radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ލައުޙު
ނ (1) އާލަމްތަކުގައި ހިނގާނެ ހުރިހާ ކަމަކާ ހުރިހާ އެއްޗެއް ފެށުނީއްސުރެ ނިޔަލަށް މާތް ﷲ މިންވަރު ކުރައްވައި ލިއުއްވައިފައިވާ ފިލާ (2) ލައުޙުލް މަޙްފޫޡު
ލައްވައިލުން
މ (1) އެއްޗެއް އެއްލައި ޖަހަން ޤަސްދުކުރި ތަނުގައި ޖެހުން (2) މަޖާޒު: މީހަކަށް ބޮނޑިއެއް ދިނުމަށް ރޭވި ރޭވުމެއްގައި އެމީހަކު ބެދުން (3) ކަމެއްގެ ވަގުތު ފާއިތު ނުވަނީސް އެކަމެއްގައި ބައިވެރިވެވޭގޮތް ވުން (4) ކަމެއްގައި ހިމެނޭގޮތް ނުވަތަ ބައިވެރި ވެވޭގޮތްވުން (5) ދިމާވުން
ލައްފިލޮޅު
ނ )މ ( ފަޅުމަތީގައި ހެދިފައި ހުންނަ ހުއިގަނޑު ތެރޭގައި އުޅޭ މެދަށްވުރެ ނަގުލާ ކައިރީ ދެފަރާތުގައި ކަޅު ލައްގަނޑެއް ހުންނަ ފިލޮޅެއް މިމަސް ބޮޑުވީމާ ނުކުންނަނީ ބޭރު ކަނޑަށެވެ މިމަސް ބޮޑުވީމާ ތުންރަތްވެއެވެ ލައްފިލޮޅު އާދައިގެ ފިލޮޅަށްވުރެ ބޯކޮޅަށް ދިގުވާނެއެވެ
ގބ "ލައްގާނީ ލައްގާހުރައަކަށެވެ." )މުސްކުޅިބަހެއް( ރަނގަޅު މަގާމާއި ރަނގަޅު ކަންތައް ލިބޭނީ އަބަދުވެސް އެކަންކަން ލިބޭ މީހުންނަށޭ ނުލިބޭ މީހަކަށް ނުލިބޭނެއޭ ބުނުމަށް ބޭނުންކޮށް އުޅޭ ބަހެއް ލައްގާނީ ލައްގާ
ލައްޑޫ
ނ ފޮނިކާއެއްޗެއް މިހުންނަނީ ވަށްކޮށް ގުޅަވަށައިފައެވެ
ލަވަފޮށި
ނ އިހުގައި ލަވަހޮޅި ބޭނުންކޮށްގެން ލަވަޖެހޭގޮތަށް ހަދައިފައި ހުރި ފޮއްޓެއް މިފޮށިން ލަވަޖެހޭނީ ޗާބީ ދީގެންނެވެ
ލަތާ
ނ )ސ ( ފަޅުގައި އުޅޭ ދޮންކުލައިގެ މަހެއް މިމަސް އެންމެ ބޮޑު ވާނީ ހައެއްކަ އިންޗި ވަރަށެވެ މަހުގެ ދިގަށް ކަޅުރޮނގުތަކެއް ހުރެފައި ނިގޫފަތުގެ ދެފަރާތުގައި ކަޅުދެލަކެއް ހުންނާނެއެވެ
ލަގަނާ
ނ އިރުވާހުދާ ވައްތަރު އެއަށްވުރެ ބޮޑު ކަރުދިގު ހުދު ކުލައިގެ ދޫންޏެއް މިދޫނީގެ ފަޔާއި ތުންގަނޑު ހުންނާނީ ކަޅު ކުލައިގައެވެ
ލަގަން
ނ (1) އަހާއި ޖަމަލުފަދަ އެއްޗެހި ދުއްވާއިރު ފަރާތް ފަރާތަށް އެނބުރުމަށާއި މަޑުކުރުމަށްޓަކައި އެ އެއްޗެހީގެ ބޮލުގެ ދެފަރާތުގައި އަޅައިފައި އޮންނަ ދެފަށް މިދެފަށް އޮންނާނީ ދުއްވާ މީހާގެ އަތުގައެވެ މަޖާޒު: (2) ބާރު (3) އިޚްތިޔާރު (4) ހިފެހެއްޓުން
