radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ބާފޮތި
ނ (1) ބާވެފައިވާ ފޭރާމުގެ ފޮތި (2) ފޮޅައި ސާފުކުރުމުގެ ކަންކަމަށް ބޭނުންކުރަން ދޫކޮށްލައިފައިވާ ފޮތި
ބާދަނޑި
ނ (1) މީހުންނަށް ހާނިއްކަ ދިނުމުގެގޮތުން ދެއަތްދަމައިފައި އަތުގައި ބަންނަ ދަނޑި ގަނޑު (2) އަރާދަނޑި (3) ކުދިންކުޅޭއިރު ކަނބިލި ފަދަ ދޫނީގެ ދެފިޔަ ދެފަރާތަށް ދަމައިފައި ދެފިޔައިގެ ދެކޮޅު ހިފަހައްޓަން ހުންނަ ދަނޑިގަނޑު
ބާދަނޑި އެޑުން
މ (1) އެއްޗެއް ބިނދިގެން ދެބުރި ޖައްސާ ހިފެހެއްޓުމަށް އެހެން ދަނޑިގަނޑެއް އަޅާ ބަނުން (2) ދެއަތް ދެފަރާތަށް ދަމައިފައި ދަނޑި ގަނޑެއްގެ ދެކޮޅު ދެއަތް ތިލައިގައި ބަނުން (3) އަރާދަނޑި ބަނުން (4) ދޫނިގެ ދެފިޔަ ދެފަރާތަށް ދަމައިފައި ދެފިޔަމަތީ ދަނޑިގަނޑެއް އަޅައިފައި ދެފިޔައިގެ ދެކޮޅު ދަނޑި ގަނޑުގެ ދެކޮޅުގައި އެއްސުން
ބާދަލާ
ނ ހަނިކޮށް ތުނިކޮށް ދިގުކޮށް ރިހީގައި ނުވަތަ ލޯގައި ތަޅައިފައި ހުންނަ ފަށެއް
ބާދިރީ
ނ ގޮވާމުގެ ބާވަތެއް މިއީ އޮނުފަތްހެއް ހިމަދިކޮށް ފަތްހުންނަ ގަހެއްގައި ނިކުންނަ ދިގުކުރާ ގަނޑެއްގައި އަޅާ އޮށްޓަރެކެވެ މީގެ ކުލައަކީ ގަދަމުށިކުލައެވެ މިގަސްހެދެނީ ގާތްގަނޑަކަށް 4 ފޫޓު 5 ފޫޓަށެވެ މިއީ ކުދިބަތް ހުންނަ ފާޑަށްއެއަށްވުރެ ބޮޑެތިކޮށް ހުންނަ ގޮވާމެކެވެ
ބާދުޝާ
ނ ރަސްގެފާނު
ބާލިސްމެޓާ
ނ އިހުގައި ގެނެސް އުޅުނުމެޓައެއް މިހުންނާނީ ކުޑަބާލީހެއް ހެންނެވެ
ބާލިޣުވުން
މ (1) ފިރިހެންކުއްޖާއާއި އަންހެން ކުއްޖާއަށް ފަނަރަ އަހަރު ފުރިހަމަވުން (2) ފިރިހެނުން ކުއްޖާ ނުވައަހަރަ ފުރުމަށް ފަހު ނިދީގައި ނުވަތަ އެހެން ޙާލެއްގައިވިއަސް މަނިބޭރުވުން (3) އަންހެންކުއްޖާ އަށް ނުވައަހަރު ފުރުމަށްފަހު ޙައިޟުވުން (4) ބޮޑުވުން މިބަހުގެ 4 ވަނަ މާނަ
ބާލީކޭން
ނ އެކަކު ނުވަތަ ގިނަބަޔަކު ކައިގެން ބާކީވާބައި
ބާގަޔަކުމީހުން
