radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ތޮށިމެށުން
މ ތޮށި ހުންނަ ތަކެތީގެ ތޮށީގެ ބޭރުފަށް ތޫނުއެއްޗަކުން އެއާ ވަކިކުރުން
ތޮށިފިލުވުން
މ (1) ގޮވާމާއި ބަދަންފަދަ ތަކެތީގައި ހުންނަތޮށި އެތަކެއްޗާވަކިކުރުން ނުވަތަ ތޮށި ނެއްޓުން (2) ލޮނުމެދާއި ފިޔާފަދަ ތަކެތީގެ ބޭރުގައި ހުންނަ ހިކިތޮށި ނެއްޓުން
ތޮށިދެމުން
މ ރޯދަނޑިއާއި މުރަނގަތޮޅި ފަދަ ތަކެތީގެ ބޭރުގައި ހުންނަ ތޮށިފަށް ދަމައި ވަކިކޮށްލުން
ތޮށިގަނޑު
ނ (1) ރަށެއްގެ ވަށައިގެން ނުވަތަ ރަށެއްގެ އެއްފަރާތެއްގެ މޫދުތެރޭގައި ގަލުން ލެވިފައިވާ ފާރުގަނޑު (2) ބިހުގެ ބޭރުގައި އޮންނަ ހަރުބައި (3) ގަސްގަހާއި މޭވާގެ ބޭރުގައި ހަރުކޮށް އޮންނަބައި (4) ވެލަޔާއި އިއްސާއި ކަކުނިފަދަ ދިރޭތަކެތީގެ ހަށިގަނޑުގެ ބޭރުގައި ހަރުކޮށް އޮންނަބައި މަޖާޒު: (5) ޙަޤީޤަތް ފޮރުވުމަށްޓަކައި ބޭރުން ދައްކައިގެންއުޅޭގޮތް (6) މީހެއްގެ ވިސްނުމާއި ޚިޔާލު ގެންގުޅޭ ހަނިދާއިރާ
ތޮށިޖެހުން
މ (1) އޮޑިދޯނިފަހަރު ބާލައި އެހެލާއިރު ފަށަންދަށަށް ރޯގަހުގެ ތޮށިލެއްވުން (2) ވަޅިއެއްގެ ބޭނުންކޮށްގެން ދަނޑިއަކުން ތޮށިފިލުވުން (3) މަޖާޒު: )ސ ( އަނެކަކާބެހޭ ޝަކުވާކުރުން
ގޯޅި
ނ (1) ބޮޑެތި މަގުތައް ހުރަސްކޮށް ތަންކޮޅެއް ހަނިކޮށް ކުރުކޮށް ހުންނަމަގު (2) ދަގަނޑު އެއްޗެހި ތޮރުފަން ހަދައިފައި ހުންނަ ކައްޓެއް މިކަށިން ތޮރުފަނީ ތޮރުފަން ބޭނުންވާ އެއްޗެއްގައި ތުނޑު ޖައްސައިފައި އަނެއް ކޮޅުގައި އެއްޗަކުން ތަޅައިގެންނެވެ (3) އިމާރާތެއްގެ ތެރޭގައި ނުވަތަ ގޯއްޗެއްގެ ތެރޭގައި ހަނިދިގުކޮށް އޮންނަ ތަން
ފާސްކުރިހެދުން
ނ (1) ނަންބަރުހެދުން. (2) ދިގު ހެދުން. މިއީ ދެވަނަ ބޮޑު ހަނގުރާމައިގެ ދުވަސްވަރު ދިވެހި އަންހެނުން ލައި އުޅުނު ކަސަބު ބޯވަޅު ހެދުމުގެ ސާމާނު ނުލިބިގެން ސަރުކާރުން އުފެއްދެވި ޚަރަދު ކުޑަ ހެދުމެކެވެ މީގެ ތިން ނަންބަރެއްގެ ހެދުން އުފެއްދެވިއެވެ މިތަނުން މިހާރު ބޭނުންކުރަނީ އެކި ނަންބަރު އެއްކޮށްލައިގެން ހަދާފައިވާ ހެދުމެކެވެ
ފާސްދޯރު
ނ (1) އެއްކޮޅު ހިމަކޮށް ހަދާފައި ހުންނަ ދަގަނޑު ބުރިއެއް. މިއީ ޖަސްތުން ނުވަތަ ޓިނުން އެއްކޮޅުން ހިމަކޮށް އެއްޗެހި ހަދާއިރު އެއަށް ލައްވައިގަން ތަޅައި ސިފަގެންނަން ބޭނުން ކުރާ އެއްޗެކެވެ. (2) ވާ ފަލަސް ކުރުމަށް ގެންގުޅޭ އެއްކޮޅަށް ހިމަކޮށް ލަކުޑިން ނުވަތަ މަޢުދަނުން ހަދައިފައި އޮންނަ އާލާތެއް
ފާޚާނާހޮޅި
