radheef.info
ރަދީފު


ހިން
ނ (1) އުނަގަނޑު (2) "ހިންދިރުވުން" ބަލާ!
ފުރޮޅު
ނ އެއްޗެހި ދުއްވުމަށް ނުވަތަ ބައެއް އެއްޗެހި ހިންގުމަށް ބޭނުންކުރާ އެނބުރޭ ބުރު
ފުޅި
ނ އެއްޗެހި އެޅުމަށް ބިއްލޫރިން ނުވަތަ ޕްލާސްޓިކް ފަދަ އެއްޗެހިން ހަދައިފައި ހުންނަ އެއްޗެއް މިއެކި ވަރުވަރަށް ތަފާތުގޮތް ގޮތަށް ހުރެއެވެ
ފުއްދެވުން
މ ހިންމަވައިދެއްވުން
ފުޓުނިއެޅުން
ތަންތާގައި ހުންނަ ބާކޮޅުކޮޅާއި ހިންމިތައް ބެއްދުމަށް ފުޓުނީގެ ބޭނުން ކުރުން
ފެންހިންދާލުން
މ ފެންހިންދުން މިބަސް ލުއިކޮށް ބުނާގޮތް
ފެންއޮއްސުން
މ (1) ފެން އަޅައިފައި ހުރި އެއްޗަކުން އަނެކައްޗަކަށް ނުވަތަ ތަނަކަށް އެފެން އެޅުން (2) ފެން އަޅައިގެން އުވަ ފުރޭނީމާ އޭގައި ހުންނަ އުވަތައް ނުފައިބާނޭހެން މަޑުމަޑުން ފެންހުސްކުރުން (3) ތެޔޮހާނަން ކިރު އެތި ކައްކައިފައި ބެހެއްޓީމާ ތެލާ ވަކިން އަޑީގައި ހުންނަ ފެން ހުސްކުރުން (4) މަޑުކުރާ ތަކެތީގައި ހުންނަ ފެން ބޭރަށް އަޅައިލުން (5) ހަނޑޫ ދޮވެފައި ހުންނަ ފެން ބޭރަށް އަޅައިލުން (6) ހިތި ފިލުވުމަށް ފެނަށް އަޅައިފައި ހުންނަ އެއްޗެހިން ފެން ހުސްކުރުން
ފެންޑާ
ނ (1) ދިވެހިން ގެދޮރު އެޅުމުގައި މައިގޭގެ މައިދޮރޯއްޓާ ވީ ފަރާތަށް އިތުރު ކުރާބައި. (2) ދިވެހިން ގެދޮރު އެޅުމުގައި މައިގެއާއި ގުޅައިގެން ކޮންމެ ފަރާތަކަށް ވިޔަސް އިތުރު ކުރާބައި. މިބައި ހުންނާނީ މައިގެޔަށްވުރެ ތިރިކޮށް ބަންދު ނުކުރެވޭ ގޮތަށެވެ
ފޮނުއެރުވުން
މ (1) ބިންމަތި ފަސޭހަވާ ބަލީގައި އަނގައިން ފޮނުތައް ނުކުތުން (2) ދޮންނަ ކުނޑި ނުވަތަ ސައިބޯނި ފަދަ އެއްޗެހިން ފޮނު ހެއްދުން )ވައިގެ ބޮކިތައް ހެއްދުން(
ފޮއިއެޅުން
މ ބިނދޭ ތަންތާގައި ފުރަތަމަ އަޅާ ބޭސް ގަނޑު ނެގުމަށްފަހު އައިބު ހުރިނަމަ ޅަކުރުމުގެ ބޭސް އަޅައި ކަށިގަނޑު ހަމަޖެއްސުމަށް ފޮއި ހިންގުން
ފޮދުޖެހުން
މ އޮލައެއްޗެހިން އެތިއެތިފޮދު ވެއްޓުން
ފޯކަސްކުރުން
މ (1) ދުރުމީއެއް ނުވަތަ ކެމެރާއެއްގެ ލެންސުން އެއްޗެއް ސާފުކޮށް ފެންނާނެގޮތް ހެދުން (2) މަޖާޒު: ކަމެއްގެ މައްޗަށް ބޮޑަށް ނަޒަރު ހުއްޓައިލުން ނުވަތަ ނަޒަރު ހިންގައިލުން
