radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ތުތިމަސް
ނ (1) ހަތަރެސްކަނަށްވުރެން އެއްދެކަން ދިގުކޮށް އަނެއް ދެކަން ކުރުކޮށް ހުންނައިރު ހުންނަގޮތް (2) ހަނޑުލު ފުށުން ނުވަތަ އަލަ ކައްޓަލަ ފަދަ އެއްޗެހީން ހަކުރު އަޅައިގެން ހިލައި ތުތިމަސްކޮށް ހުންނަ ތައްގަނޑަށް އޮބައިފައި ހުންނައެއްޗެހި
ތޫނބީ
ނ )ގ ( މީދާއަތުލުމަށް އުނބުންނުވަތަ ފަނުން ނުވަތަ ފަތުންހަދާ ހޮހަޅައެއް މިތަންހަދައިފައިހުންނީ ހަމައެކަނި ހޮހަޅައިގެ ތެރެއަށް މީދަލަށް ވަދެވޭވަރަށް ކުޑަތަންކޮޅެއް ބަހައްޓައި މަތިބަންދުކޮށްފައެވެ އެތެރެއަށް މީދާ ވަނުމުން މަތިން ދާޖަހައިގެން ހައްޔަރުކޮށް މީދާ އަތުލަނީއެވެ
ތޫނު
ނއ (1) ކޮށި މިބަހުގެ އިދިކޮޅު (2) އެއްޗެއްގައި ހުންނަ ކެނޑޭގޮތް ނުވަތަ ވިރުވާލާގޮތް (3) މިޔަލީ ތަކެތީގެ މިޔައިގައި ހުންނަ ފަސޭހައިން ބުރިކުރެވޭ ނުވަތަ ކެފޭގޮތް (4) ވިސްނުންތެރި (5) ހިތްއަލި (6) ތޫރިކޮށްހުންނަ (7) އިވުމާއި ފެނުމުގެ ބާރުގަދަ
ތޫރި
ނ (1) ބައެއްގަސްގަހުގައި ފަތްނުކުންނައިރު ނުވަތަ މޭވާގަންނާންވީމާ ތޮޅި ނުވަތަ މާނުކުންނައިރު ބަނޑުފަތެއްގެ ގޮތުގައި ނިކުންނަ ބައި (2) ކަންފަތުގެ އަޑު އިވޭބައިގެ ބޭރުގައި ހުންނަ ދުލިފަށް
ތޫތުގަސް
ނ ތުނޑުލީ ފަތްތަކެއް ހުންނަ ވާކޮށް ހެދޭގަހެއް މިގަހުގައި އަޅާނީ ހިމަދިގުކޮށް ހުންނަ އިންޗިއެއް ނުވަތަ ދޮޅުއިންޗީގެ ބޮޑުމިނުގެ ހުތްފޮނިރަހަލާ މޭވާއެކެވެ މިދޮންވީމާ ހުންނާނީ ކަޅުރަތް ކުލައިގައެވެ
ތެހެލުން
މ )ޏ ސ ( ކުޑަކުދީން ކުޑަކަމު ނުވަތަ ބޮޑުކަމުދިއުން
ތެންމުން
މ ފެނުން ނުވަތަ އެނޫންވެސް ދިޔާއެއްޗަކުން މީހަކު ނުވަތަ ކޮންމެވެސް އެއްޗެއް ތެންމައިލުން
ތެޅިފޮޅިގަތުން
މ (1) ކަމަކާ ދޭތެރޭ މާބޮޑަށް ހާސްވެގެން ނުވަތަ މާބޮޑަށް އުފާވެގެން ޙަރަކާތް އަވަސްވެގެން އުޅެގަތުން (2) ވޭނެއްގެ ސަބަބުން ކެތްނުކުރެވިގެން އެގޮތް މިގޮތަށް އުޅެގަތުން
ތެޅިފޮޅުން
މ (1) ކަމަކާ ދޭތެރޭ މާބޮޑަށް ހާސްވެގެން ނުވަތަ މާބޮޑަށް އުފާވެގެން ޙަރަކާތް އަވަސްވެގެން އުޅުން (2) ވޭނެއްގެ ސަބަބުން ކެތްނުކުރެވިގެން އެގޮތް މިގޮތަށް އުޅެވުން
ތެޅިތެޅިއޮތުން
މ (1) ވެއްޓިއޮވެ ހަތަރެސްފައި ހޫރުން. (2) ހިމޭންކަންނެތި އެގޮތްމިގޮތަށް އެއްލި އޮތްތަނުން ނެގި ނުވަތަ އުފުލިއުފުލިފައި ޖެހުން
ތެޅުން
މ (1) ގިނަޢަދަދަކަށްޖެހުން (2) ބިއްލޫރި ނުވަތަ މުށިފަދައެއްޗަކުން ހަދައިފައި ހުންނައެއްޗެހި ވެއްޓިގެން ނުވަތަ އެނޫންވެސް ގޮތަކުން ރެނދުލުން ނުވަތަ މުގުރި ހަލާކުވުން (3) އެއްޗެއް ހެލިހެލި ހުރުން (4) ތަޅުންގަނޑު (5) ގުޑުން
ތެކުން
މ ތަނަކަށް ނުވަތަ އެއްޗަކަށް ފެތޭވަރުވުން
ތެއްރެ
ނ )ސ.( (1) ކެތްނުކުރެވޭވަރުގެވޭން. (2) ދިމާވިކަމަކުން ނުވަތަ މީހަކުދިން އަނިޔާއަކުން ހާނީއްކަވެ ލިބޭ ކެތްކުރަންދަތިވޭން
ތެއްރެއެރުން
މ )ސ ( ބުރާންތިވުން މިސާލު: ޖެހިޖެހުމަކުން ނުވަތަ ގަދަހޫނުލިބުމުން ބުރާންތިވުން
ތެއްދެމުން
މ އުއިޖަހަމުންގޮސް ކުލަނުހިފާގޮތްވީމާ އުއިގައި ތެތްކޮށް އޮތްތަން ދެމުން ނުވަތަ އޮޅައިފައި އޮތްބައި ނިއުޅުވުން
ތެއްލުން
މ (1) ތެޔޮ ނުވަތަ ބަޓަރު ނުވަތަ ގިތެލުގައި އެއްޗެއް ރޯފިލުވުން (2) ތެލުލުން
ތެވެލި
ނ )ޏ ސ ( އިރުހަނދު އަރައިގެން އަންނައިރު ނުވަތަ އޮއްސެންދާއިރު އުދަރެހުން ފެށިގެން ރިހިކުލައިގެ ނުވަތަ ރަންކުލައިގެ ދޫލައެއްހެން ފެންގަނޑުމަތީގައި ފެތުރިފައިއޮންނަ އަލި
ތެދުބެލުން
މ ރަހަފަތިގަނޑެއްފަދަ އެއްޗަކުން ތަނެއްގެ ނުވަތަ އެއްޗެއްގެ ދެފަރާތް ހަމަހަމަތޯ ބެލުން
ތެދުކުރުން
މ (1) ލެނބިފައި ނުވަތަ އަރިވެފައި އޮތްއެއްޗެއް ސީދާކުރުން (2) ޤަބޫލުކުރުން (3) ރަހަކުރުން
ތެދުކުރުވުން
މ (1) އެއްޗެއްސީދާކުރުވުން (2) ވާހަކައެއް ނުވަތަ ޚަބަރެއް މީހަކުލައްވައި ޙަޤީޤަތެއް ކަމަށް ޤަބޫލު ކުރުވުން