radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ކަދަޅާ
ނ ފިރިހެނުންނާ އެޅޭ އަންހެންދުޅާ މީހުންނާ ދިމާޔަށް މަލާމާތުގެ ގޮތުން ނުވަތަ ދެރަކޮށްލުމުގެ ގޮތުން ބުނާ ނިކަމެތި ބަހެއް
ކަދާ
ނ (1) ފެން ބޯން ގެންގުޅޭ ލޯވަށި (2) ފޫލީ ބޯތަށްޓެއްގެ ސިފައިގައި ކަފުލޯއިން ހަދައިފައި ހުންނަކަންވާރެއް
ކަދާއަޑި
ނ ކަދާބަހައްޓާން ކޯދޮންނަ ލޯގަނޑެއްގެ ސިފައިގައި ހަދައިފައި ހުންނަ އެއްޗެއް
ކަދާމާލި
ނ ކުޅުދުއްފުށީގައި "ދަމުހިނގުމޭ" ކިޔާކުޅިވަރުގައި ބައިވެރިވާނަށާ މީހުން. މިމީހުންތިބޭނީ "މާލިހެދުމޭ" ކިޔާ ހެދުންއަޅާފައެވެ. މިއިން ކޮންމެ މާއްޔެއްގެ އަތުގައި ކަދާމައްޗަކާއި ލޯ ކައްޓަކާ އޮންނާނެއެވެ. އެމީހުން ނަށާއިރު އެކަށީން މަތިގަނޑުގައި ލަވަހަމަކޮށް ޖަހާނެއެވެ. މާލިތައްތިބޭނީ ފޭލިއަނދެފައި ކަކުލައިހަމަޔަށް ހުންނަވަރުގެ އަތްދިގު ހުދުލިބާހެއްލައިފައި އުނަގަނޑުމަތީ ތެޔޮރުމާލެއް ބަނދެލާފައެވެ. އަދިއުނަގަނޑާ ހަމަޔަށް އެލިފައިއޮންނަވަރުގެ ހުދުފޮށައެއް ބޮލުގައި އަޅުވައި އޭގެމަތިން ރަތްރުމާލެއް )ކަނުންކަނަށް ފަތްޖަހާފައި( ކަނދުރާމަތިން ގެނެސް ކަރުގައި ބައްދާފައި އޮންނާނެ އެވެ
ކަތި
ނއ (1) ސީދާނޫން ނ (2) ކަތިކަނި (3) ކަތިމެއްލަ (4) ރަހަޔަށް ނުވަތަ ރަހަޔަށްނުވާ (5) އަރިއަޅާލާއިފައި ހުންނައެއްޗެއް ވެއްޓުނަނުދޭން ވިއްދާއެތި
ކަތިރިނދަލި
ނ ރިނދަލީގެ ބާވަތެއް މިއީއާދައިގެ ރިނދައްޔަށްވުރެ ހިމަދިގުކޮށްހުންނަ ރިނދައްޔެކެވެ މީގެ އެއްކޮޅުއޮންނާނީ ފަޅިބުރެއްގޮތަށެވެ އަނެއްކޮޅު ކުޑަކޮށް ތޫރިވާނެއެވެ މީގެދެފަޅިވަރު ހުޅުވައިލީމައި ފެންނާނީ ކޮކާހުންނަ ބައްޓަމަށްވުރެ ދިގުބައްޓަމެއްގެ ކޮކާލެއް ގޮތަށެވެ
ކަތިރިޔާ
ނ އެއްކަނަށް ދިގުކޮށް ތިންކަނަށް ހުންނަރިޔާ ފަރުމާނުގައި ހަރުކުރަނީ މީގެއެންމެދިގު ކައިރިއެވެ
ކަތިކަނި
ނ އަރިވިޔަ ނުދިނުމަށްޓަކައި އެއް ތޮނައިން އަނެއް ތޮނަޔަށް ކައްޗަށް ވިދެފައި ހުންނަ ފަތިގަނޑު
ކަތިވަޅި
ނ ތިލައިގެ ކުރީކޮޅު ފުޅާކޮށް ބޯވަށްކޮށް ހަދައިފައި ހުންނަ ވަޅިއެއް މިވަޅީގެ މުށްގަނޑު ހުންނާނީ ކުރުފަލަކޮށެވެ
ކަތިލުން
މ (1) ތޫނުއެއްޗަކުން ވައިނޮޅި ބުރިކޮށްލުން (2) މަޖާޒު: އެލަންގަލަން ކުޅޭ ކުދިންކުރެ އިލޮށި ހިފައިގެން ހުންނަ ކުއްޖާ އެހެން ކުއްޖެއްގެ ގައިގައި އިލޮށި ޖެއްސުން