ދަނޑުފަނގު
ނ ގަސްގަހާގެހި ހައްދާ ދަނޑާއި އާމްދަނީ ލިބޭ ހިންނަފަދަ ތަންތަން
ދަބަރުފުއްޕުން
މ ދަގަނޑު އެއްޗެހިން ދަބަރަށްވެގެންދާ ބައި އުފުލުން
ދަޅު
ނ (1) ޖަނަވާރުގެ ބޮލުން ފަޅައިފައިހުންނަ އެއްޗެއް މިއީ އަމިއްލަ ދިފާޢަށް ބޭނުންކުރާ ހަތިޔާރެކެވެ މިއެކިއެކި ސިފަސިފައިގައިހުރެއެވެ އެންމެ ޢާންމު ވައްތަރަކީ ކޮޅަށް ތޫނުކޮށް އުލެއްހެން ހުންނަދަޅެވެ މިޢާއްމުގޮތެއްގައި ފަޅަނީ ބޮލުގެ ދެފަރާތުންނެވެ (2) އެއްޗެހި އެޅުމަށް މަޢުދަނީ އެއްޗެހިން ނުވަތަ ޕްލާސްޓިކުން ހަދައިފައި ހުންނަ ކުދި ކަންވާރު މި އެކި ސިފަސިފައިގައިހުރެއެވެ (3) ބދ މޮޅު (4) މާބޮޑަށްވާހަރު
ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ދައިމަތިއެޅުން
މ ބައެއްފާޑުގެ ތަކެތި ދަވައި ބަހައްޓައިފައި ހިސާބަކަށް ހިމުންކޮށް ލުމަށްޓަކައި ފޮއިހިންގައިލުން
ދައުލަތް
ނ (1) ގައުމެއްގައި އެގައުމެއްގެ ދުސްތޫރާ އެއްގޮތްވާގޮތުގެމަތީން ވެރިކަމުގެ ބާރުހިންގާފަރާތް ތަކާއި އެޤައުމެއްގެ އެންމެހައިރައްޔިތުންނާއި އެޤައުމެއްގެ ސިޔާސީ ސަރަހައްދާއި މިހުރިހައި ފަރާތަކަށް ޖުމްލަކޮށް ކިޔާނަން (2) ސަރުކާރު
ދަމާލުން
މ (1) ހިފައިވާންކޮށްލުން (2) ވަސްއެތެރެއަށް ގެންދިއުން މިސާލު: ނެވާ އެތެރެއަށް ދަމައިލުން (3) ދިޔާ އެއްޗެއް ކުއްލިއަކަށް ބޮއިލުން (4) އެއްޗެއްގައި ތުންޖަހައި އެތެރެއަށް ދާނެގޮތްހެދުން މިސާލު: ދުންގަނޑު ދަމައިލުން (5) ހަށިގަނޑުގެ ގުނަވަނެއް އޭގެ ހަމަމިނަށް ތެދުކޮށްލުން މިސާލު: ހިންދަމައިލުން (6) ގާތަށް ލަފައިލުން (7) ދެމުން މިބަސްލުއިކޮށް ބުނާގޮތް
ދިވެހިރުއް
ނ (1) އެއްތަނޑިއަށްހެދޭ ފެންފޯއް ރުކަށްވުރެ ފަލަ ކުރީގައި ފަނާއި އިހާ އަންނަ ގަހެއް މިގަހުގެ އިހަލުގައި ގަންނަ ވައް އެކިވަރަށް ހަރުވުމުން އެއަށް ދިވެހިން އެކިނަންނަން ކިޔައެވެ އޭގެ ތެރޭގައި )ހ( ގޮބޮޅި )ށ( މިރި )ނ( ކިހައް )ރ( ކުރުނބާ )ބ( ގަބުޅި )ޅ( ކާށި )ކ( ކުރޮޅި ހިމެނެއެވެ މިގަހުގެ ހުރިހާ ބައެއްވެސް ދިވެހިންގެ ދިރިއުޅުމަށް ބޭނުންކުރެއެވެ (2) ދިވެހިންގެ ޤައުމީ ގަސް
ދިވެހިބޭސް
ނ ޙަކީމީ ބޭހަށް ދިވެހިން ކިޔާގޮތް