radheef.info
ރަދީފު


އެއްޗެއް
ނ އެކަތި
ސަންނެޓި
ނ ހަވާދުލައިގެން ބަނބުކޭލުގައި ކައްކާ ލައިގެންކާ އެއްޗެއް
ސަންބޯލް
ނ (1) ކާށިހުންޏާއި މަހާއި ހިކިމިރުސް ފަދަ އެއްޗެހި އެއްކޮށްގެން ހަދާ މަސްހުނި ފާޑުގެ ލައިގެންކާ އެއްޗެއް. (2) ފިޔާގެ ތެރެއަށް ހިކިމަހާއި ހަކުރާއި ހިކިމިރުހާއި ފޮނިތޮށި ފަދަ ތަކެތި އަޅައި ތެލުގައި ކައްކައިގެން ތައްޔާރު ކޮށްފައި ހުންނަ ލައިގެންކާ ހިކި އެއްޗެއް
ސަންގުގެރި ސޫޖީބޯހެން
)މިސާލުބަހެއް( ކެއިން ބުއިމުގެ އަދަބުތަކަށް ބެލުމެއްނެތި ދިޔާއެއްޗެއް ބޯންފެށުމުން ބުނެއުޅޭ ބަހެއް
ސަބުއެކަށް
އކ ހުރިހާ އެއްޗެއް އެކުގައި
ސަބުދެރިޔާ
ނ )ގ ސ ( ނާލުބައްތެއްޔާއި ބައްތެލި ދޯނީގައި ދިރުނބާކޮޅު ފެންފިލާމަތިން ދައްސޫރަ އޮންނަގޮތަށް ލަކުޑިން އަޅައިފައި އޮންނަ އެއްޗެއް
ސައިބޯނި
ނ ދޮވެސާފުކުރުމަށް ގެންގުޅޭ ފޮނުއަރާ އެއްޗެއް. މިހަދައިފައި ހުންނަނީ ތެލާއި ޕޮޓޭޝިޔަމާއި ސަރުބީ ފަދަ ބާވަތް ތަކުންނެވެ
ސައިމުޑާ
ނ ބެރުފިޔަފާޅިއަށް ސައިއަޅައިގެން ގެންދާ އެއްޗެއް
ސައިލެންސަރު
ނ (1) އިންޖީނުގެ ދުންބޭރު ކުރާއެތި މި އެއްޗަކީ އިންޖީނުގެ އަޑުމަޑު ކުރުމަށްވެސް ބޭނުންކުރާ އެއްޗެކެވެ (2) ބައެއްކަހަލަ ހަތިޔާރުގެ އަޑުމަޑު ކުރުމަށް ބޭނުންކުރާ އެއްޗެއް
ސައްކެޔޮ
ނ ދޮންވުމުގެ ކުރިން ތަރުކާރީ އެއްގެގޮތުން ދޮންވީމާ މޭވާއެއްގެ ގޮތުން ބޭނުންކުރާ އެއްޗެއް މިހުންނަނީ ބަނބުކޭލާ ވައްތަރު ގޮތަކަށް އެއަށްވަރެ މާބޮޑެތި ކޮށެވެ މިއީ ގަހުގެ ދަނޑިގަނޑުންނާއި މުލުންވެސް ނުކުންނަ އެއްޗެކެވެ
ސަދަބު
ނ ގުޑުގުޑާގެ އަބުނައިގެ ކޮޅުގައި ތިމަރައިން ލިޔެ ފައި ޖަހައިފައި ހުންނަ އެއްޗެއް
ސަޑު
ނ (1) ފުނާއަޅާއިރު ކުރިމައްޗަށް ވާގޮތަށް އިސްތަށިގަނޑުން ލައްވައިފައި ހުންނަ ބަނޑި. (2) ހަވާ ސީދަލަށް ހިފެހެއްޓުމަށްޓަކައި އޭގައި ހަރުކުރާ ހުންގާނެއް ކަހަލަ އެއްޗެއް ރުކުފަތިންނާއި އިލޮށިންވެސް މި ހަދައިފައި ހުރެއެވެ
ސަޓަނި
ނ ފިޔަޔާއި މިރުހާއި ކޮށައި އޭގެތެރެއަށް ހުތްޖަހައި ލޮނުލައިގެން މޮޑެފައި ހުންނަ ކާ އެއްޗެއް މިއީ ކެއުމުގެ ތެރޭގައި ބޭނުންކުރާ އެއްޗެކެވެ މިއަށް ތަފާތު ބާވަތް ބާވަތުގެ އެއްޗިހި ލައިގެން ތަފާތު ސަޓަނި ހަދައި އުޅެއެވެ
ސަޠުޙު
ނ (1) ފެންމަތި (2) ހަމަ ތަނެއްގެ ނުވަތަ އެއްޗެއްގެ މަތި މިސާލު: ބިމުގެ ސަޠުޙު
ސާންތި
ނ އެނދުއަށި ފަދަ ތަންތާގައި އެޅުމަށް ކަށިކެޔޮފަތުން ނުވަތަ ބޯކެޔޮފަތުން ވިޔާ އެއްޗެއް މި ވިޔެފައި ހުންނަނީ ތޮށަލީގެ ދުޅަ ހުންނަގޮތަށް އެއްވަތުމަތިން އަނެއްވަތު ދަށަށްވާ ގޮތަށެވެ
ސާޅަނގަ
ނ ގާފަދަ ތަކެތި ދުރަށް އުކަންގެންގުޅޭ އެއްޗެއް
ސާމޯރު
ނ އޮޑިފަހަރުގެ ކުނބުގެ ކުރީގައި ހުންނަ "ނީ" ގެ ތެރެއަށް ލައްވައިފައި ހުންނަ ދެފުރޮޅުލީ އެއްޗެއް މިއީ ރިޔާ ނަގަން ހަންޖާ ލައްވަން ހަދައިފައި ހުންނަ އެއްޗެކެވެ
ސާފުމޮހޮރާ
ނ ޖަވާހިރުގެ ތެރޭގައި ހިމެނޭ އެއްޗެއް މިއީ ފަތިކޮށް ކުކުޅުބިސް ބުރަށް ހުންނަ އެއްޗެކެވެ މިއީ ހަރުފަމުތުގެ ވައްތަރެކެވެ ކުލައަކީ ކިސަޑު އަޅިކުލައެވެ ބޮޑުމިނަކީ ގާތްގަނޑަކަށް ބައި އިންޗިއެވެ
ސާލާމިސުރީ
ނ ގަހެއްގައި އަޅާ ދެ އިންޗިއެއް ވަރުގެ އެއްޗެއް މި ހުންނާނީ އެއްކޮޅަށް ފަލަކޮށް އަނެއްކޮޅަށް ހިމަކޮށެވެ ހިމަކޮޅުގައި ކައްޓެއް ފާޑުގެ އެތިކޮޅެއް ހުރެއެވެ މިއީ ބޭހަށް ބޭނުންކުރާ އެއްޗެކެވެ
ސާގު
ނ ހުދުކުލައިގައި ފުއްފުކަށް ވަށްކޮށް ހުންނަ އެއްޗެއް މިކެއްކީމާ ފުއްތައް ހުންނާނީ މަސްލައިފައި ހުންނަ ގޮތަށެވެ މީގައި ވަރަށް ގަދަ ތާނެއް ހުންނާނެއެވެ މީގައި ބޮނޑިބަތާއި ފަނިފަދަ އެއްޗެހި ކައްކައެވެ
ސާގުދަލިޔާ
ނ ބަކަރިކިރު އަޅައިގެން ސާގުގައި ކައްކާ އެއްޗެއް