radheef.info
ރަދީފު


މާތް
ނއ (1) މަތިވެރި (2) ބަރަކާތްތެރި (3) އަޚްލާޤު ރަގަޅު
މައިކަނބަލުން
ނ މަންމައަށް މާތްކޮށް ބުނެއުޅޭ ގޮތެއް
މަލާއިކަތުން
ނ މާތްރަސްކަލާނގެ އަމުރުފުޅުތަކަށް އުރެދުމެއްނުވާ ރޫޙާނީ ނޫރާނީ މަޚްލޫޤުން
މަސާހިބު
ނ (1) އަޅުގަނޑުގެ މާތްވެރިޔާ (2) ރަސްކަލެއްގެ އަރިހުގައި އާދޭހާ ދެންނެވުމުގެ ގޮތުން ބޭނުންކުރާ އާދެ ސާހިބު މިބަސްކުރުކޮށްލައިފައި ކިޔާގޮތެއް
މަޚްލޫޤު
ނ މާތްﷲ ހެއްދެވިހައި ތަކެތި
މާ
ނ (1) ގަސްގަހާ ގެއްސާއި ވެޔޮވެލާވެލި ފޯދުމަށް ދައްކާ ޢަލާމާތް. (2) އެއިން މޭވާ ނުވަތަ އޮށް ނުކުންނަ ފިޔަތަކަކުން އެކުލެވިގެންވާ ކުލަ ރީތި އެއްޗެއް. (3) ނަކަތެއްގެ ނަން. )ހުޅަނގު މޫސުމުގެ ދިހަވަނަ ނަކަތް( (4) ބޮޑު )ނ.އ.( މިސާލު: މާކަނޑު. (5) އަޅައިބެލުމުގެ ގޮތުން ބޭނުންކުރާ ބަހެއް. މިސާލު: )ހ( މާކުޑަ. )ށ( މާބޮޑު. (6) ނަމަވުމުގެ މާނައިގައި ބޭނުންކުރެވޭ ބަހެއް. މިސާލު: )ހ( އޭނާ ދިޔައިމާ އަހަރެން ދާނަމެވެ )ށ( އޭނާ އައިމާ އަހަރެން އަންނާނަމެވެ
މާމާފުޅު
ނ މާމައަށާ ފޫޅުމާމައަށް އެންމެ މާތްކޮށް ކިޔާގޮތް މިބަސް ބޭނުން ކުރަނީ ގަނޑުވަރު ތެރޭ ބޭފުޅުންނާ ގުޅޭގޮތުންނެވެ
މާތްބަސް
ނ ދިވެހިބަހުގެ އަދަބު ނިޔާކުރާގޮތުން މާތްކޮށް ވާހަކަދައްކަން ބޭނުންކުރާ ބަހުރުވައެއް
މާތްކަލާކޮއްޓަކާ
އ މާތްﷲ އަށްޓަކައި
މިޔޮއްފަދަ
އ ކަމެއްގެ ނުވަތަ އެއްޗެއްގެ މޮޅުކަން ރަނގަޅުކަން ބޭނުންތެރިކަން ނުވަތަ ނުބައިކަން ބޮޑުކަމުގެ މައްޗަށް ދަލީލުކުރާގޮތުން ބުނެ އުޅޭ ބަހެއް މިސާލު: މިޔޮތްފަދަ މާތްރޭ މިޔޮއްފަދަ ނުބައިކަންކުރީމާ
މިޢުރާޖު
އ (1) މަތިވެރި ދަރަޖަ (2) މަތިވެރިމަޤާމް (3) މާތްރަސޫލާމަލަކޫތީ ޢާލަމަށް ކުރެއްވި ދަތުރުފުޅު
މުޙްތަރަމް
ނއ މާތްކޮށް ހިތެވޭ މިސާލު: މުޙްތަރަމް މީހެއް
މުޤައްދަސް
ނއ (1) މާތް (2) މަތިވެރި (3) އައުދާނަ (4) ކީރިތި
މުޝްރިކުން
ނ (1) މާތްﷲ ގެ ރަސްކަންފުޅާ އެހެން ފަރާތަކާ ބައިވެރިކުރާ މީހުން (2) މާތްﷲ ފިޔަވާ އެހެން ފަރާތަކަށް އަޅުކަންކުރާ މީހުން
މޮޅު
ނއ (1) ދެރައިގެ އިދިކޮޅު (2) މާތް (3) މަތިވެރި (4) ފޭރާންހެޔޮ (5) ފެންވަރުރަނގަޅު (6) ކުޅަދާނަ
މޮޅުކަން
ނއނ (1) މާތްކަން (2) ކުޅަދާނަކަން (3) ފޭރާން ހެޔޮވުން (4) ދެރަކަމުގެ އިދިކޮޅު
ފަހުހިގަނިން
ނ )ބދ ( (1) ބަންޑާރަ ބޭކަލުންގެ އަރިހުގައި ދާމީހުން (2) މާތްމީހުންގެ އަރިހުގައި ދާމީހުން (3) މީހަކާ ނުވަތަ ބަޔަކާ ތަބާވެގެންވާ މީހުން
ފަނިތަށިކޮޅު
ނ (1) ފަނިތައްޓަށް މާތްކޮށް ބުނާގޮތް (2) ދަނޑިބެރުގެ ލަވައެއް
ފަނީގެއުނދަގޫ
ނ ބަނޑުގައި އުފެދޭ ފަންޏެއްގެ ސަބަބުން ވާ އުނދަގޫ. މިއުނދަގުލުގެ ޢަލާމާތްތަކަކީ ކާހިތްނުވުމާއި ލޯހުދުވުމާއި ހޮޑުލަވާގޮތްވުމެވެ
ގެގުން
މ )ސ ( (1) މަލާމާތްކުރުން (2) ސަމާސާ ކުރުން
ސަވާބު
ނ ހެޔޮކަމެއް ކުރުމުން މާތްﷲ ދެއްވާ ދަރުމަ