radheef.info
ރަދީފު


އަކު
އކ ޔަޤީންކޮށް ދިނުމަށް ނުވަތަ ނަކިރާ ކުރުމަށް ގެންނަ އަކުރެއް މިސާލު: )ހ( އޭނާ ރަށަކުނެތް )ށ( ތިޔަ ވާހަކައެއް ފޮތަކުނެތް )ނ( މީހަކު އަތުވެއްޖެ
މާނަ
ނ ބަހަކުން ނުވަތަ ޖުމްލައަކުން ނުވަތަ އިޝާރާތަކުން ކުރެވޭ ދޭހަ
މިޔަބެއްދުން
މ ކުޅަނދުރުހަތާ ނަގަން އަރާއިރު ފަންޑިތައަކުން ގައިގައި ކުޅަނދުރު ނަހަފާނެގޮތް ހެދުން
މީރުވުން
މ ވަހަކުން ނުވަތަ ރަހައަކުން ނުވަތަ ކަމަކުން ހިތަށް އަރާމެއް ލިބުން
މީމު
އ ތާނައިގެ ދިހަވަނަ އަކުރު
މުއާޞަލާތު
ނ (1) ގުޅުން އުފެއްދުމުގެ ޢަމަލު. (2) އަނގަބަހުން ބުނާ ނުވަތަ ލިޔެގެން އަންގާ ވާހަކަ. (3) އެކަކު އަނެކަކަށް ދޭހަވާ ބަހުރުވައަކުން ނުވަތަ ޙަރަކާތަކުން ނުވަތަ އިޝާރާތަކުން ނުވަތަ ނިޝާނެއްގެ ބޭނުން ކޮށްގެން ވާހަކަ ދެއްކުމަށް ކުރާ ޢަމަލު. (4) މަޢުލޫމާތު ބަދަލު ކުރުމަށް ކުރާ ޢަމަލު. (5) ދަތުރު ފަތުރު ކުރުމުގެ ނިޒާމް. (6) ވާހަކަ ދެއްކުމާއި ސިޓީއާއި މެސެޖް ބަދަލުކުރުމުގެ ނިޒާމު
މުގުރުގަނޑު
ނ މުގުރުބުރި )ކުރެދިން ނުވަތަ އެހެން ބާވަތެއްގެ ލަކުޑިއަކުން މުށްވަޅެއްލައިފައި ހަދާފައިއޮންނަ ހިމަދިގު އެއްޗެއް ގާތްގަނޑަކަށް މީގެ ދިގުމިން މާމުށެއް ނުވަތަ ކުރުމުށެއް ވަރުވާނެއެވެ
މޫނުމަތި
ނ (1) މޫނަށްވީ ހިސާބު. (2) މޫނުގެ ސިފަ ބަދަލުކުރުމަށްޓަކައި އަލަށް ހަދައިފައި ހުންނަ އެއްޗެހި (3) ފީނާއިރު ލޯރައްކާތެރި ކުރުމުގެ ގޮތުންނާއި ފަސޭހައިން ތަންތަން ބެލުމަށްޓަކައި މޫނުގައި އަޅަން ހަދައިފައި ހުންނަ އެއްޗެހި (4) ގަޑިއާއި ސަމުގާ ފަދަ އެއްޗެހީގެ އަކުރުތައް ޖަހައިފައި ހުންނަފަރާތް (5) ކުރިމަތި
މެން
އ ގިނަ ކުރުމަށްޓަކައި ފުރާނައެޅި އެއްޗެހީގެ ނަމުގެ ފަހަތަށް ގެންނަ އަކުރެއް. މިސާލު: ބައްޕަމެން އެސޮރުމެން
މެތަމެޓިކްސް
ނ ހިސާބު އަކުރާއި އެއަކުރުތައް ބޭނުންކުރާ ގޮތާއި މިންތަކާއި ވަޒަންތައް ބެލުމާބެހޭ ޢިލްމް
މެޝިން
