radheef.info
ރަދީފު


ޒ
އ ތާނައިގެ 91 ވަނަ އަކުރު
ދާންދެން
އ (1) ޒަމާނުގެ ގޮތުންނާއި ތަނުގެ ގޮތުން ކަންވެ ނިމޭ ހިސާބު ބަޔާންކޮށްދޭ އަކުރެއް. މިސާލު: ފަތިސްވެއްޖައުމަށް ދާންދެން. (2) ރައްދުވާ ފަރާތްތައް ބައިވެރިކުރުމަށް ބޭނުންކުރާ އަކުރެއް މިސާލު: މުސްކުޅިންނާއި އަންހެނުންނާއި ކުޑަކުދީންނަށް ދާންދެން ތިބީ އަތިރިމައްޗަށް ނުކުމެއެވެ
ދާވަނިކޮޅުހިފުން
މ ރަސްރަސްކަލުން ރަސްމީ ޢިއްޒަތުގައި ތަންތަނަށް ވަޑައިގަންނަވާއިރު ތުރުކުރައްވާ ހެދުންކޮޅުގެ ދާވަނިކޮޅުގައި ހިފައިގެން އަރިހުގައި ދިއުން
ދާމޫގަނޑު
ނ (1) ދާމޫ (2) މަޖާޒު: މީހެއްގެ އަތުގައި ނުވަތަ ތަނެއްގައި ހުންނަފައިސާ
ދާގަނޑު
ނ (1) ދަލުގެ އެތިކޮޅެއް (2) ހަރުވާޅުގެ ނާޑުވާ (3) އިސްތަށިގަނޑު ހިފެހެއްޓުމަށްޓަކައި ދަލުން ހަދައި ކައިރިއަށް ރަބަރު ލައްވައިފައި އޮންނަ އެއްޗެއް (4) ކުޅިވަރުކުޅޭ ކޯޓާއި ޓީޓީ މޭޒާއި ގޯލުފަދަ ތަންތާނގައި ދަމާދާ
ދިރިހުރުން
މ (1) ފުރާނަހުރުން (2) ދުނިޔޭގައިހުރުން (3) މަރުނުވެ ހުރުން (4) މަޖާޒު: އުވިގެން ނުގޮސް ހުރުން
ދިރިހުއްޓައި ކަށްވަޅަށް ދިއުން
މ މަޖާޒު: ނުއުފުލޭވަރުގެ ބޮޑު ދަރަންޏެއް ބޮލުގައި އެޅުން ނުވަތަ އެނޫންވެސް މާބޮޑަށް ލަދުގަންނަންޖެހޭ ފަދަކަމެއް ދިމާވުމުން ބުނެއުޅޭ ބަހެއް
ދިރިއުޅުން
މ (1) ދުނިޔޭގައި އުޅުން (2) އުމުރު ވޭތިކުރުން (3) މަޖާޒު: ހަމަޖެހޭގޮތުގައި ދުނިޔެވޭތިކުރުން
ދިރުނބާކޮޅުވާހަކަ
މ މަޖާޒު: ބައެއްގެ ތެރޭގައި ވަކިބަޔަކު ދައްކާ އެހެން މީހުންނަށް އަންގަން ބޭނުންނުވާ ވާހަކަ
ދިރުންނެތުން
މ (1) ހެދުމުގެ ބާރުނެތުން (2) މަރުވުން މަޖާޒު: (3) ރޫޙެއް ނެތުން (4) މިލައިމޯޅިވުން (5) އަސަރުނެތުން (6) އުއްމީދު ނެތުން
ދިރުވައިލުން
މ (1) އެއްޗެއް އަރުން އެތެރެ ކޮށްލުން (2) ކަންތައްތައް އާލާކޮށްލުން (3) މަޖާޒު: މީހަކާ ނުވަތަ ބަޔަކު ޙަވާލުކޮށްފައިހުރި އެއްޗެއްގައި ނުވަތަ އެއްޗެހިތަކެއްގައި ޖެހުން
ދިރުވުން
