radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ކަތުރުފަނި
ނ (1) ތުންރަތްކޮށް ހުންނަ ހުދުކުލައިގެ ފަންޏެއް މިއީލަކުޑިއާއި ކަރުދާސް ފަދަތަކެތީގައި އަޅާފަންޏެކެވެ އަދި ފިޔަލައިގެން އުދުހޭ އެއްޗެކެވެ (2) މަޖާޒު: ދެމީހެއްގެ ދެމެދުގައި ފިތުނަ އުފައްދާ މީހާ
ކަލަ
ނ (1) ޒަމާން. މިސާލު: މިކަލަކަށް އައިސް. (2) ތިމާ އަނެކަކަށް ކޮށްދީފައި ހުންނަ ހެޔޮކަންތަކުގެ ވާހަކަ ހިތާނުވެގެން އެމީހާއަށް އިއްވާން ދައްކާ ދެއްކުން (3) )ސ ( ފަހަރު
ކަލަންޑަރު
ނ (1) އަހަރާއި މަހުގެ ދުވަސް ބަލާން ހަދައިފައި ހުންނަ އެއްޗެއް (2) ތަނަކުން ހިންގާ ހަރަކާތްތައް މަސްމަހަށް ބަހައިފައިވާ ގޮތުގެ ތާވަލު މިސާލު: )ހ( ކުޅިވަރު ކަލަންޑަރު )ށ( އަދަބީ ކަލަންޑަރު
ކަލަރު
ނ (1) އަންހެނުންގެ ބޮނބިފަޅިމައްޗާއި ކަރުވަޅު ނިވައި ކުރާންލައި ގިރުވާނު އަޅައިފައި ހުންނަ ކޮނޑުކެނޑިއެއް މިކޮނޑުކެނޑި އަންހެނުން ލައި އުޅެނީ ބޯވަޅުއެޅި ލިބާހާ އެކުގައެވެ (2) އަންހެނުންގެ ބޯވަޅު އެޅިލިބާހުގައި އަޅަން ވަކިން ހަދައިފައި ހުންނަ ގިރުވާނު
ކަލަރުބިބީ
ނ ބިބީމަހުގެ ބާވަތެއް މިމަހުގެކުލައަކީ މަޑުމުށިކުލައެވެ މަހުގެ ތުންކޮޅުގައި ހުދުކުލައިގެ ކުދިކުދި ރޮނގުތަކެއް ހުރެއެވެ ނިގޫފަތް ހުންނަނީ ފަނޑު ރަތްކުލައެއްގައެވެ ބޮލުގެ ނިމޭ ހިސާބުން ކަރުތާފަތްގަނޑު މަތީން މަހުގެ ހުރަހަށް ފުޅާ ހުދު ރޮނގެއް ހުރެއެވެ މިމަހަށް ކަލަރުބިބީ ކިއުނީ މިހުދު ރޮނގަށް ނިސްބަތްކޮށެވެ
ކަލައިކުރުން
މ ދަގަނޑުން ހަދައިފައިހުންނަ އެއްޗެހީގައި ދަބަރުޖެހިޔަ ނުދިނުމަށް ތުތިޔާއަށް ލުން މިކަންކުރަނީ އެ އެއްޗެއް އަލިފާން އާވީގެ ތެރެއަށް ލައިގެން ސާފުކުރުމަށްފަހު މޫސަދަރު ހާކައި އެއަށްފަހު ކުޑަކޮށް ހޫނުކޮށްފައި ވިރުވައިފައިހުރި ތުތިޔާގެ ތެރެއަށް ލައިގެންނެވެ ތުތިޔައިން ނަގައި މޫސަދަރުކޮޅެއް އެއެއްޗެއްގެ މައްޗަށް އެޅުމުން ތުތިޔާ ހުންނާނީ އެއެއްޗެއްގައި ހަރުލައިފައެވެ
ކަލަގޮވުން
މ ތިމާ އަނެކަކަށް ކޮށްދީފައި ހުންނަ ހެޔޮކަންތަކުގެ ވާހަކަ ހިތާނުވެގެން އެމީހާއާ ދިމާއަށް ދެއްކުން
ކަލިވަތް
