radheef.info
ރަދީފު


ޅީ
ނ (1) ފޮނިގަދަ އެއްޗެހި ގިނައިން ކޭމާ އަނގަޔަށާއި ކަރުތެރެއަށް ވާގޮތް (2) ފޫހި
ފަނޑިޔާރުތޮޅި
ނ މޫދުގައި އުޅޭ ތޮޅީގެ ބާވަތެއް
ފަނަސް
ނ ސާޅީސް އަށެއް
ފަނިކޮނުން
މ (1) މަސްބޭނުމަށް އެންގަނޑުގެ ގޮތުގައި ބުޅީގައި އެޅުމަށް ބޭނުންކުރާ ފަންޏެއް ކޮނެގެން ނެގުން. މިފަނި ނަގާނީ ދިޔަވަރު ހިކިފައި އޮންނައިރު ގޮނޑުދޮށުން ނުވަތަ ފަޅުމަތީގައި ހިކިފައި ހުންނަ ތަންތަނުންނެވެ (2) ފަނި އޭގެ ހަރުކޮނުން
ފަންގަނޑުތޮޅި
ނ ފަތިކޮށް ދިގުކޮށް ހުންނަ މަހެއް. މިއީ ތޮޅީގެ ބާވަތެކެވެ. މިއީ އެހެން މަސްމަހާ ޚިލާފަށް ބަނޑުދަށް ފަރާތުގެ ކޮތަރި ބައިނަގޫފަތާ ވަރަށް ކައިރީގައި ހުންނަ އަދި ކަންފަތްވެސް ބަނޑުދަށް ފަރާތުގައި ހުންނަ މަހެކެވެ މިމަސް މާކަނޑުތަކުގައި އުޅޭތީ މަދު ފަހަރެއްގައި ނޫނީ ނުބޭނެއެވެ
ފަންސަޔާޅީސް
ނ (1) ގުނުމުގެ ސާޅީސް ފަސްވަނަ އަދަދު (2) ހަތަރުދިހަފަހެއް (3) ސާޅީސްފަހެއް
ގޮހޮރުކޮޅުވައި
ނ އުރަވަޅީގެ ބައްޔެއް މިބަލީގައި އުރަވަޅިޔަށް ވައިފައިބައި އުރަވަޅި ބޮޑުވާނެއެވެ
ފަރާތް
ނ (1) ކިބަ. މިސާލު : އޭނާގެ ފަރާތުން )އޭނާގެ ކިބައިން( (2) ފުށް. މިސާލު: މަންމަ ފަރާތުގެ ބޮޑުބޭބެ. )މައިފުށުގެ ބޮޑުބޭބެ( (3) ގަނޑުގެ އެފަރާތް ގަނޑުގެ މިފަރާތް. (4) ބިތް. މިސާލު: އަތޮޅުގެ އުތުރު ފަރާތުން ދަތުރުކުރާށެވެ. )އުތުރުބިތުން ދަތުރުކުރާށެވެ.( (5) ފަޅި މިސާލު: ޖަލްސާއަށް ދިޔަމީހުން އިށީނދެ ތިބީ ހޯލުގެ ވާތްފަރާތުގައެވެ )ވާތްފަޅީގައެވެ ( (6) މީހުންނާއި ކުލަބު ޖަމްޢިއްޔާ ފަދަ އެކުވިނަންތައް ގުޅުވައިގެން ބޭނުންކޮށް އުޅޭ ބަހެއް މިސާލު: މިކަމަށް އެދޭ ފަރާތްތަކުން
ފަރުގާލުތޮޅި
ނ މޫދުގައި އުޅޭ ތޮޅީގެ ބާވަތެއް މިއޮންނާނީ ވަށްވެލައިގެންނެވެ
ފަޅުތޮޅި
ނ މޫދުގައި އުޅޭ ތޮޅީގެ ވައްތަރެއް
ފަސްލޭންބައްތި
ނ ކުރު ފުޅިއެއްގެ ތެރެއަށް ތެޔޮއަޅައި އެފުޅީގެ މަތީގައި ތުނބެއް ޖަހައި އެ ތުނބުގައި މެދަށް ފަލަކޮށް ހުންނަ ދިގުބިއްލޫރި ހޮޅިއެއް ޖަހައިފައި ހުންނަ ދިއްލާ އެއްޗެއް މިހުންނާނީ ދުނިގަނޑަކަށް ލައްވައިފައި އެލުވޭ ގޮތަށެވެ