ކަތީބު
ނ (1) މާލެފިޔަވައި ރާޖޭގެމީހުންއުޅޭ ރަށްރަށުގެ ވެރިކަމާ ހަވާލުކުރައްވައިފައި ހުންނަމީހާ. (2) އިހުގައި ހުކުރުނަމާދާއި އީދުނަމާދު އިމާމުވެކޮށް މަރުވާމީހުން ވަޅުލައިހެދުމަށް އިސްކޮށްފައިހުންނަ މީހާ
ކަތީބުކަން
ނ (1) މާލެފިޔަވައި ރާއްޖޭގެމީހުންއުޅޭ ރަށްރަށުގެ ވެރިކަމުގެ ވަޒީފާ. (2) އިހުގައި ހުކުރުނަމާދާއި ޢީދުނަމާދު އިމާމުވެކޮށް މަރުވާމީހުން ވަޅުލައިހެދުމަށް އިސްކޮށްފައިހުންނަ ވެރިޔާގެ މަޤާމު
ކަތުން
ނ (1) މީހުން (2) އެކަމަކަށް ކުޅަދާނަ މީހުން
ކަތުރާން
ނ ވަކިބާވަތެއްގެ ގަސްގަހުންނަގާ ކަޅުކުލައިގެ އޮލަތެލެއް. ކަތުރާންހަދަނީ މިތެޔޮ މަޑުގިނީގައި ކައްކައިގެންނެވެ. މިއި މީރުވަހެއްދުވާ ކަޅުކުލަ ގަދަ ހަރު އެއްޗެކެވެ ދިވެހީން ޢާއްމުކޮށް މިބޭނުންކުރަނީ ރޯގާ މޮޅުއިރު ދުންއަޅާށާއި ދެލަކުޑިގަނޑު ތަތްކުރާށެވެ
ކަތުރުކަށިގަނޑު
ނ ތިރީދަތްޕިލައިގެ ދަތްތައް ހަރުވެފައިހުންނަ ކަށިގަނޑު
ކަތުރުމަޑަ
ނ މަޑައިގެބާވަތެއް. މިއީ ކަނިފަށުގައި ހުޅުލައިފައި ލައްޕައި ހުޅުވާން ހަދައިފައިހުންނަ މަޑައެކެވެ
ކަތުރުފަނި
ނ (1) ތުންރަތްކޮށް ހުންނަ ހުދުކުލައިގެ ފަންޏެއް މިއީލަކުޑިއާއި ކަރުދާސް ފަދަތަކެތީގައި އަޅާފަންޏެކެވެ އަދި ފިޔަލައިގެން އުދުހޭ އެއްޗެކެވެ (2) މަޖާޒު: ދެމީހެއްގެ ދެމެދުގައި ފިތުނަ އުފައްދާ މީހާ
ކަލަ
ނ (1) ޒަމާން. މިސާލު: މިކަލަކަށް އައިސް. (2) ތިމާ އަނެކަކަށް ކޮށްދީފައި ހުންނަ ހެޔޮކަންތަކުގެ ވާހަކަ ހިތާނުވެގެން އެމީހާއަށް އިއްވާން ދައްކާ ދެއްކުން (3) )ސ ( ފަހަރު
ކަލަންޑަރު
ނ (1) އަހަރާއި މަހުގެ ދުވަސް ބަލާން ހަދައިފައި ހުންނަ އެއްޗެއް (2) ތަނަކުން ހިންގާ ހަރަކާތްތައް މަސްމަހަށް ބަހައިފައިވާ ގޮތުގެ ތާވަލު މިސާލު: )ހ( ކުޅިވަރު ކަލަންޑަރު )ށ( އަދަބީ ކަލަންޑަރު
ކަލަރު
ނ (1) އަންހެނުންގެ ބޮނބިފަޅިމައްޗާއި ކަރުވަޅު ނިވައި ކުރާންލައި ގިރުވާނު އަޅައިފައި ހުންނަ ކޮނޑުކެނޑިއެއް މިކޮނޑުކެނޑި އަންހެނުން ލައި އުޅެނީ ބޯވަޅުއެޅި ލިބާހާ އެކުގައެވެ (2) އަންހެނުންގެ ބޯވަޅު އެޅިލިބާހުގައި އަޅަން ވަކިން ހަދައިފައި ހުންނަ ގިރުވާނު