radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
އަބުއެޅުން
މ (1) އަބުޖެހުން މަޖާޒު: (2) ހުރަސްއެޅުން (3) ދަތިކުރުން
އަބުޖަދު
ނ ހިސާބުގެ ޢަދަދުތަކަށް ހަމަޖައްސައިފައިވާ އަލިފު ބާގެ އަކުރުތައް
އަބުޖަދުކުރުން
މ ލަފުޒެއް ނުވަތަ ޖުމްލައެއްގެ އަކުރުތައް އަބުޖަދުގެ އަކުރުތަކުންބަލައި އޭގެ ޖުމްލަ ހޯދުން
އަބުޖެހުން
މ (1) އަބުވެއްދުން (2) މަޖާޒު: ކަމެއް ވިޔަނުދިނުމަށް ހުރަސްއެޅުން
އަޅައިގަތުން
މ (1) އެއްޗެއް އެއްޗެއްގައި އެޅޭ ގޮތްވުން (2) އެއްޗެއް ތާކު ދަތިވުން (3) މަޖާޒު: ލޯބިން ނުވަތަ ރުޅިއައިސްގެން މީހަކާ ނުވަތަ އެހެންވެސް އެއްޗަކާ ބެހިގަނެގެން އުޅުން
އަޅައިގޮވުން
މ (1) ވައްލަފަދަ ބައެއްދޫނި އެކަތި އަނެއްކައްޗަށް ރައްޓެހިވެގެން އެކަތި ގޮވައިލީމާ އަނެކަތި ގޮވައިލުން (2) ދެޖިންސުގެ ދެމީހުން ރައްޓެހިވެގެން އެކަކު އެއްޗެއް ބުނީމާ އެޔާއަޅައި އަނެކަކު އެއްޗެއް ބުނުން (3) މަޖާޒު: ލާދީގޮވުން
އަޅެ
އކ ނިކަން. މިބަސް ބޭނުންކުރަނީ އާދޭހުގެ ގޮތުންނާއި ރުޅިވެރި ކަމުގެ ގޮތުންނެވެ. މިސާލު: އަޅެދީބަލަ އަޅެޖަހާބަލަ
އަކަ
ނ (1) ހަތަރެސްކަންގޮޅި (2) އެތައް ޢަދަދަކަށް ޖަހައިފައި ހުންނަ ހަތަރެސް ކަންގޮޅިތައް މިސާލު: ނުވަގެވަޅުއަކަ ސޯޅަގެވަޅުއަކަ (3) ނއ ހަތަރެސްކަން
އަކަރަކަރާ
ނ ބޭހެއްގެނަން މިހުންނާނީ ހިމަދަނޑިކޮޅުތަކެއް ހެނެވެ މިބިންދައިލައިފައި ކޮޅު ދުލުގައި ޖެއްސީމާ ކުޑަކޮށް ދޫތޮރުފާގޮތެއް ހުންނާނެއެވެ
އަކަކުރުން
މ (1) ހަތަރެސްކަންވާގޮތަށް ބައިކުރުން (2) ފަންޑިތަވެރީންގެ އިޞްޠިލާޙުގައި ޖުމްލައެއް ނުވަތަ ޢިބާރާތެއް (3) އަކައެއްގެ ގޮޅިގޮޅީގައި ޤަވާޢިދެއްގެ މަތީން އެކިއަކުރު ވަކިވަކީން ނުވަތަ އަބުޖަދުކޮށްގެން ލިޔުން
އަކަޖެހުން
މ (1) އަކަޔަށް ވާނޭހެން ރޮނގުދެމުން (2) ފަންޑިތަވެރީން ވަކި އަދަދަކަށް ހަތަރެސްކަން ގޮޅިތަކެއް ޖެހުން މީގައި ހުންނާނީ ޤަވާޢިދެއްގެ މަތީން އަކުރުތަކެއް ނުވަތަ ޢަޒީމާތަކެއް ޖަހައިފައެވެ
އަކު