ފާހިޖެހުން
މ (1) ކާށިތަކެއް އެއްކޮށް ފަތީލުން. (2) ބުޅީގެ ފިލިތުގާ ލޯވަޅެއް އަޅާ ނުވަތަ ބުޅީގެ ފިލިތުކޮޅު ހިމަކޮށް ލަނބައިލައި ނަނު ނުވަތަ ކަންވާރު ލެއްވޭގޮތަށް ހެދުން (3) ނަނުފަދަ އެއްޗެއްގެ ކޮޅު އަނެކައްޗަކާ ގުޅުވުމަށް ބޮޅެއް ހެދުން
ފެންމޯޓަރު
ނ ތާނގީއަކުން ނުވަތަ ވަޅަކުން ނަމަވެސް ފެންނަގައިދީ ބޭނުންވާ ތަނަކަށް ހޮޅީގެ ތެރެއިން ފެންފޮނުވާލަދޭ ގޮތަށް ހަދައިފައި ހުންނަ ކަރަންޓުން ހިންގައިދޭ އެއްޗެއް
ދޮޅި
ނ (1) ދަތްދޮޅީގެ ދަށްފަރާތް (2) މަހުގެ ބަނޑުދަށުން ކަރުތާފަތް ގަނޑާގުޅޭބައި (3) ނަމާދުކުރަން އަންހެނުންގެ ބޮލުގައި އަޅަންދޮޅި ޖަހައިފައި ހުންނަފޮށާ
ތޮށަލި
ނ (1) ރުކުގެފަން މެދުން ފަޅައިލައިފައި ފަންވަތްތައް އެއްވަތުމަތިން އަނެއްވަތު ދަށުން ނަގައި ވިޔެފައި ހުންނަ އެއްޗެއް މިއީ ގޭގޭގެ ބިތުގައި ޖެހުމަށާއި ފުރާޅުގައި ލުމަށް ބޭނުންކުރާ އެއްޗެކެވެ (2) ރުކުގެ ފަން މެދުން ފަޅައިލައިފައި ދެފަޅީގެ އޮށިގަނޑު ދެފަރާތަށް ހުންނަގޮތަށް ދެފަޅިއެއްކޮށް ވިޔެފައި ހުންނަ އެއްޗެއް މިއީ މަސް ބެހެއްޓުމަށް ވިޔެފައި ހުންނަ އެއްޗެކެވެ
ގޯޅިކަންމަތި
ނ (1) ގޯޅީގެކަން (2) ގޯޅިއާއި އެގޯޅިއަކާ ގުޅޭމަގާ ބައްދަލުވާކަންމަތި
ފިނިފެން
ނ (1) ރަހަމީރުކުރަން ބައެއްކަހަލަ ފޮނިއެއްޗިއްސަށް އަޅާށާއި ބޭހަށް ބޭނުންކުރަން ތައްޔާރުކޮށް ފުޅީގައި ބަންދުކޮށްފައި ހުންނަ ފެނެއް (2) ފިނިކޮށް ހުންނަ ފެން
ފިއްތާގޮށް
ނ (1) ދެފަޅި ޖައްސާފައި އޮބައިލީމާ އެއްފަޅީގެ ތެރެއަށް އަނެއްފަޅީގެ ބައެއް ވަންނަ ގޮތަށް މަޢުދަނަކުން ހަދައިފައިވާ ގޮށެއް (2) ޓިސްގޮށް
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިލިތު
ނ މިޔަވާލި ބައްދަން ބުޅީގައި ފަތިކޮށްފައި ހުންނަ ތަން
ފިލިތުޖެހުން
މ މަސްބާނާ ބުޅީގެ ފަހަތުކޮޅު ތަޅައި ފަތިކޮށްލުން