radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ކަތީބުފޮށާ
ނ (1) ޚުތުބާކިޔާންވީމާ މަކަނަޔަށް އަޅައިއުޅުނު ފޮށާ (2) ރިދާ
ކަތުރާން
ނ ވަކިބާވަތެއްގެ ގަސްގަހުންނަގާ ކަޅުކުލައިގެ އޮލަތެލެއް. ކަތުރާންހަދަނީ މިތެޔޮ މަޑުގިނީގައި ކައްކައިގެންނެވެ. މިއި މީރުވަހެއްދުވާ ކަޅުކުލަ ގަދަ ހަރު އެއްޗެކެވެ ދިވެހީން ޢާއްމުކޮށް މިބޭނުންކުރަނީ ރޯގާ މޮޅުއިރު ދުންއަޅާށާއި ދެލަކުޑިގަނޑު ތަތްކުރާށެވެ
ކަތުރު
ނ ދެފައިކަށިލީ ތޫނު ހަތިޔާރެއް މިއީ ބައެއްތަކެތި ކޮށާށާއި ކަފަން ގެންގުޅޭ އެއްޗެކެވެ މީގެ ތަފާތު ބާވައްތައް ހުރެއެވެ
ކަތުރުމަސް
ނ ކަނޑުގައިއުޅޭ ބިޔަމަހެއް މިމަހުގެ ތުންގަޑުދިގުވެފައި ފަތިވާނެއެވެ ތުންގަޑުވައްތަރުވާނީ ހިބަރުގެ ތުނބާއެވެ މިމަހުގެ ތުންގަޑުގައިޖެހުނު ކޮންމެއެއްޗެއް ބުރިކޮށްލާނެއެވެ
ކަތުރުފަނި
ނ (1) ތުންރަތްކޮށް ހުންނަ ހުދުކުލައިގެ ފަންޏެއް މިއީލަކުޑިއާއި ކަރުދާސް ފަދަތަކެތީގައި އަޅާފަންޏެކެވެ އަދި ފިޔަލައިގެން އުދުހޭ އެއްޗެކެވެ (2) މަޖާޒު: ދެމީހެއްގެ ދެމެދުގައި ފިތުނަ އުފައްދާ މީހާ
ކަލަ
ނ (1) ޒަމާން. މިސާލު: މިކަލަކަށް އައިސް. (2) ތިމާ އަނެކަކަށް ކޮށްދީފައި ހުންނަ ހެޔޮކަންތަކުގެ ވާހަކަ ހިތާނުވެގެން އެމީހާއަށް އިއްވާން ދައްކާ ދެއްކުން (3) )ސ ( ފަހަރު
ކަލަކުޓަރު
ނ އިހުގައި ކަސްޓަމުގެ ވެރިޔާއަށް ކިޔައިއުޅުނު ނަމެއް
ކަލައިކުރުން
މ ދަގަނޑުން ހަދައިފައިހުންނަ އެއްޗެހީގައި ދަބަރުޖެހިޔަ ނުދިނުމަށް ތުތިޔާއަށް ލުން މިކަންކުރަނީ އެ އެއްޗެއް އަލިފާން އާވީގެ ތެރެއަށް ލައިގެން ސާފުކުރުމަށްފަހު މޫސަދަރު ހާކައި އެއަށްފަހު ކުޑަކޮށް ހޫނުކޮށްފައި ވިރުވައިފައިހުރި ތުތިޔާގެ ތެރެއަށް ލައިގެންނެވެ ތުތިޔައިން ނަގައި މޫސަދަރުކޮޅެއް އެއެއްޗެއްގެ މައްޗަށް އެޅުމުން ތުތިޔާ ހުންނާނީ އެއެއްޗެއްގައި ހަރުލައިފައެވެ
ކަލަމީކުނބު
ނ ބޯޓުރިޔާ ނަގާ އެއްޗެހީގެ ކޮޅުފަސްކޮޅު ކުނބު
ކަލަގޮވުން
މ ތިމާ އަނެކަކަށް ކޮށްދީފައި ހުންނަ ހެޔޮކަންތަކުގެ ވާހަކަ ހިތާނުވެގެން އެމީހާއާ ދިމާއަށް ދެއްކުން
ކަލާސީ
ނ (1) ފުރާދުއްވާ އެއްޗެހީގެ ފަޅުވެރިން. (2) ބޮޑު ހަނޑުލާއި ބަނޑު ހަނޑޫ ގޭގެޔަށް ގެންގޮސް ދިނުމާއި އަދި މިނޫންވެސް ކިތައްމެކަމެއް ކުރާން ތިބޭ ރަސްމީ ބަޔެއް މިއީ ރަނަހަމައިދި ބޭކަލެއްގެ ދަށުގައިވާ އަށްގުރާބުގެ ފަޅުވެރިނެވެ
