radheef.info
ރަދީފު


އަކު
އކ ޔަޤީންކޮށް ދިނުމަށް ނުވަތަ ނަކިރާ ކުރުމަށް ގެންނަ އަކުރެއް މިސާލު: )ހ( އޭނާ ރަށަކުނެތް )ށ( ތިޔަ ވާހަކައެއް ފޮތަކުނެތް )ނ( މީހަކު އަތުވެއްޖެ
ފެންފަދަވުން
މ (1) ކަމަކަށް ފަރިތަވުން (2) ރަނގަޅަށް ދަސްވުން މިސާލު: އެފިލާވަޅު އަހަންނަށް ފެންފަދައެވެ (3) ބޮޑަށް ފަރިތަވުން މިސާލު: އޭނާއަކީ ބޮޑުއަކުރު ލިޔަން ފެންފަދަ މީހެކެވެ
ތޮށިޖެހުން
މ (1) އޮޑިދޯނިފަހަރު ބާލައި އެހެލާއިރު ފަށަންދަށަށް ރޯގަހުގެ ތޮށިލެއްވުން (2) ވަޅިއެއްގެ ބޭނުންކޮށްގެން ދަނޑިއަކުން ތޮށިފިލުވުން (3) މަޖާޒު: )ސ ( އަނެކަކާބެހޭ ޝަކުވާކުރުން
ފާލިކީ
ނ (1) މީހުން އެރީމާ އުފުލައިގެން ގެންދަން ހަދައިފައި ހުންނަ ދޮޅިދާން (2) ފުލޯކު ވާހަކައިގައި ކިޔާގޮތުން ކަމަނާއަކު ނުވަތަ މަނިކުފާނަކު އަރައިވަޑައިގަތީމާ ހަވާގެތެރެއިން ޖިންނިން އުފުލައިގެން އެއްތަނުން އަނެއްތަނަށް ގެންދާ ދާން (3) ކަނޑީގެ މުށްގަނޑު
ފިލައިންކިޔެވުން
މ ފިލާލިއެގެން ކިޔެވުން ކުރީ ޒަމާނުގައި ކުޑަކުދިންނަށް ޢަރަބި އަކުރު އުނގަންނައިދީ ޤުރުއާން ވަކި ހިސާބަކަށް ދާންދެން ކިޔަވައި ދެނީ ފިލާލިއެގެންނެވެ
ފިލާލިއުން
ނއ ކުޑަކުދީންނަށް ކިޔަވައި ދިނުމަށްޓަކައި ފިލާގައި ޤުރުއާނުގެ އާޔަތްތައް ލިއުން ނުވަތަ އަލިފުބާގެ އަކުރުތައް އެޅުން
ފިލި
ނ (1) އަކުރުގެ އަޑުނެރޭގޮތް އޮޅުން ފިލުވައިދިނުމަށް ޖަހާ ނިޝާން. މިސާލު: އަބަފިލި އިބިފިލި (2) ގަހެއްގެ ނަން (3) ފުރޯދަނޑިއާއި ވަޑާން ކައްޓާއި ކޮށާވަޅި ފަދަ އެއްޗެހީގެ މުށްގަނޑުގައި ދަގަނޑުން ނުވަތަ ލޮއިން އަޅައިފައި ހުންނަ ބަންދު (4) އެންހިފާއިރު ދަލުތެރެއަށް ޖަހަން ފިލިމަހުން ކަހައިފައި ހުންނަ މަސް (5) ފަރު ކެޔޮޅުކަމުގައި މަސްތިލަ ކުރުމަށް އުކާ ކަރުގޮހޮރު ފަދަ ތަކެތި (6) "ފިލުން" މިބަހުގެ ނިމިނިމުނުކަން މަޖާޒު: (7) ރިޝްވަތު (8) ކަމެއް ކުރުވުމަށް ބާޜުއެޅުވުމުގެ ގޮތުންދޭ އެއްޗެހި
ފިލިކޯޅި
ނ (1) ޅެންބައިތުގެ ކުރީބަޔާއި ފަހުބައިގެ ފެށޭ ދެއަކުރު ނުވަތަ ދެތިން އަކުރުގައި ޖެހޭ ފިލި (2) ރައިވަރުގެ ހުރިހާބަހެއްގެ ކުރީ ދެއަކުރުގައި ނުވަތަ ދެތިން އަކުރުގައި ޖެހޭ ފިލި
ފިލިކޯޅިހަމަކުރުން
މ ޅެންބައިތުގެ ކުރީބަޔާއި ފަހަތުބަޔާއި ރައިވަރުގެ ހުރިހާ ބަހެއްގެ ކުރީގެ ދެއަކުރު ނުވަތަ ދެތިން އަކުރެއްގެ ފިލި އެއްގޮތް ކުރުން
ފިލިއަކުރު
ނ (1) އަކުރުފިލި ތާނައިގައި ފިލީގެގޮތުގައި ބޭނުންކުރާ އަކުރު ތައް (2) އިނގިރޭސި ބަހުގައި ފިލީގެ ގޮތުގައި ބޭނުންކުރާ އަކުރުތައް
ފިލިފޮތް
ނ ކުޑަކުދިންނަށް ޢަރަބި އަކުރު ދަސްކޮށްދޭން ހަދައިފައި ހުންނަ ފޮތް
ފިލިޖެހުން
