radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ލައް
ނ (1) ކިހަށްޑިޔަ ފަދަ އެއްޗެހި ޖެހިގެންވާ ހަޑި (2) މޭވާ ފަދަ އެއްޗެހީގެ ބޭރުތޮށިގަނޑުން ފާޅުވާ ކަޅުކުލައިގެ ތަންތަންކޮޅު (3) ބައެއް މަސްމަހާ މެއްސާއި ބައެއް ޖަނަވާރުގެ ހަމުގައި ހުންނަ ކުލަކުލައިގެ ތަންތަންކޮޅު (4) މަޖާޒު: ކުރާ ހިތިއަސަރެއްގެ ނުވަތަ އުފެދޭ ދެކޮޅުވެރިކަމުގެ ސަބަބުން ހިތުގައި އުފެދޭ ހިތި އަސަރު (5) އަބުރު ގެއްލޭފަދަ ކަންކަމުން ލިބޭ ހުތުރުނަން މިސާލު: އެއީ އޭނާގެ އަބުރުގައި ޖެހުނު ލައްގަނޑެކެވެ
ލައްކުރުން
މ (1) ތަނެއްގައި ނުވަތަ އެއްޗެއްގައި ޖެހިގެން އެ އެއްޗެއްގެ ބާރުގައި ނުވެއްޓި ހުންނާނެ ގޮތަށް އެއްޗެއް ބެހެއްޓުން. (2) މީހެއްގެ ގައިގައި ނުވަތަ ތަނެއްގައި މީހަކު ޖައްސައިލައިފައި ބޭންދުން ނުވަތަ ބެހެއްޓުން
ލައްކޮށްލުން
މ (1) އެއްޗެއްގެ ބުރަދަން ތަނަކަށް ލިބޭ ގޮތަށް އެއެއްޗެއް ތަނެއްގައި ޖައްސައިފައި ބަހައްޓައިލުން. (2) މީހެއްގެ ގައިގައި ނުވަތަ ތަނެއްގައި މީހަކު ޖައްސައިލައިފައި ބެހެއްޓުން ނުވަތަ ބޭންދުން
ލައްވައިލުން
މ (1) އެއްޗެއް އެއްލައި ޖަހަން ޤަސްދުކުރި ތަނުގައި ޖެހުން (2) މަޖާޒު: މީހަކަށް ބޮނޑިއެއް ދިނުމަށް ރޭވި ރޭވުމެއްގައި އެމީހަކު ބެދުން (3) ކަމެއްގެ ވަގުތު ފާއިތު ނުވަނީސް އެކަމެއްގައި ބައިވެރިވެވޭގޮތް ވުން (4) ކަމެއްގައި ހިމެނޭގޮތް ނުވަތަ ބައިވެރި ވެވޭގޮތްވުން (5) ދިމާވުން
ލައްވުން
މ (1) ލެއްގުން (2) މީހެއްގެ ގައިގައި ނުވަތަ ތަނެއްގައި ލެނގެވިފައި ހުރުން
ލަވަމުން ގެންދިއުން
މ ގެރިބަކަރި ނުވަތަ ދޫނި ސޫފާސޫފި ނުވަތަ ފަޅުމަތީގައި އުޅޭމަސް ވަކިތަނަކަށް ވަކިދިމާޔަކަށް ގެންދިއުން
ލަފާ
ނ (1) އަނެކަކަށްދޭ ޚިޔާލެއް ނުވަތަ މަޝްވަރާއެއް. (2) ނއ. އަޚްލާޤް ރަނގަޅު. މިސާލު: އެއީ ވަރަށް ލަފާ ކުއްޖެކެވެ. (3) ކ. ލެފުން މިބަހުގެ ވާކަމާއި އަމުރު
ލަދު
ނ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާ ޖެހިލުންވުން. (2) ތިމާގެ ކުށް ނުވަތަ ނުފުދޭކަން އިޙްސާސްވާހިނދު މަލާމާތް ލިބިދާނެތީ ޖެހިލުންވެގެން ކަމެއްކުރަން ނުކެރޭ ނުކެރުން. (3) އެހެން މީހުންނަށް ފާޅުކުރަން ނުކެރޭ ވަކިސިފައެއް ވަކި ކަމެއް އެހެން މީހުންނަށް ފެނިދާނެތީ ޖެހިލުންވާ ޖެހިލުންވުން
ލަދުވެތި