ނ (1) ގޯއްޗެއްގެ ތެރޭގައި މީހުންނަށް އުޅެވޭގޮތަށް ހަދައިފައި ހުންނަ ކުދި ކުދި ތަންތަންކޮޅު (2) ފޮއްޓެއް ނުވަތަ ދަބަހެއްގެ ތެރޭގައި އެއްޗިހިލާން ހަދައިފައި ހުންނަ ބައިބައި (3) މަތިންދާ ބޯޓު ތެރޭގައި މީހުންގެ އަތްމަތީ ސާމާނު ލާން ހަދައިފައި ހުންނަ ވަތްވަތްގަނޑު
ކަލިޔާ
ނ (1) ގިތެޔޮ އަޅައިގެން ކައްކާބަތެއް މި ފޮނިކޮށް ވެސް ލޮނުކޮށް ވެސް ކައްކައެވެ ޢާންމުގޮތެއްގައި މިއީ ރަށްމާލޫދުގައި ހުންނަ އެއްޗެކެވެ (2) ބަށްޓާއި ކޭލުގައި އެއްގަމު ޖަނަވާރުގެ މޭބިސްކުރަނޑި އަޅައިގެން ކައްކާ ހިކިރިހައެއް
ކަލިޔާކެރުން
މ )ޏ.( ކައްޓަލަ މަޑުކޮށް ރަނގަޅަށް ފިސްކޮށް ގޮށްފިލުވައިފައި ހަކުރު އަޅައިގެން ހިލައި ވަރުކުރުން. މިހުންނާނީ ކުދިކޮށް ފޯލި ފޯއްޔަށް ހަދައި ހިކި ކެޔޮފަތުގައި ބަންދުކޮށްފައެވެ
ކަލިޔާކެޑުން
މ )ސ.( ކައްޓަލަމަޑުކޮށް ރަނގަޅަށްފިސްކޮށް ގޮށްފިލުވައިފައި ހަކުރުއަޅައިގެން ހިލައިވަރުކުރުން މިހުންނާނީ ކުދިކޮށް ފޯލި ފޯއްޔަށްހަދައި ހިކިކެޔޮފަތުގައި ބަންދުކޮށްފައެވެ
ކަލޭމެން
ނ (1) ތިޔަބައި މީހުން (2) "ކަލޭ"މިބަހުގެ ގިނަގޮތް
ކަސަބުމުންޑު
ނ އަތްދުތާ މުޅި މުންޑުގައި ކަސަބު ޖަހައިފައި ހުންނަ މުންޑެއް
ކަސަބުތާކިހާ
ނ ކަސަބާއި ކަޅުކުލައިގެ ރޮދިން ކުރެހުން އުފެދޭގޮތަށް ވިޔެފައި ހުންނަ ތާކިހަލެއް
ކަސާރީކުރާ
ނ ނަމޫނާކުރާ ބައްޓަމަށް ފަތިކޮށް ކަރު އެއަށްވުރެ ހިމަދިގުކޮށް ހުންނަ ބޮޑު ކުރައެއް މީގެ ވައްގަނޑު ހުންނާނީ ގުޑުގުޑާ ދޫންޏެއްގެ ކަރާ އެއްވައްތަރު ގޮތަކަށެވެ
ކަސީރާ
ނ ދިވެހިބޭހުގެ ބާވަތެއް މިއީ ގަހެއްގެ ކިރެވެ މިހުންނަނީ ގިއުޅިލާށި ހެންނެވެ
ކަސް
ނ (1) ހަމުގެ ބައްޔެއް. މިބަލީގައި ގައިކެހުމާއި ހިރުވުމާއި ބިހިނެގުން ހުރެއެވެ (2) ދިއްގާގަހުގެ ފަތުގައި ހެދޭ ބަލިކަމެއް (3) އަތްތެރި މަސައްކަތާއި އަތު މަސައްކަތުގެ ބައެއްތަކެތީގައި ހުންނަންވާ އޮމާންކަން ނެތޭނެތުން
ކަސްބީ
ނ ފައިސާޔަށް މީހުނާ މޮށޭން ތިބޭ އަންހެނުން
ކަސްބީބަލި
ނ ކިހުނުބަލީގެ އެންމެ ނުރައްކާތެރި ދަރަޖަ
ކަސްބޯވަ
ނ ފައިތަކުގައި ކަށި ލޯލިތަކެއް ހުންނަ ކަޅުކުލައިގެ ކުޑަ ބޯވައެއް