މ (1) ތާނައާއި ޢަރަބި ލިޔާއިރު އަކުރުގެ އަޑު ނެރޭނެގޮތް ދެއްކުމަށް އެ އަކުރުތަކުގެ ތިރީގައި ނުވަތަ މަތީގައި އަކުރަށް ވުރެ ކުޑަ ނިޝާނެއް )ފިލި( ޖެހުން (2) އަކުރުގެ އަޑު ނެރުމަށް އަކުރާ ގުޅައިފައި ހުންނަ ކުޑަ ނިޝާން ޖެހުން (3) އަކުރަކާޖެހިގެން ފިލިއަކުރެއް ލިއުން (4) ފިލިމަހުގެ އެތިއެތި ކޮޅު އުކުން މަޖާޒު: (5) ރިޝްވަތު ދިނުން (6) ކަމެއް ކުރުވުމަށް ބާރުއެޅުމަށް އެއްޗެހި ދިނުން
ފިޔަ
ނ (1) އުދުހޭ އެއްޗެހީގެ ވަރަ. (2) މާމެލާމެލީގައި ކަރުގަނޑުގެ ވަށައިގެން ބޭރަށް ނުކުމެފައި ހުންނަ ބައިތައް. (3) ފަންކާއާއި ބުރަފަތި ފަދަ ތަކެތީގައި ހިމަދިގުކޮށް ނުވަތަ ކުރުފަލަކޮށް ވަށައިގެން ބޭރަށް ނުކުމެފައިވާ ވައިފޮނުވައިދޭ ނުވަތަ ފެނުތެރޭ އަނބުރައިދޭ ބައި މިފަދަ ތަކެތީގައި ޢާއްމު ގޮތެއްގައި ހުންނާނީ ތިންފިޔައެވެ (4) ފިޔަ އަކުން ނައްޓައިލެވޭ ފަށް
ފުނަ
ނ (1) މީރުވަހެއްދުވާ ހުދުމަލެއް އަޅާ ބިޔަކޮށް ހެދޭ ލަކުޑި މޮޅުގަހެއް. (2) ފުނަގަހުގައި އަޅާ އޮށް. (3) ރާގުގެ ހަމައިގެ އިތުރަށް ލެވޭ ދަނޑިވަޅެއް. (4) ބަސް ބުނާއިރު މާނަ ބަދަލުވާގޮތަށް ވައްދާ އިތުރު ބަސް ނުވަތަ އަކުރު. މިސާލު: ލަވަ ފައްލަވަ ކާރު ބޭކާރު
ފުނަޖެހުން
މ (1) ބެރާއި ތާރަ ފަދަ އެއްޗެހި ޖަހާއިރު މާނައިގެ ތެރެއަށް ދަނޑިވަޅެއް އިތުރުކުރުން. (2) ވާހަކަ ދައްކާއިރު ބަހުގެ ކުރިއަށް އަކުރެއް ދެއަކުރެއް އިތުރުކޮށްގެން ބަސް ބަދަލުކޮށްލުން. މިސާލު: ކާރު މައްކާރު ލަވަ ފައްލަވަ
ފުރަގަސްފަރާތްފޭބުން
މ (1) ވަޔަކުން ނުވަތަ ބަނޑުހިކިގެން ލިބޭ ހާނީއްކައަކުން ފުރަގަސް ފަރާތުން ނަޖިސް ނިކުންނަ ހޮޅީގެ ކޮޅުބޭރަށް ނުކުތުން (2) ބުރި ފޭބުން
ފުޅު
ނ (1) މީހެއްގެ ދަރަޖަ މާތް ކުރުމުގެ ގޮތުން އެމީހެއްގެ ނަމުގެ ފަހަތަށް އިހުގައި ގުޅައި އުޅުނު އަކުރެއް. މިސާލު: ޙަސަންފުޅު މޫސާފުޅު (2) މާތްކުރުމުގެ ގޮތުން ނަމެއްގެ ފަހަތަށް އިތުރުކުރާ އަކުރެއް މިސާލު: އަނގޮޓިފުޅު ހިނިފުޅު
ފޫހި
ނ (1) ކަމެއްގެ ނުވަތަ އެއްޗެއްގެ ނުވަތަ މީހެއްގެ މަތިން ހިތްކެނޑޭގޮތްވުން. (2) ކަންކަމާ ގަޔާވާގޮތް ނުވާ ނުވުން. (3) މީހެއްގައި ނުވަތަ އެއްޗެއްގައި ހުންނަ ސިފައަކުން ވާ ނުރުހެވޭގޮތް (4) ޠަބީޢި ގޮތުން މީހާއަށް އަންނަ ބަދަލަކުން ކަންކަން ކުރާހިތް ނުވެފާ ހުންނަ ހުރުން (5) ހިތްހަމަ ނުޖެހޭގޮތްވާ ވުން
ފޫހިވުން
(1) ކަމެއް ކުރާހިތްނުވުން. (2) މީހެއްގައި ނުވަތަ އެއްޗެއްގައި ހުންނަ ސިފައަކުން ނުރުހެވޭގޮތްވުން (3) ގަޔާނުވާގޮތްވުން
ފެންފިޔާޒު
ނ ޖަވާހިރެއް މިހުންނަނީ މަޑުކުލަކުލައިގައެވެ އެތެރެ އެނގޭ ހެން ހީވާ ނުވާގޮތަކަށް އެއްކުލައަކުން ނޫނީ ދެކުލައެއް އެކުލެވޭ ގޮތަށެވެ
ފެންފޮޅިތާނަ
ނ އިހުގައި ތާނަ ލިޔެއުޅުނު ގޮތެއް މިލިޔުމުގައި ކޮންމެ އަކުރެއް އަޅައިފައި އެއަކުރާ ގުޅިގެން އެއަކުރެއްގެ ވަށައިގެން ބޮޅުތަކެއް އަޅައެވެ