މ (1) އެއްޗެއް އަރުން އެތެރެކުރުން (2) ރޫޙެއްނެތި މަރުވަމުންދާކަމެއް އަލުން ދިރޭނޭގޮތް ހެދުން (3) މަސްމަހާމެހި ފެނަށް ހޭނުވުން (4) މަޖާޒު: ކަންތައްތައް އާލާކުރުން (5) ކުރިއެރުވުން (6) މުދާ ނުވަތަ ފައިސާ ފަދަ އެއްޗެއް ނަހަމަގޮތުގައި ބޭނުންކުރުން
ދިރުވުމުގެ ބާރު
ނ (1) ޢަމިއްލަ ޒާތުގައި ހުންނަ އުފެދުމުގެ ބާރު (2) އާބާދީ އިތުރުވަމުން ދިއުމުގެ ބާރު (3) ދަރިމައިވުމުގެ ބާރު (4) މިނިހެޔޮވުމުގެ ބާރު (5) އަރުން އެތެރެކުރުމުގެ ބާރު
ދިރޭކުރި
ނ )ޅ ( (1) ހެދޭކުރި (2) މަޖާޒު: ކުރިއަރަމުން އަންނަ ކަމެއް ނުވަތަ މީހެއް
ދިރޭފުރާނަ
ނ މަޖާޒު: (1) ފުރާނައެޅުއްވި ކޮންމެއެއްޗެއް (2) އިންސާނުން
ދިކޮއެދިއްވުން
މ )ސ ( (1) މުޑުތުލުން (2) މަޖާޒު: އަނގަގޮއްވުން
ދިއަވަރު
ނ ދިޔަވަރު (1) ބަތްކައްކާ އިރުއަލާ ފެނުގެ މިންވަރު (2) ރިހަކައްކާއިރު އަޅާ ފެނުގެ މިންވަރު (3) މަޖާޒު: ލައިގެންކާ އެއްޗެހި މާފެންކޮށް ހުރީމާ ކިޔާގޮތެއް
ދިއުޅިދިގުކަން
މަޖާޒު: ކަންތައް ކުރުމުގައި ތަތްކަމާއި ލަސްކަން ހުންނަކަން
ދިދަ
ނ (1) ގައުމު ތަކުގައި ނިޝާނެއްގެ ގޮތުން ބޭނުންކުރާ ވަކި ޑިޒައިނަކަށް ފޮތިން ހަދައިފައި ހުންނަ އެއްޗެއް. ޢާއްމުކޮށް މިހުންނާނީ ހަތަރެސްކަނަށެވެ. ނަގައިފައި ހުންނާނީ ދަނޑިއަކަށެވެ. (2) ސިގުނަލެއް ދިނުމަށް ނުވަތަ ވަކިބައެއްގެ ނިޝާނެއްގެ ގޮތުން ބޭނުން ކުރުމަށް ފޮތިން ވަކިޑިޒައިނަކަށް ހަދައިފައިވާ އެއްޗެއް. (3) ތަންތަން ޒީނަތްތެރި ކުރުމަށް ކުލަކުލައިގެ ފޮތިންނާއި ކަރުދާސްފަދަ އެއްޗިހިންހަދައި އެލުވާ ނުވަތަ ދަނޑީގައި ނަގަން ބޭނުންކުރާ އެއްޗެއް
ދިލަ
ނ (1) ކެރުމާއި ހޫނު އެކުލެވިފައިވާ ވޭނެއް (2) އަލިފާނުގެ ދުމާއެކު އަރާއާވި (3) ސިލިނބުގައި އަލިފާން ގިނަވުމުގެ ސަބަބުން ދުންގަނޑުގެ ރަހަޔަށް އަންނަ ބަދަލެއް (4) މަޖާޒު: އަސަރު
ދިގުރޮނގުކުރުވުން
ގބ މަޖާޒު: ބޮޑުކަމެއް ޖެހިފައިވަނިކޮށް އެއަށްވުރެ ބޮޑުކަމެއް މެދުވެރިވުމުން ބުނެއުޅޭ ބަހެއް