ނ ފާޚާނާގެ ނަޖިހާ ފެނާ ބޭރުކުރާހޮޅި
ފާޚާނާތަށި
ނ ފާޚާނާކުރަން ބޭނުންކުރާ ތަށި
ފިހި
ނ (1) ދަވާދުލުމަށާއި ކުރެހުމަށް ބޭނުންކުރާ އެއްޗެއް. އަޅޮލުންނާއި ބޮނބިނަރު ފަދަ ތަކެތިންވެސް މިހަދާފައި ހުރެއެވެ. (2) ކުރުނބާ ކިހަސްފަދަ ތަކެތި މަށާއިރު ވަކިކޮށްލެވޭ ބައި (3) އުއްދަނޑީގެ ފޮނިބޮއިފައި އުކާލާބައި
ފިހިގަނޑު
ނ (1) ބޮނބި ނުވަތަ އެފަދަ އެއްޗެއްގެ ނަރުން ހަދައި ދަނޑިއެއް ލައިފައި އޮންނަ އެއްޗެއް. މިއީ ކުނިކަހަން ބޭނުންކުރާ އެއްޗެކެވެ. (2) ތަރަފާލާއި ތަޅުންގަނޑު މަތިން ހިރަފުސް ފިލުވަން އުއި ފަށްތަކަކުން ހަދައިގެން ގެންގުޅޭ އެއްޗެއް. ހިރަފުސް ފިލުވުން މި ބޭނުން ކުރަނީ ފެނުން ތެންމައިލައިގެންނެވެ (3) ފިހިގަނޑު ބުމަރު ޖަހަން ރޯ ދިއްގާ ދަނޑިން އެއްކޮޅުގާ ވަކަފަށްތައް ހުންނަ ގޮތަށް ހަދާ އެއްޗެއް
ފިނި
ނ (1) ހޫނުގެ އިދިކޮޅު (2) ޝަބްނަމް (3) ޓެމްޕްރޭޗަރ ދަށުގައި ހުރުމުން މޫސުމަށް އަންނަ ބަދަލު (4) ފުރާނަ ދިއުމުން ހަށިގަނޑުގައި ހުންނަ ހޫނުކަން ކެނޑި އަންނަ ބަދަލު (5) އިންސާނާގެ ހަށިގަނޑަށް ވައިފެނުން އަރާމުކަން ލިބޭ ދަރަޖަ (6) ގަނޑުފެނާއި ފިނިކުރި އެއްޗިހިން ވާ އިޙްސާސް (7) މަޖާޒު: ނއ އުފާވެރިކަމެއް ނެތް (8) ޙިއްޞެއް ޙަރަކާތެއް ނެތް
ފިނިހައް
ނ ތެތްފިނި ތަންތާނގައި އުޅޭ އެނބުރިފައިވާ ތޮށިގަނޑެއްގެ ތެރޭގައި އޮންނަ މަޑުން ދުވާ ސޫތްޕެއް މިއެތި ދުވަނީ އެތެރޭގައި އޮންނަ މަސްގަނޑުން ބައެއް ބޭރަށް ނެރެގެންނެވެ
ފިނިފެން
ނ (1) ރަހަމީރުކުރަން ބައެއްކަހަލަ ފޮނިއެއްޗިއްސަށް އަޅާށާއި ބޭހަށް ބޭނުންކުރަން ތައްޔާރުކޮށް ފުޅީގައި ބަންދުކޮށްފައި ހުންނަ ފެނެއް (2) ފިނިކޮށް ހުންނަ ފެން
ފިނީލުން
މ އެއްޗެހި ހުދުކުރުމަށްޓަކައި ނުވަތަ މަޑުކުރުމަށްޓަކައި ރޭގަނޑު ބޭރުގައި ބެހެއްޓުން. މިސާލަކަށް: ކަށިކެޔޮފަތް ހައިފަދަ ތަކެތި ބޭރުގައި ބެހެއްޓުން
ފިރިހެންބޭސް
ނ (1) ފިރިހެނުންގެ ޖިންސީބާރު ގަދަކުރުމަށްޓަކައި ބޭނުންކުރާ ބޭސް (2) ބާހުގެ ބޭސް
ފިރިފުރާ
ނއ (1) ބާލިޣުވެފައިވާ (2) މީހަކާ އިންނަވަރުވެފައިވާ މިބަސް ބޭނުންކުރަނީ އަންހެނުންނާ ބެހޭ ގޮތުންނެވެ
ފިރިފުރާވަރަށްއެރުން
މ (1) ބާލިޣުވާ ޢުމުރަށް އެޅުން (2) ބޮޑުވާ ޢުމުރަށް އެޅުން މިބަސް ބޭނުން ކުރަނީ އަންހެނުންނާ ބެހޭގޮތުންނެވެ
ފިރިފުރާވަރު
ނ (1) ބާލިޣުވާ ޢުމުރު (2) ބޮޑުވެ ފުރިހަމަވާ ޢުމުރު މިބަސް ބޭނުންކުރަނީ އަންހެނުންނާ ބެހޭ ގޮތުންނެވެ