އކ ޔަޤީންކޮށް ދިނުމަށް ނުވަތަ ނަކިރާ ކުރުމަށް ގެންނަ އަކުރެއް މިސާލު: )ހ( އޭނާ ރަށަކުނެތް )ށ( ތިޔަ ވާހަކައެއް ފޮތަކުނެތް )ނ( މީހަކު އަތުވެއްޖެ
ލަނޑެއްކޮކާ އަތްޖަހާ" އަކުންބަކުން
ނ ކުޑަކުދިންކުޅޭ ކުޅިވަރެއް. މިކުޅިވަރުކުޅޭގޮތަކީ ބިންމަތީގައި އެއްކުއްޖަކު ހިމަދިގުކޮށް ވެލިފުންޏެއް އެއްކޮށް އޭގެ ތެރޭގައި ކުޑަގައުކޮޅެއް ފަދައެއްޗެއް ވަޅުލަނީއެވެ. މިވަޅުލާނީ ބަންޖެއް ކިޔަމުން އަނެއްކުއްޖާއަށް ފޮރުވައިގެންނެވެ. ދެން އެކުއްޖަކު އޮށް އޮތްކަމަށް ހީވާތާނގައި އަތް ޖަހަނީއެވެ. އަތް ޖަހާއިރު އަތްދަށުގައި އޮށްވެއްޖެނަމަ އެކުއްޖާ މޮޅުވީއެވެ. މިކުޅޭއިރު ކިޔާބަންޖަކީ "އަކުންބަކުންމާލެ ބަކުން އަތްޖެހަތަޅެބަތް ޖަހަތަޅެ
އައިނަށްއެރުން
މ (1) މަސްއައިނެއްގެ ދޮށަށް ގޮސް އެންކެއްވުން (2) މަޖާޒު: ހުސްހަށިބައި އަންހެނަކު ގޮވައިގެން އުޅުން (3) ކޮންމެވެސް ކަމަކު ބޮޑެއްގެ އަރިހުގައި ޖައްސާލައިގެން އުޅުން
އައިނަކަށްމަހެއް
ނ )ހ.( މޫދުގައި ކުޅޭކުޅިވަރެއް. މިކުޅިވަރު ކުޅޭގޮތަކީ ދެކުދިންގެ ހަތަރު އަތުން އަށިގަނޑެއްހެން ހަދައި އޭގެމައްޗަށް އެހެން ކުއްޖަކު އެރީމާ އެއްލައިލަނީއެވެ
އައިނުމަހާއޮޑިޔާވުން
މ (1) އައިންދަހިވެ ރަނގަޅަށް މަސްބޭނޭ ގޮތްވުން (2) މަސް އައިން އޮޑިޔާ އެކުލެވުން (3) މަޖާޒު: ތިމާބޭނުން މީހާ ތިމާޔާހިތާވުން
އައިން
ނ (1) ކަނޑުގައި އުޅޭމަހުގެ ބައިބައިގަނޑު (2) ބައެއްޒާތުގެ ޖަނަވާރުގެ ބައިބައިގަނޑު (3) )ޏ ( އައިނު
އައިންހިފައިގެންވައިމައްޗަށްއެރުން
މ (1) މަސްއައިނެއްގައި އެތައް ދޯންޏެއް އޮއްވާ އެތަނުން ވަކިދޯންޏެއް އެންކަވައިގެން އެހެން މީހުންނަށް ކެހިދިނުމަށް އައިން ގޮވައިގެން ވައިމައްޗަށް ދިއުން (2) މަޖާޒު: އަނެކަކަށް ލިބޭން އަންނަމޮޅެއް ނުވަތަ ރީއްޗެއް އެފަރާތަކަށް ލިބުނަނުދީ ތިމާ އަތުލުން
އައިސާފާނު
ނ (1) އަންހެނުންނަށް ކިޔާ ނަމެއް (2) މަޖާޒު: ކަނޑުމަތި އެޅީމާ ފެންނަ ކަންތަކަށް ދަތުރުމަތީގައި ކިޔާގޮތް
އައްބަ
ނ ކުޑަކުދިންގެ ބަހުގައި ޖަހާ ބޮނޑި