radheef.info
ރަދީފު


އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
ނައްޞު
ނ ލިޔެވިފައިވާ އަސްލުގޮތް. މިސާލު: ޤުރްއާނުގެ އާޔަތް ރަސޫލުﷲ ގެފާނުގެ ޙަދީޘް
ނަވިޔަނި
ނ މަތީތަލީގެ ގާތްގަނޑަކަށް މެދަކާ ހިސާބުގައި ދޫޖައްސައިފައި ނެރޭއަޑެއް މިކިޔޭނީ ނޫނުގެ އަޑުން އެއަށްވުރެ ބަރުކޮށެވެ މިއީ ތާނަލިޔުމުގައި އާއްމުކޮށް ބޭނުން ކުރާއަކުރެއް ނޫނެވެ
ނަމުރު
ނ ބުޅަލާވައްތަރު ސިންގާއަށްވުރެ ކުޑަ މިނިކާ ޖަނަވާރެއް އޭގެ ކެހެރިގަނޑުގައި ހުދުކުލައާއި ކަޅުކުލައިގެ ލައްތަކެއް ހުރެއެވެ މިއީ ވަރަށް ބާރަށް ދުވާ ޖަނަވާރެކެވެ މި ޖަނަވާރު ޢާންމުކޮށް އުޅެނީ އެފްރިކާއާއި އޭޝިއާގައެވެ
ނަދުރު
ނ (1) ޖެހޭއާފާތަކުން ސަލާމަތް ވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފާތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއް ކުޅައުމަށް ކަނޑައަޅާ ކަނޑައެޅުން (2) އިހުގައި ނަދުރުބުނެގެން ބޮލުމެދުން ދިގުކޮށްފާހުންނަ އިސްތަށިކޮޅު
ނަދުރުބުނުން
މ ޖެހޭ އާފާތަކުން ސަލާމަތްވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފަތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއްކުޅައުމަށް ކަނޑައެޅުން
ނަގިލިކަސްމަތިންދިއުން
މ (1) ނަގިލިލައިފައި އޮންނަ ކެނބު ބޯރުދޫއާ ހަމައިން ކަނޑައިލުން (2) މަޖާޒު: ކުއްލިއަކަށް އަނބިމީހާ ވަރިކުރުން
ނަގޫފަތް
ނ މަހުގެ މައިކައްޓާ ގުޅިގެން ފަހަތަށް އޮންނަބައި އާންމުކޮށް މިބައި އޮންނަނީ ދެކަތްޕަށެވެ
ނަސުރުވެރި
ނއ ހެޔޮކަންތަކަށް މާތްﷲގެ ހަޟުރަތުން އެހީއާއި ވާގިލިބިފައިވާ
ނަސުރުވެރިކަން
ނއނ ހެޔޮކަންތަކަށް މާތްﷲގެ ޙަޞުރަތުން އެހީއާއިވާގި ލިބިފައިވާކަން
ނަސްރުގެ އާޔަތް
ނ "ނަޞްރު" މިލަފުޒު އަންނަބައެއް އާޔަތް ނަޞްރު ދެއްވުން އެދި ބައެއްމީހުން މިއާޔަތްތައް ކިޔަވައި އުޅެއެވެ
ނާށިއުނދުޅި
ނ ކާށީގެ ނާށިން ހަދާއާލަތެއް )މިހުންނަނީ ހިފާތަނުގައި ހިމަދިގު ދަނޑިއެއްލާފައެވެ
ނާށިދިލަ
ނ (1) ނާށިއާވި (2) އަނދައަނދާ ހުންނަ ނާށްޓެއްގެމަތިން އެއްޗެއްޖަހައި ބަންދުކުރީމާ ނެގޭއާވި
ނާރު
ނ (1) ސިކުނޑިއާ ހަށިގަނޑުގެ އެހެންބައިތަކާ ގުޅައިދޭ މުވާސަލާތީ ވިއުގައިގައި ހިމެނޭފަށް (2) ލޭ ހިންގުމުގެ ނިޒާމްގައި ހިމެނޭ ހޮޅި (3) އަތްފައިގެ ހުދުހަމުގައި އެހަމުގެ ކުލަޔާ ތަފާތުކޮށް ހުންނަ ގުދުރަތީ ރޮނގު (4) ކާނާއާއި ފެންދައުރުކުރުމަށް ގަސްގަހާގެހީގެ ފަތުގައި ހުންނަ ފަށް (5) ގަސްގަހުގެ ފަތުގެ ބޭރުފުށުގައި އުސްކޮށް އެހުންނަ ފަށްފަށާއި މީގެ ބަނޑުފުށުގައި ހުންނަ ރޮނގު
ނާރުއެރުން
މ އާދަޔާ ޚިލާފަށް ކޮންމެވެސް ނާރަކަށް ވާންވެގެން ރިހޭން ފެށުން
ނާބުސްޚާނު
ނ ރަސްކަމުގެ ދުވަސްވަރު އާދަވެގެން ރަސްމީބެރުޖަހައި އުޅުނުތަން މިތަންހުރީ ހިތްތަން ދޮރޯށީގެ މަތީގައެވެ މިތަންހަދައިފައި ހުރީ ބޯކު ދޮރުތަކެއް ލައިފައި ހުންނަދިގު ކުޅިބަލާ ގެއެއް ހެންނެވެ މިތާގެ އިރުމަތީބަޔަށް ކިޔަނީ ނާބުސްޚާނެވެ
ނިކަން
އތ (1) ވަރަށް. މިސާލު: ނިކަން ރަނގަޅަށް ނިކަންނުބައި (2) އާދޭހުގެ ގޮތުންނާއި ރުޅިވެރިކަމުގެ ގޮތުންނާއި ބަސްގަދަކޮށްލުމުގެ ގޮތުން ބުނެއުޅޭ ބަހެއް މިސާލު: ނިކަން އައިސްބަލަ
ނިއައުކުރުން
މ (1) ޤުރުއާން ކިޔަވާ ޚަތިމްކުރުން (2) ކަމެއްކޮށް ނިންމައިލުން
ނިއައުވުން
މ (1) ޤުރުއާން ކިޔަވާ ޚަތިމްވުން (2) މަރުވުން (3) ނިމުން
ނިއަފަތިގަނޑު
ނ ގެރިއާއި އަސްފަދަ ތަކެތީގެ ހަތަރުމޮށްގަނޑުގެ ކޮޅުގައި އޮންނަ ހަރުބައި
ނިވާލުން
މ (1) އަލިފާން ނެއްތައިލުން (2) ހޫނު ފެނަށް ހިހޫ ފެންއަޅައިގެން ހޫނުކަން މަޑުކޮށްލުން (3) އިންޖީނާއި ރޭޑިޔޯއާއި ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓައިލުން (4) އަވިމަޑުވެލުން ނުވަތަ ހަނދުވަރު ފަނޑުވެލުން