radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ނަރުސް
ނ ޑަކްޓަރުންގެ އިރުޝާދުގެ މަތިން ބަލިމީހުންގެ ކަންތައް ބަލަހައްޓަންތިބޭ މީހުން
ނަރެއްހާތަން ދޫކޮށްލިއްޔާ ކެނބެއްހާތަން ދަމައިގަންނާނެ
(މުސްކުޅިބަހެއް) ޤާނޫނާއި ގަވާއިދުފަދަ ކަންކަމަށް ކިތައްމެކުޑަ ލުޔެއް ދިނަސް ލިބުނު ލުޔަށްވުރެ ބޮޑަށް އެލުއީގެ އެކަށީގެންނުވާ ފައިދާ ނަގާނޭ ބުނުމަށް ބުނެއުޅޭ ބަހެއް
ނަބީޒު
ނ މޭބިސްކަދުރު ނުވަތަ ކަދުރުން ތައްޔާރުކޮށްފައިވާ ބަނގުރާ
ނަކަތް
ނ (1) މޫސުމުގެ ގޮތުން އަހަރު ބެހިފައިވާ އަށާވީސް ބައިންކުރެ ކޮންމެ ބަޔަކަށް ކިޔާނަން (2) ނަކަތް ނަކަތަށް ރޭވިފައި ހުންނަ ތަރިތައް
ނައިބުފަތްކޮޅު
ނ ނައިބުކަމާ ހިނގާއިރު ނައިބު ބޭކަލުންގެ ގެންދަވާ ދީނުގެ އަމުރުތައް ލިޔެވިފައިވާ ފަތް
ނައިބޮލިކަރު
ނ ނައިބޮލިތެރޭގައި ހުރަހަށް ހުންނަ ބައިތައް މިއިން ވައްތަރު ވައްތަރުގެ ފޮތި ހަދައިގެން ފަންޑިތައަށް ކުދިންގެ ކަރުގައި އަޅައި އުޅެއެވެ
ނައްކަވާރު
ނ (1) އޮރިޔާންބުޑު ނައްކަވާރު (2) އޮރިޔާމުން ހުންނަކުއްޖާ (3) ބަންގާޅު ކަނޑުގައި އޮންނަ ނިކުބާރު ކިޔާ ޖަޒީރާތައް
ނަވަތަ
ނ ގުނުމާއި އެއްކުރުމާއި ގުނަކުރުމުގެ ހަމަތައް އެކުލެވޭ ތާވަލު
ނަމާދު
ނ ޚާއްޞަވެގެންވާ ޝަރުޠުތަކަކާއި ލައިގެން ތަކުބީރަކުން ފެށޭ ސަލާމު ދިނުމަކުން ނިމޭ ކަންތައްތަކަކާއި ދުލުން ކިޔޭ ކިޔުންތަކެއް ހިމެނޭ އަޅުކަމެއް
ނަމާދުކުރުން
މ ޚާއްޞަވެގެންވާ ޝަރުތުތަކަކާއި ލައިގެން ތަކުބީރަކުން ފެށޭ ސަލާމް ދިނުމަކުން ނިމޭކަންތައްތަކަކާއި ދުލުންކިޔޭ ކިޔުންތަކެއް ހިމެނިގެންވާ އަޅުކަމެއްކުރުން
ނަދުރަށް ސަލާންޖެހުން
މ އެތައްގެއަކަށް ސަލާންޖަހާން ނަދުރުބުނެގެން ކޮންމެގެއެއްގެ ދޮރުމައްޗަށް އަރައިފައި "އައްސަލާމް ޢަލައިކުމް ނަދުރަކަށް" މިހެންބުނުން މިގޮތަށް ސަލާންޖަހާއިރު ގެއަކުން އެއްޗެއް ދޭކަށް ނުޖެހޭނެއެވެ އަދި އެއްޗެއް ދިނަސް އެއެއްޗެއްގައެއް ނުހިފާނެއެވެ
ނަސީބުއެރުން
މ މިންވަރު ފުޅުން ރަނގަޅު ގޮތްތައް މެދުވެރިވަމުން އައުން
ނަސްރުގެ އާޔަތް
ނ "ނަޞްރު" މިލަފުޒު އަންނަބައެއް އާޔަތް ނަޞްރު ދެއްވުން އެދި ބައެއްމީހުން މިއާޔަތްތައް ކިޔަވައި އުޅެއެވެ
ނާނަކަޓާ
ނ ފާރޮށި އުނދުނުގައި ފިހާ ފޮނިކާއެއްޗެއް. މިއީ ހަކުރާއި ގިތެލާއި ކުޅުބިހާއި ކާފޫރުތޮޅި ލައިގެން ގޮދަން ފުށުގައި ތައްޔާރުކުރާ އެއްޗެކެވެ
ނާނު
ނ (1) ފާރޮށި އުދުނުގައި ގޮދަން ފުށުން ފިހާ ބޯކިބަލެއްގެ ބައްޓަމަށް އޮންނަ ކަމީރު ރޮއްޓެއް (2) )ސ ( މަހުގެ ހަން ދެމީމާ މަސްގަނޑުގެ ޅިޔަތައް މަތީގައި ހުންނަ ކަޅުކުލައެއްގެ ހިމަ ފަށްތަކެއް
ނާރުތަކާބެހޭނިޒާމު
ނ ހަށިގަނޑުގެ އެންމެ ހިމަހިމަ ނާރުތަކުން ފެށިގެން ސިކުނޑީގެ ނާރުތަކާއި މައިކަށީގެ މަދާއި ހަރަކާތް ކުރުމަށް މެސެޖުގެނެސް ގެންގޮސްދޭ ހުރިހާ ނާރުތައް ހިމެނޭބައި
ނާރުގޮށްޖެހުން
މ ރާއްޖެބަލިޖެހިގެން ނާރުތައް ކުރުގެޅުން
ނާޅި
ނ (1) ގޮވާމުގެ ބާވަތްތައް މިނާން ގެންގުޅޭ ހަތަރު ލާހީގެ މިންވަރު ހުންނަ އެއްޗެއް (2) ހަތަރުލާހީގެ މިންވަރު އެއީ ގާތްގަޑަކަށް ދެރާތަލެވެ
ނިއުޅުން
މ (1) އޮޅާފައި އޮތް ފޮތި ނުވަތަ ދޫލަ ރޯލެއް ފަތުރައިލުން. (2) އެތައް ފައްތަކެއް ހަރުކޮށް އެއް އުޅިއަކަށް ހަދައިފައިވާ ގޮތް ކެނޑި ފައްތަށް ވަކިވަކިކުރުން (3) އެއްޗެއްގައި ހުންނަ މަޢުނަވީ ބަންދުކަމެއް މޮހެލުމަށް ފަންޑިތަވެރިންކުރާ ކަމެއް
ނިވައްތައިގަތުން
މ ބަނޑުހައިކަމުގެ އުނދަގޫތައް ބޮޑުވެގަތުން