ކަލިމަކެނޑުން
މ (1) އެއްކަލިމައެއްގެ ދެއަކުރު ދެފޮޅުވަތުގައި ލިޔުން (2) ކިޔުމުގައި އެއްކަލިމައެއް ބައިކޮށްލައިގެން ކިޔުން
ކަލިޔާ
ނ (1) ގިތެޔޮ އަޅައިގެން ކައްކާބަތެއް މި ފޮނިކޮށް ވެސް ލޮނުކޮށް ވެސް ކައްކައެވެ ޢާންމުގޮތެއްގައި މިއީ ރަށްމާލޫދުގައި ހުންނަ އެއްޗެކެވެ (2) ބަށްޓާއި ކޭލުގައި އެއްގަމު ޖަނަވާރުގެ މޭބިސްކުރަނޑި އަޅައިގެން ކައްކާ ހިކިރިހައެއް
ކަލިޔާބިރިންޖީ
ނ ބާވަތެއްގެ ބަތެއް. މިއީ ފިޔާ ފެނާއި ފޮނިތޮށި ކާފޫރުތޮޅި ފެނާއި ލޮނުލައިގެން ގިތެލާއި ކާށިތެލާއި މީރުކޮށްފައި އޭގެތެރެއަށް ހަނޑޫއަޅައި ރަނގަޅަށް ފެން ހިނދި ހަނޑޫގަނޑު ހަނާވީމާ ކާށިކިރާއި ދިރިޔާ އިނގުރާ އަދި ކުރިން ފެނުއެޅި ތަކެތީގެ ބާކީ ހުރި ފެނާއިއެކު އެތަކެތި އަޅައިގެން ކައްކާ ބަތެކެވެ
ކަލިޔާކެރުން
މ )ޏ.( ކައްޓަލަ މަޑުކޮށް ރަނގަޅަށް ފިސްކޮށް ގޮށްފިލުވައިފައި ހަކުރު އަޅައިގެން ހިލައި ވަރުކުރުން. މިހުންނާނީ ކުދިކޮށް ފޯލި ފޯއްޔަށް ހަދައި ހިކި ކެޔޮފަތުގައި ބަންދުކޮށްފައެވެ
ކަލިޔާކެޑުން
މ )ސ.( ކައްޓަލަމަޑުކޮށް ރަނގަޅަށްފިސްކޮށް ގޮށްފިލުވައިފައި ހަކުރުއަޅައިގެން ހިލައިވަރުކުރުން މިހުންނާނީ ކުދިކޮށް ފޯލި ފޯއްޔަށްހަދައި ހިކިކެޔޮފަތުގައި ބަންދުކޮށްފައެވެ
ކަލޭމެން
ނ (1) ތިޔަބައި މީހުން (2) "ކަލޭ"މިބަހުގެ ގިނަގޮތް
ކަލޭގެ
ނ (1) ނަމުން ނުބުނެ ފިރިހެނަކާ ދިމާއަށް ބުނާގޮތެއް މިގޮތަށް ކިޔައިއުޅެނީ އާދައިގެ ފިރިހެނުންނާ ދިމާއަށެވެ (2) އުޅަނދުމަތީގެ ދަރަޖައެއް ލިބިފައިވާ މީހާ
ކަލޭގެފާނު
ނ (1) އިހުގައި މަޖިލީހަށް އެރީމާ ލިބޭ ލަޤަބު ލިބިފައިވާ މީހާ. (2) މާތްކުރުމުގެ ގޮތުން ނަބިއްޔުންނަށާއި ވަލިއްޔުންނަށާއި ޢާލިމުންނަށާއި އެދުރުންނަށް ކިޔާގޮތް
ކަލޯ
ނ (1) ފިރިހެނެއްކަން ދަލީލުކުރާނަމެއް (2) ތިމާޔަށްވުރެ ހަގު ގާތްތިމާގެ ފިރިހެނުންނަށް ލޯބިން ކިޔާނަމެއް (3) ދެރަކޮށް ނިކަމަތިކޮށްލުމަށް ފިރިހެނުންނާ ދިމާއަށް ބުނާގޮތް (4) މުސްކުޅިބަހުގައި މާތް ފިރިހެނުންނަށް ކިޔާގޮތެއް (5) ބައެއް ކަހަލަ ޖަނަވާރާއި ދޫނިސޫފާސޫފީގެ ނަމުގެ ފަހަތަށް ގެންނަބަހެއް މިސާލު: )ހ( ބުޅާކަލޯ )ށ( މާކަނާކަލޯ