ނ (1) ޖަމާޢަތެއްގެ މީހުން (2) އެއްބަސް ވެގެން އުޅޭ ނުވަތަ އެއްކަމެއް ކުރުމަށް ގަސްދުގައި އުޅޭ ބައެއް
ބާސާ
ނ (1) ކިޔެވެލި ކިޔަވާއިރު ތިމާގެ މަޤުޞަދު ފާޅުކުރުމާއެކު މާތް ރަސްކަލާނގެ ކިބަޔަށް ދަންނަވާ ޘަނާ (2) ބައިސާ (3) ތާސްބައިގައި ރަސްގެފާނުގެ ތަސްވީރު ހުންނަގަނޑު
ބާސްކީލި ފައްޓަރު
ނ ބާސްކީލިން އަޅާ ފައްޓަރު މިއީ އިހުގައި ކުޑަކުދިންގެ ކަރުގައި އަޅައި އުޅުނު ގަހަނާއެކެވެ މިފަށް އަޅަނީ ބާސްކީއްޔަށްވާ ގޮތަށެވެ
ބާސްމާ
ނއ )ޏ( (1) ވިޔާނުދާ (2) ބަސްނާހާ )މިބަސް އާއްމުކޮށް ބޭނުން ކުރަނީ ކުޑަކުދިންނާ މެދުގައެވެ ( (3) )ބދ ( ހަތުރު
ބާޑީ
ނ (1) ބަޑީގެ އުންޑައިން ރަށް ދިފާޢު ކުރުމަށް އަތިރިމަތީގައި ޖަހައިފައި ހުންނަ އުސް ފަސްގަނޑު (2) ބަޑީގެ ޙަމަލާތަކުން ދިފާޢުވުމަށްޓަކައި ވެލި ބަސްތާތަކުން ޖަހާ ހުރަސް (3) ރަށްރަށުގެ ގިރާ ދިމަދިމާގައި ގިރައިގެން ދިޔަ ނުދިނުމަށް ޖަހާހުރަސް (4) ފަޅުތެރެއިން ބިން ހިއްކުމަށް ދޫކުރާ ހިސާބު
ބާޑީ ދުނބުރި
ނ ބާޑީ ޖެހުމަށް ބޭނުންކުރާ ދުނބުރި. މިކަމަށް ބޭނުންކުރަނީ ފަލަ ބޮޑެތި ދުނބުރިއެވެ. މިއީ އިހުގައި ދުޝްމިނުންގެ ނުރައްކަލުން ސަލާމަތްކުރުމަށް ބުރުޒުތަކުގެ ފާރުނިވައި ކުރުމަށް ކޮށްއުޅުނު ކަމެކެވެ އަދި ރާޅު އަރާ ދުވަސްވަރުވަރަށް މާލޭގަޔާއި ރާއްޖެތެރޭގައިވެސް ބާޑީ ޖެހުމަށް މިގޮތަށް ދުނބުރި ބޭނުންކޮށް އުޅުނެވެ
ބާޒީ
ނ (1) މަސައްކަތެއް ކުޅައުމުގައި ނުވަތަ ކުޅިވަރެއް ކުޅުމުގައި ކިޔާ ވާދަ (2) ވާދަކުރާ ކަންތަކުގައި ލިބޭ މޮޅު
ބާޖީ
ނ ކަމެއްގައި ދެރަވިމީހަކު މޮޅުމީހަކަށް އެއްޗެއް ދޭން ނުވަތަ ކަމެއް ކޮށްދޭން ބުނާ ބުނުން
ބާޖުމެރުން
މ (1) ކަމެއްގައި ދެރަވިމީހަކު މޮޅުވިމީހަކަށް އެއްޗެއްދޭން ނުވަތަ ކަމެއް ކޮށްދޭން ބުނުން (2) ބާޖީމެރުން
ބާޠިލު
ނ (1) ހައްޤުގެ އިދިކޮޅު (2) ކަމުނުދާ ނުދިއުން (3) އުވޭ އުވުން
ބާޠިލުކުރުން
މ (1) ކަމުނުދާ ކަމަކަށް ހެދުން (2) އުވާލުން