ލަގޮނޑިމިރުސް
ނ ލަގޮނޑީގެ ސިފައިގައި ހުންނަ މިރުހެއް މި މިރުސް ދޮންވީމާ ޢާންމުކޮށް ހުންނާނީ ރިނދޫ ކުލައިގައެވެ
ލަސްކެޅެ
ނ )ޏ ( ބޭހަށް ބޭނުންކުރާ ފިލާވެއްޔެއް މިއީ ވެލަށް ދުވާ އެއްޗެކެވެ ފަތް ހުންނާނީ ހިމަދިގުކޮށެވެ
ލާނދާ
ނ ފަޅުތެރެއިން މަސްހިފުމަށްޓަކައި ގޮޅިކުދިކޮށް ބަނދެފައި ހުންނަދާ މީގައި ހުންނަނީ ބަރިލާފައެވެ މިއީ އުކައިގެން މަސްހިފާ އެއްޗެކެވެ
ލާނެގުދާ
ނ އޮޑިދޯނިފަހަރުގައި އުޅޭ ވަކަރު ކާއެއްޗެއް މި ވައްތަރުވާނީ ކުޑަ ކުރަތްޕަކާއެވެ މީގައި ހަފައިހުރެއެވެ
ލާރިހޯދުން
މ މަޖާޒު: (1) ފައިސާ ހޯދުން (2) އާމްދަނީ ހޯދުން
ލާބަފާ
ނ ފަޅުފަޅުން ހިފާ އެމުގެ ބާވަތެއް މި އެންމެ ވައްތަރުވާނީ މުގުރާމާއެވެ މީގެ އަރިމަތީގައި ރީނދޫކުލައިގެ ރޮނގެއް ބޮލުގައި ދޮން ކުލައިގެ ރޮނގެއް ހުރެއެވެ މިއެމުގެ ބޮޑުމިނަކީ ގާތްގަނޑަކަށް ދެ އިންޗިއެވެ
ލާމަ
މުދަލުގެ އަގު ބޮޑުވުމުން މުދަލުގެ އަގު ރަނގަޅު ކުރުމަށްޓަކައި ހިންގުމަށް ނެރެގެން އުޅޭ ފައިސާގެ އަދަދު މަދުކުރުން މިހެން ހަދަނީ ފައިސާގެ އަގު ހިފެހެއްޓުމަށްޓަކައެވެ
ލާމި
ނ ލާމިގަހުގެ ކިރު މިހުންނަނީ ކުމުންޒާންޏާ ވައްތަރު ގޮތަކަށެވެ މިއީ ދިވެހި ބޭހުގެ ބާވަތެކެވެ
ލާގައްފަލި
ނ )ޏ ސ ( ދިހަފަލި ހުންނަ ދޯނި ފަހަރުގެ ކޮޅުފައްޔާ ޖެހިގެން ކޮޅުފަހަށް ހުންނަ ފަލި ދިހަފަލި ހުންނަ ދޯނިފަހަރުގެ ފަލިތަކަށް ޏސ ގައި ކިޔައި އުޅެނީ: )ހ( ކެޑެފެލި )ށ( ލާގައްފަލި )ނ( ސާރިމަތި )ރ( ކާނހައް )ބ( ބަނޑޮފަލި މިނަންނަމެވެ )ފަލިތަކުގެ ނަން ތަރުތީބު ކުރެވިފައިވަނީ ދިރުނބަލުން ފެށިގެން ކޮޅު ފަހަށެވެ
ލާގެ
ނ (1) މައުލޫދު ހަރުގޭގައި ބޮޑެތި މީހުން ތިބުމަށް ހަމަޖެހިފައިވާ ދިމާގައި ދަމައިފައި ހުންނަ ކުޑަ ސަނދުވާ. (2) ބައެއް މިސްކިތުގެ މެދުތެރެއިން މަތިވަޑާން ގަނޑުގެ ދަށުގައި ލަކުޑީގެ އެތިކޮޅުތަކަކުން ވަށްކޮށް ނުވަތަ އަށް އަރިއަށް ނުވަތަ ހަތަރު އަރިއަށް ހަދައިފައި ހުންނަ ތަނެއް މިތަން ހުންނާނީ ވަރަށް ރީތިކޮށް ލިޔެލާޖަހައިފައެވެ
ލިބޭތަކެތި
ނ (1) އާމްދަނީ (2) ލިބޭ އެއްޗެހި