ނ (1) ތަފާތު ބައިތަކެއް ރާވައިގެން ހަދައިފައި ހުންނަ އަމިއްލައަށް ނުވަތަ ޗާބީދީގެން ނުވަތަ ކަރަންޓުން ނުވަތަ ބެޓެރީން އަދި އެނޫންވެސް ހަކަތައަކުން އަމިއްލައަށް ހިނގާ ވަކިވާޖިބެއް އަދާކޮށްދޭ އެއްޗެއް (2) މަޖާޒު: މަޚުލޫޤުން (3) ސަރުކާރު ނުވަތަ ކަމެއްހިންގާ އިދާރާ
ފ
އ (1) ތާނައިގެ އެގާރަވަނަ އަކުރު (2) ދިވެހި ހިސާބު އަކުރުގެ ދެވަނަ އަކުރު
ފަހިވައިޖެހުން
މ ދަތުރަށް ފަސޭހަ ދިމާއަކުން ވައިލިބުން
ފަށް
ނ (1) ރޮދި ރޯނު ކަންވާރުފަދަ އެއްޗެއްގެ ދިގު އެތިކޮޅެއް (2) ކަރުގައި އަޅަން މަޢުދަނީ ތަކެތިން ހަދައިފައި ހުންނަ ފަށްވަރު (3) ތަކުރާރުވާގޮތަށް ހިނގާ ކޮންމެ ކަމެއްގެ ފަހަރެއް (4) ފޮތި ފަދަ އެއްޗެހި މަޅައިފައި ހުންނައިރު އެއިން ބައެއް (5) ތަންތަނުގައި ނުވަތަ އެއްޗެހީގައި ތަފާތު ކުލައަކުން ހިމަދިގުކޮށް ފަވައިފައި ހުންނަ ފެވުން (6) އުޅި
ޑ
ނ ތާނައިގެ އަށާރަވަނަ އަކުރު
ފަރަންޖީކަރުދާސް
ނ ބޭރުތަންތަނުގައި ލެޓިން އަކުރުން ނުވަތަ މިފަދަ އަކުރަކުން ޗާޕްކޮށްގެން ނެރޭ ނޫހުގެ ކަރުދާސް
ފައި
ނ (1) އިންސާނުންގެ އުކުޅުވަޅުން ފެށިގެން ތިރިޔަށް ހުންނަބައި. (2) ހަތަރު މޮށްގަނޑު ހުންނަ ޖަނަވާރުގެ ފަހަތު ދެމޮށްގަނޑު. (3) ގޮނޑި މޭޒު ފަދަ އެއްޗެހި ކޮޅަށް ބެހެއްޓުމަށްޓަކައި ހުންނަބައި. (4) ދިޔަހިއްކަން ލަކުޑިން ހަދައިފައި ހުންނަ އެއްޗެއް. (5) )ޏ.ސ( އެހެން އެހެންޏާ. (6) ކަންކުރި ފަރާތް އެއްގޮތްވުމާއެކު އެއްކަމެއް އަނެއްކަމަކާ ގުޅަމުން ގެންދިއުމުގައި ބޭނުންކުރާ އަކުރެއް މިސާލު: ޞާދިޤު އައިސް ވަދެފައި އެހެން ބުނެލައިފައި ހިނގައްޖެއެވެ
ފައިކޮޅު
ނ (1) އިންސާނާ އާއި ދެފައިމައްޗަށް ތެދުވެ ހިނގައިއުޅޭ ތަކެތީގެ ތިރީބައި (2) ލިޔުމުގެ އަކުރުތަކުގައި ތިރިއަށާއި މައްޗަށް ދަމައި ލެވިފައިވާބައި
ފަދަމް
ނ ހިސާބު ޢަދަދު ކަނާތުން ވާތަށް ގުނާއިރު ސޯޅަވަނަ އަކުރުގެ ގެވަޅަށް ކިޔާނަން
ފާފު
އ ތާނައިގެ އެގާރަވަނަ އަކުރު
ފެންމޯޓަރު
ނ ތާނގީއަކުން ނުވަތަ ވަޅަކުން ނަމަވެސް ފެންނަގައިދީ ބޭނުންވާ ތަނަކަށް ހޮޅީގެ ތެރެއިން ފެންފޮނުވާލަދޭ ގޮތަށް ހަދައިފައި ހުންނަ ކަރަންޓުން ހިންގައިދޭ އެއްޗެއް