭވާ ފޮރުވުން (4) މަޖާޒު: މީހަކު އެއްކަމެއްކުރާތާ ގިނަދުވަސް ވެގެން އެކަމަކަށް ހޭނުން (5) މިންވަރަށް ވުރެން ހަރުމީހަކަށް ހެދިގެން އުޅުން
ނާރުނެގުން
މ (1) ފަތްފަދަ ތަކެތީން ނާރުވަކިކުރުން (2) ހަމުގެ ބޭރަށް އުފުލުން (3) ނާރު ފުއްޕުން
ނާރެހި
ނ )ޏ ( ފުއްޓަރު ރަށްރަށުގައި އެއްގަމުން ފެށިގެން ކަނޑުތޮށީން ނުކުމެވޭންދެން އޮޅަށްވުރެ ހިމަކޮށް ހެދިފައި ހުންނަ ރޮނގު ރޮނގު
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