ނއ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާ (2) ތިމާގެ ކުށް ނުވަތަ ނުފުދޭކަން އިޙުސާސް ވާހިނދު މަލާމާތް ލިބިދާނެތީ ޖެހިލުންވާ (3) އެހެން މީހުންނަށް ފާޅުކުރަން ނުކެރޭ ވަކި ސިފައެއް ވަކިކަމެއް އެހެން މީހުންނަށް ފެނިދާނެތީ ޖެހިލުންވާ
ލަދުވެތިކަން
ނއނ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާކަން (2) ތިމާގެ ކުށް ނުވަތަ ނުފުދޭކަން އިޙުސާސްވާހިނދު މަލާމާތް ލިބިދާނެތީ ޖެހިލުންވުން (3) އެހެން މީހުންނަށް ފާޅުކުރަން ނުކެރޭ ވަކި ސިފައެއް ވަކި ކަމެއް އެހެން މީހުންނަށް ފެނިދާނެތީ ޖެހިލުންވާކަން
ލަދުވެތިވުން
މ (1) އަބުރު ގެއްލޭފަދަ ކަމެއް ކުރުމަށް ޖެހިލުންވުން (2) ތިމާގެ ކުށް ނުވަތަ ނުފުދޭކަން އިޙްސާސްވާހިނދު މަލާމާތް ލިބިދާނެތީ ޖެހިލުންވުން (3) އެހެން މީހުންނަށް ފާޅުކުރަން ނުކެރޭ ވަކިސިފައެއް ވަކި ކަމެއް އެހެން މީހުންނަށް ފެނިދާނެތީ ޖެހިލުންވުން
ލަގަބު
ނ ލިބިފައިވާ މަޤާމަކާ ނުވަތަ ހޯދައިފައިވާ ޝަރަފަކާ ގުޅޭ ގޮތުން ނުވަތަ ޙާޞިލްކުރި ސަނަދަކާ ގުޅޭގޮތުން މީހެއްގެ ނަމުގެ ކުރިޔަށް ލާނަމެއް
ލާހިފުން
މ (1) ކަމަކަށް ބާރުލައި އަލުން ހިފުން (2) ގުންބާއިން ތެޔޮފަދަ އެއްޗެހި ނަގާއިރު ނުވަތަ ގުންބާއިން ވައިޖަހާއިރު އޭގައި ފޯރިހިފުން
ލާނެތު
ނ ލާެނެތް ކުއްޖާ ނުވަތަ ލާނެތް މީހާ
ލާދަންއަތަރު
ނ ލާދަނުގެ ވަސްދުވާ އަތަރު ނުވަތަ ލާދަނުން ހަދާ އަތަރު
ލާގެ
ނ (1) މައުލޫދު ހަރުގޭގައި ބޮޑެތި މީހުން ތިބުމަށް ހަމަޖެހިފައިވާ ދިމާގައި ދަމައިފައި ހުންނަ ކުޑަ ސަނދުވާ. (2) ބައެއް މިސްކިތުގެ މެދުތެރެއިން މަތިވަޑާން ގަނޑުގެ ދަށުގައި ލަކުޑީގެ އެތިކޮޅުތަކަކުން ވަށްކޮށް ނުވަތަ އަށް އަރިއަށް ނުވަތަ ހަތަރު އަރިއަށް ހަދައިފައި ހުންނަ ތަނެއް މިތަން ހުންނާނީ ވަރަށް ރީތިކޮށް ލިޔެލާޖަހައިފައެވެ
ލާޖެހުން
މ (1) މަލާއި ލަކުޑިން ހަދައިފައި ހުންނަ ފަތާއި. ނާޅިއާއި ލާއްސާއި ފުރޯދަނޑި ފަދަ އެއްޗެހީގައި ލާހިންގުން ނުވަތަ ލާ ދުއްވުން. (2) އޮޑިދޯނި ފަހަރު ފަޅުގައި އަޅައިފައި ހުއްޓައި ދިޔަވަރު ހިކެމުން އަންނައިރު ރާޅާ އުފުލަ އުފުލައިފައި ވެލިގަނޑުގައި ފަށަން ޖެހުން
ލިސާންވެސް ނެތުން
މ އަސަރެއް ނުވަތަ ނިޝާނެއްވެސް ނެތުން
ލިސްޓު
ނ ސިލްސިލާކޮށް ލިޔެފައިވާ ނަންތައް ނުވަތަ ބަސްތައް
ލިޓަރު
ނ ދިޔާ އެއްޗެހި މިނުމުގެ މިންގަނޑެއް މިއީ މެޓްރިކް ސިސްޓަމުގެ މިންގަނޑެވެ މީގެ މިންވަރަކީ އެއްހާސް މިލި ލިޓަރު ނުވަތަ ދިހަ ޑެސިލިޓަރެވެ