radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ނައިބޮލިކަނޑާހަނު
ނ ނައިބޮލިކަނޑާން ވަކިގޮތަކަށް ހަދާފައި ހުންނަހަނު މިގިނައިން ހުންނަނީ އެއްދަނޑީގައި ދެބުރު ލާފައެވެ މީގެ އެއްބުރުން ނައިބޮލި ކަނޑައި އަނެއް ބުރުން ކަރުނަގަނީއެވެ
ނައިލޯނު
ނ ރޮއްޖާއި ވައުފަދަ ތަކެތި ހަދަން ބޭނުންކުރާ މަޞްނޫޢީ މާއްދާއެއް
ނަފަގާތްދިނުން
މ ލާޒިމުވެގެންދޭ ޚަރަދުދިނުން
ނަދުރަށްސަލާންދިނުން
މ ނަދުރަށް ސަލާންޖެހުން
ނަދުރުބުނުން
މ ޖެހޭ އާފާތަކުން ސަލާމަތްވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފަތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއްކުޅައުމަށް ކަނޑައެޅުން
ނަގުލުންލޮނުވިއްސި
ނ އަންހެނުން ލިބާސްލާ ފޭރާމުގެ ރޮނގު ހުންނަ ބާވަތަކަށް ކިޔާނަމެއް
ނަޞޭޙަތްދިނުން
މ މީހަކަށް ހެޔޮމަގެއް ދެއްކުމަށްޓަކައި އޯގާވެރިކަމާއެކު އެމީހަކާ ވާހަކަދެއްކުން
ނާނު
ނ (1) ފާރޮށި އުދުނުގައި ގޮދަން ފުށުން ފިހާ ބޯކިބަލެއްގެ ބައްޓަމަށް އޮންނަ ކަމީރު ރޮއްޓެއް (2) )ސ ( މަހުގެ ހަން ދެމީމާ މަސްގަނޑުގެ ޅިޔަތައް މަތީގައި ހުންނަ ކަޅުކުލައެއްގެ ހިމަ ފަށްތަކެއް
ނާނުގާތު
ނ )ގ ( ނަންނުގަތި
ނާބުސްޚާނު
ނ ރަސްކަމުގެ ދުވަސްވަރު އާދަވެގެން ރަސްމީބެރުޖަހައި އުޅުނުތަން މިތަންހުރީ ހިތްތަން ދޮރޯށީގެ މަތީގައެވެ މިތަންހަދައިފައި ހުރީ ބޯކު ދޮރުތަކެއް ލައިފައި ހުންނަދިގު ކުޅިބަލާ ގެއެއް ހެންނެވެ މިތާގެ އިރުމަތީބަޔަށް ކިޔަނީ ނާބުސްޚާނެވެ
ނިމިނިމުނުކަން
ނ ވޭތުވެދިޔަ ދުރު ޒަމާނެއްގައި ވެ ނިމިފައިވާކަން
ނިމުނުކަން
ނ ވޭތިވެދިޔަ ކައިރި ޒަމާނެއްގައި ހިނގައިފިކަމެއް ދޭހަކޮށްދޭ ކަމެއް
ނިދިފިލުނު
މ ނިދީގެ އަސަރު ކެނޑިގެން ދިޔުން
ނިޢުމަތަށް ފުރަގަސްދިނުން
މ މަޖާޒު: ދިމާވާ ރަގަނޅު ގޮތްގޮތް ޤަބޫލުނުކުރުން
ނުހަނު
އ ވަރަށް މިބަސް ބުނެއުޅެނީ ރަނގަޅު ކަންތަކާ މެދުގައެވެ މިސާލު: ނުހަނު މޮޅުބޭހެއް
ނުހިނދޭކުޅިގަނޑު
ނ (1) އޮށްވަޅު ކުޅުމުގައި ނުހިނދޭގޮތަށް ރޭވިފައިވާ ކުޅިގަނޑު މިކުޅިގަނޑު ކުޅޭނީ ފިހާރައަށް ނުލައެވެ (2) މަޖާޒު: ނުހުއްޓިގެން ދާކަންތައް މިސާލު: ދެމީހަކު ހިތާވެގެން ދުރުނުވެ ނުމެ އިނދެމެ އުލޭ އުޅުން
ނުހިކޭފާރު
ނ (1) ބޭހުން ފަސޭހަނުވެ އުމުރަށްވެސް ހުންނަފާރު. މަޖާޒު: (2) ތިމާ އިންމީހެއް ނުވަތަ ހިތާވި މީހެއްގެ ނުފިލާ ހުންނަ ހަނދާން (3) ނުފުދިފައި ހުންނަ އެދުން
ނުހޮރުއްޕާން
ނ (1) ނުލާހިކު (2) ކޮންމެވެސް ކަމަކާހުރެ ތިމާއަށްވާ ނުލާހިކު ބޮޑު އުނދަގޫ
ނުހޮރުއްޕާންކުރުން
މ (1) ކޮންމެވެސް ކަމަކާ ހެދި ތިމާއަށް ނުލާހިކު ބޮޑަށް އުނދަގޫ ކުރުން (2) އުދަނގޫ ބޮޑުކުރުން (3) ދުއްތުރާކުރުން
ނުހޮރުއްޕާންވުން
މ (1) ކޮންމެވެސް ކަމަކާހެދި ތިމާއަށް ނުލާހިކު ބޮޑަށް އުނދަގޫވުން (2) އުނދަގޫބޮޑުވުން (3) ދުއްތުރާވުން